Kannada Serial TRP : ವೀಕೆಂಡ್ ವೇಳೆಗೆ ಸೀರಿಯಲ್ ಗಳ ಟಿ ಆರ್ ಪಿ (Kannada Serial TRP) ಲಿಸ್ಟ್ ಹೊರಗೆ ಬರುತ್ತೆ ಮತ್ತು ಈ ವಾರ ಕಿರುತೆರೆಯಲ್ಲಿ ಯಾವ ಯಾವ ಸೀರಿಯಲ್ ಗೆ ಯಾವ ಸ್ಥಾನ ಸಿಕ್ಕಿದೆ ಅನ್ನೋದು ಗೊತ್ತಾಗುತ್ತೆ. ಹಾಗಿದ್ರೆ ಈ ವಾರ ಯಾವ ಸೀರಿಯಲ್ ಗಳಿಗೆ ಟಾಪ್ ನಲ್ಲಿ ಸ್ಥಾನ ಸಿಕ್ಕಿದೆ ಅನ್ನೋದಾದ್ರೆ ಈ ವಾರ ಖಂಡಿತ ಅಚ್ಚರಿಯ ಫಲಿತಾಂಶ ಬಂದಿದ್ದು, ಹೊಸ ಸೀರಿಯಲ್ ಗಳು ಟಾಪ್ ಸೀರಿಯಲ್ ಗಳ ಸ್ಪರ್ಧೆಗೆ ಎಂಟ್ರಿಯನ್ನು ನೀಡಿದೆ.
![](https://news9kannada.com/wp-content/uploads/2024/04/20240419_094829-1024x576.webp)
ಹೊಸ ಧಾರಾವಾಹಿಯಾದರೂ ಕೂಡಾ ಸಾಕಷ್ಟು ತಿಂಗಳುಗಳಿಂದಲೂ ನಂಬರ್ ಒನ್ ಸ್ಥಾನದಲ್ಲಿದ್ದ ಪುಟ್ಟಕ್ಕನ ಮಕ್ಕಳು ಸೀರಿಯಲ್ ನ ಹಿಂದೆ ಹಾಕಿರುವ ಲಕ್ಷ್ಮೀ ನಿವಾಸ (Lakshmi Nivasa) ಈ ವಾರ ಮೊದಲ ಸ್ಥಾನವನ್ನು ಪಡೆದುಕೊಂಡಿದ್ದು, ಪುಟ್ಟಕ್ಕನ ಮಕ್ಕಳಿಗೆ ಸಿಕ್ಕಾಪಟ್ಟೆ ಪೈಪೋಟಿಯನ್ನು ನೀಡುತ್ತಿದೆ. ಲಕ್ಷ್ಮೀ ನಿವಾಸ ಪ್ರೇಕ್ಷಕರ ಮನಸ್ಸನ್ನ ಗೆದ್ದು ಯಶಸ್ಸಿನಿಂದ ಮುಂದೆ ಸಾಗುತ್ತಿದೆ.
![](https://news9kannada.com/wp-content/uploads/2024/04/20240419_094843-1024x576.webp)
ಪುಟ್ಟಕ್ಕನ ಮಕ್ಕಳು (Puttakkana Makkalu) ಸೀರಿಯಲ್ ನಂಬರ್ ಒನ್ ಸ್ಥಾನದಲ್ಲಿ ಇತ್ತು. ಆದರೆ ಈಗ ಇತ್ತೀಚಿನ ಕಥಾ ಹಂದರವು ಯಾಕೋ ಪ್ರೇಕ್ಷಕರ ಮನಸ್ಸನ್ನು ಗೆಲ್ಲೋದ್ರಲ್ಲಿ ಒಂದು ಹೆಜ್ಜೆ ಹಿಂದೆ ಆಗಿದ್ದು, ಲಕ್ಷ್ಮೀ ನಿವಾಸ ಸೀರಿಯಲ್ ನ ಪೈಪೋಟಿಯ ಮುಂದೆ ಈ ವಾರ ನಲುಗಿದ್ದು, ಭದ್ರವಾಗಿ ಹಿಡಿದಿಟ್ಟುಕೊಂಡಿದ್ದ ಮೊದಲ ಸ್ಥಾನದಿಂದ ಕೆಳಗೆ ಬಂದು ಎರಡನೇ ಸ್ಥಾನಕ್ಕೆ ತೃಪ್ತಿ ಪಡುವಂತಾಗಿದೆ.
![](https://news9kannada.com/wp-content/uploads/2024/04/20240419_094854-1024x576.webp)
ಕಲರ್ಸ್ ಕನ್ನಡ ವಾಹಿನಿಯ ರಾಮಾಚಾರಿ ಸೀರಿಯಲ್ ನಲ್ಲಿ ರಾಮಾಚಾರಿ (RAMACHARI) ಮತ್ತು ಕಿಟ್ಟಿ ಹೀಗೆ ಡಬಲ್ ಧಮಾಕಾ ಅನ್ನೋ ಹಾಗೆ ಇಬ್ಬರು ಹೀರೋಗಳು ಪ್ರೇಕ್ಷಕರ ಮನಸ್ಸನ್ನ ಗೆದ್ದಿದ್ದಾರೆ. ಕಥೆಯಲ್ಲಿನ ಹೊಸ ತಿರುವುಗಳು ನೋಡುಗರನ್ನು ತನ್ನ ಕಡೆಗೆ ಸೆಳೆಯುತ್ತಿದ್ದು, ಈ ವಾರ ರಾಮಾಚಾರಿ ಮೂರನೇ ಸ್ಥಾನಕ್ಕೆ ಎಂಟ್ರಿಯನ್ನು ನೀಡುವ ಮೂಲಕ ಎಲ್ಲರಿಗೂ ಅಚ್ಚರಿಯನ್ನು ಮೂಡಿಸಿದೆ.
![](https://news9kannada.com/wp-content/uploads/2024/04/20240419_094908-1024x576.webp)
ಆರಂಭದಲ್ಲೇ ಟಾಪ್ ಮೂರಕ್ಕೆ ಬಂದು ಸೇರಿದ್ದ ಸೀತಾ ರಾಮ (SeethaRama) ಸೀರಿಯಲ್ ನ ವೇಗ ಅನಂತರ ಕುಗ್ಗಿದೆ. ಸೀತಾ ರಾಮನ ನಡುವಿನ ಪ್ರೇಮ, ಸಿಹಿಯ ಮುಗ್ಧತೆ, ಭಾರ್ಗವಿಯ ಕುತಂತ್ರ, ಅಶೋಕನ ಸ್ನೇಹ ಹೀಗೆ ಕಥೆಯಲ್ಲಿ ಸಾಕಷ್ಟು ವಿಚಾರಗಳು ಪ್ರೇಕ್ಷಕರ ಮನಸ್ಸನ್ನು ಗೆದ್ದಿದ್ದು, ಸೀತಾ ರಾಮ ಮದ್ವೆ ಆಗ್ತಾರಾ ಅನ್ನೋದನ್ನ ನೋಡೋದಕ್ಕೆ ಪ್ರೇಕ್ಷಕರು ಕಾಯ್ತಿದ್ದು, ಸೀತಾ ರಾಮ ಈ ವಾರ ನಾಲ್ಕನೇ ಸ್ಥಾನ ಪಡೆದುಕೊಂಡಿದೆ.
![](https://news9kannada.com/wp-content/uploads/2024/04/20240419_094919-1024x576.webp)
ಇನ್ನು ಈ ವಾರದಲ್ಲಿ ಐದನೇ ಸ್ಥಾನವನ್ನು ಪಡೆದಿರುವ ಸೀರಿಯಲ್ ಯಾವುದು ಅನ್ನೋದಾದ್ರೆ, ಕೆಲವೇ ದಿನಗಳ ಹಿಂದೆಯಷ್ಟೇ ಪ್ರಸಾರವನ್ನು ಆರಂಭಿಸಿದ ಶ್ರಾವಣಿ ಸುಬ್ರಹ್ಮಣ್ಯ (Shravani Subramanya) ಆಗಿದೆ. ಅಮೃತಧಾರೆ, ಶ್ರೀರಸ್ತು ಶುಭಮಸ್ತು ನಂತಹ ಟಾಪ್ ಸೀರಿಯಲ್ ಗಳಿಗೆ ಪೈಪೋಟಿ ನೀಡಿರುವ ಈ ಹೊಸ ಸೀರಿಯಲ್ ಈಗ ಟಾಪ್ ಐದನೇ ಸ್ಥಾನವನ್ನು ತನ್ನದಾಗಿಸಿಕೊಂಡಿದೆ.