Cinema News: ಸೋಶಿಯಲ್ ಮೀಡಿಯಾದಲ್ಲೊಂದು ಹೊಸ ಚರ್ಚೆ ಈಗ ಆರಂಭವಾಗಿದೆ. ಹೌದು ಪ್ರತಿಷ್ಠಿತ ನಿರ್ಮಾಣ ಸಂಸ್ಥೆಯೊಂದು ಬಿಡುಗಡೆ ಮಾಡಿರುವ ಪೋಸ್ಟರ್ ಈಗ ಚರ್ಚೆಯ ವಿಷಯವಾಗಿ ಬದಲಾಗಿದೆ. ಈ ಪೋಸ್ಟರ್ ನಲ್ಲಿ ಕರ್ನಾಟಕದ ಕಿಂಗ್ ಯಾರಲೇ ? ಎನ್ನುವ ಒಂದು ಪ್ರಶ್ನೆ ಇದ್ದು ಇದು ಕುತೂಹಲವನ್ನು ಕೆರಳಿಸಿದೆ. ಈ ಹೊಸ ಸಿನಿಮಾದಲ್ಲಿ (Cinema News) ಶಿವರಾಜ್ ಕುಮಾರ್ (Shivaraj Kumar) ಅವರು ನಟಿಸಲಿದ್ದಾರೆ ಎನ್ನುವ ವಿಚಾರವು ಈಗಾಗಲೇ ಗೊತ್ತಿದೆ. ಅಲ್ಲದೇ ಅಭಿಮಾನಿಗಳು ಅವರನ್ನು ತಮ್ಮ ಅಭಿಮಾನದಿಂದಾಗಿ ಕಿಂಗ್ ಅಂತಾನೇ ಕರೀತಾರೆ.
ಈಗ ಶಿವಣ್ಣನ ಪೋಸ್ಟರ್ ಬಿಡುಗಡೆ ಮಾಡೋದಕ್ಕೂ ಮೊದಲು ಈ ಹೊಸ ಪೋಸ್ಟರ್ ಅನ್ನು ಬಿಡುಗಡೆ ಮಾಡಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿದೆ. ಡಾಲಿ ಧನಂಜಯ್ (Daali Dhananjay) ಅವರ ಅಭಿನಯದ ಹೊಸ ಸಿನಿಮಾ ಉತ್ತರಾಕಾಂಡ (Uttarakanda) ಸಿನಿಮಾಕ್ಕೆ ಹೊಸ ಹೊಸ ಕಲಾವಿದರ ಸೇರ್ಪಡೆಯಾಗುತ್ತಿದ್ದಾರೆ. ಆರಂಭದಲ್ಲಿ ಈ ಸಿನಿಮಾಕ್ಕೆ ರಮ್ಯ ನಾಯಕಿ ಎನ್ನುವುದು ಅಧಿಕೃತವಾಗಿ ಘೋಷಣೆ ಆಗಿತ್ತು.
ಆದರೆ ಈಗ ಈ ಸಿನಿಮಾಕ್ಕೆ ನಾಯಕಿಯಾಗಿ ತೆಲುಗು, ತಮಿಳಿನಲ್ಲಿ ಹೆಸರನ್ನ ಮಾಡಿರುವ ನಟಿ ಐಶ್ವರ್ಯ ರಾಜೇಶ್ (Aishwarya Rajesh) ಅವರು ಎಂಟ್ರಿಯನ್ನು ನೀಡಿದ್ದಾರೆ. ಚೈತ್ರ ಆಚಾರ್ ಮತ್ತು ದಿಗಂತ್ ಅವರು ಈ ಸಿನಿಮಾದಲ್ಲಿ ನಟಿಸುವ ವಿಚಾರ ಹೊರ ಬಂದ ಬೆನ್ನಲ್ಲೇ ಐಶ್ವರ್ಯ ರಾಜೇಶ್ ನಾಯಕಿ ಎನ್ನುವ ವಿಚಾರವು ಹೊರ ಬಂದಿದೆ. ಐಶ್ವರ್ಯ ರಾಜೇಶ್ ಅವರು ಈ ಸಿನಿಮಾ ಮೂಲಕ ಸ್ಯಾಂಡಲ್ವುಡ್ ಗೆ ಎಂಟ್ರಿಯನ್ನು ನೀಡುತ್ತಿದ್ದಾರೆ.
ಇನ್ನು ಕನ್ನಡ ಸಿನಿಮಾ ರಂಗದ ಹಿರಿಯ ನಟಿ ಉಮಾಶ್ರೀ (Umashree) ಅವರು ಈ ಸಿನಿಮಾದಲ್ಲಿ ಪಂಡಿರಿಬಾಯಿ (Pandribai) ಎನ್ನುವ ಪಾತ್ರವನ್ನು ನಿರ್ವಹಿಸಲಿದ್ದಾರೆ. ಚಿತ್ರತಂಡ ಈಗಾಗಲೇ ಉಮಾಶ್ರೀ ಅವರ ಲುಕ್ ನ ಪೋಸ್ಟರ್ ಅನ್ನು ಸಹಾ ಶೇರ್ ಮಾಡಿದ್ದು , ಉಮಾಶ್ರೀ ಅವರ ಲುಕ್ ಬಹಳ ವಿಶೇಷವಾಗಿ ಮೂಡಿ ಬಂದಿದೆ ಎನ್ನುವುದು ಅಭಿಮಾನಿಗಳ ಮಾತಾಗಿದೆ. ರಂಗಾಯಣ ರಘು ಅವರು ಇದರಲ್ಲಿ ಬಂಡೆ ಕಾಕಾ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
