Sri Sathya: ಸಿನಿಮಾಗಳಲ್ಲಿ ಅಥವಾ ಸೀರಿಯಲ್ ಗಳಲ್ಲಿ ನಟಿಸಲು ನಟಿಯರು ಅಂದವಾಗಿ ಇರುವುದು ಮೊದಲ ಅರ್ಹತೆಯಾಗಿರುತ್ತದೆ. ಅದರಲ್ಲೂ ಇತ್ತೀಚಿನ ವರ್ಷಗಳಲ್ಲಿ ಗ್ಲಾಮರ್ ಗೆ ಇರುವ ಬೆಲೆ ನಟನೆಗೆ ಇಲ್ಲ ಎನ್ನುವುದು ಕೆಲವು ಸಲ ನಿಜ ಎನಿಸುವಂತಹ ಬೆಳವಣಿಗೆಗಳು ನಮ್ಮ ಕಣ್ಮುಂದೆಯೇ ಇದೆ. ಇದಕ್ಕಾಗಿಯೇ ನಟಿಯರು ಇನ್ನಷ್ಟು ಅಂದವಾಗಿ ಕಾಣಲು ತಮ್ಮ ದೇಹದ ಕೆಲವು ಭಾಗಗಳನ್ನು ಸರ್ಜರಿ ಮಾಡಿಸಿಕೊಳ್ಳುವುದು ನಡೆಯುತ್ತಿದೆ.
ಇದೇ ರೀತಿ ಸರ್ಜರಿ ಮಾಡಿಸಿಕೊಂಡ ಮತ್ತೊಬ್ಬ ನಟಿ ತಮ್ಮ ಅಭಿಮಾನಿಗಳಿಗೆ ದೊಡ್ಡ ಶಾಕ್ ನೀಡಿದ್ದಾರೆ. ನಟಿ ಶ್ರೀ ಸತ್ಯ (Sri Sathya) ತೆಲುಗು ಬಿಗ್ ಬಾಸ್ ನ (Bigg Boss Telugu) ಸೀಸನ್ ಆರರಲ್ಲಿ ಸ್ಪರ್ಧೆಯಾಗಿ ಸಾಕಷ್ಟು ಸದ್ದು ಮತ್ತು ಸುದ್ದಿಯನ್ನು ಮಾಡಿದವರು. ಈ ನಟಿ ಮಿಸ್ ವಿಜಯವಾಡ ಸೌಂದರ್ಯ ಕಿರೀಟವನ್ನು ಸಹಾ ಗೆದ್ದಿರುವ ಸುಂದರಿಯಾಗಿದ್ದಾರೆ. ಸೀರಿಯಲ್ ಗಳಲ್ಲಿ ಅವರು ಹೆಚ್ಚು ಜನಪ್ರಿಯತೆ ಪಡೆದುಕೊಂಡಿದ್ದಾರೆ.
ಇತ್ತೀಚಿಗೆ ನಟಿ ತಮ್ಮ ಲೇಟೆಸ್ಟ್ ಲುಕ್ ನ ಫೋಟೋಗಳನ್ನ ಶೇರ್ ಮಾಡಿಕೊಂಡಿದ್ದು ಇದನ್ನ ನೋಡಿದ ನೆಟ್ಟಿಗರು ಮತ್ತು ಅಭಿಮಾನಿಗಳು ಅಚ್ಚರಿಪಟ್ಟಿದ್ದಾರೆ. ನಟಿಯ ಹೊಸ ಫೋಟೋಗಳಲ್ಲಿ ಅವರ ತುಟಿಗಳು ಮೊದಲಿನಂತೆ ಇಲ್ಲದಿರುವುದನ್ನು ನೋಡಿ ಅಚ್ಚರಿ ಪಡುತ್ತಿದ್ದಾರೆ. ಅಲ್ಲದೇ ನೆಟ್ಟಿಗರು ಹೊಸ ಲುಕ್ ಬಗ್ಗೆ ವೈವಿದ್ಯಮಯ ಕಾಮೆಂಟ್ ಗಳನ್ನು ಮಾಡಿದ್ದಾರೆ.
ಇದನ್ನೆಲ್ಲಾ ನೋಡಿದ ನಂತರ ನಟಿಯು ತಾವು ಲಿಪ್ ಸರ್ಜರಿ (Lip Surgery) ಮಾಡಿಸಿಕೊಂಡಿದ್ದೇನೆ ಎನ್ನುವುದನ್ನು ಒಪ್ಪಿಕೊಂಡಿದ್ದಾರೆ. ಸಿನಿಮಾಗಳಲ್ಲಿನ ಅವಕಾಶಗಳಿಗಾಗಿ ನಟಿಯು ಲಿಪ್ ಸರ್ಜರಿಯನ್ನು ಮಾಡಿಸಿಕೊಂಡಿದ್ದಾರೆ ಎನ್ನಲಾಗಿದೆ. ತುಟಿಗಳು ದೊಡ್ಡದಾಗಿ ಕಾಣಿಸಿದರೆ ಇನ್ನೂ ಸುಂದರವಾಗಿ ಕಾಣ್ತೀನಿ ಅಂತ ಸರ್ಜರಿಯನ್ನು ಮಾಡಿಸಿಕೊಂಡೆ. ಈಗ ನನ್ನ ಫ್ರೆಂಡ್ಸ್ ಕೂಡಾ ಹೀರೋಯಿನ್ ತರ ಇದ್ದೀಯಾ ಅಂತಿದ್ದಾರೆ.
ಇನ್ನು ಮುಂದೆ ನಾನು ಸಿನಿಮಾಗಳ ಕಡೆಗೆ ಗಮನ ನೀಡುತ್ತೇನೆ ಎಂದು ನಟಿ ಶ್ರೀ ಸತ್ಯ ಹೇಳಿಕೊಂಡಿದ್ದಾರೆ. ನಟಿಯ ಹೊಸ ಲುಕ್ ನೋಡಿ ಅವರ ಅಭಿಮಾನಿಗಳಂತೂ ಖುಷಿಯಾಗಿದ್ದು ಮೆಚ್ಚುಗೆಗಳನ್ನು ನೀಡಿದ್ದಾರೆ ಅಲ್ಲದೇ ಇನ್ನೂ ಕೆಲವರು ಮಾತ್ರ ನಿಮ್ಮ ಮೊದಲ ಲುಕ್ ಬಹಳ ನ್ಯಾಚುರಲ್ ಆಗಿತ್ತು. ಈಗ ಅದು ಬದಲಾಗಿದೆ ಎಂದು ಸಹಾ ಹೇಳಿದ್ದಾರೆ.
