Amulya : ಸ್ಯಾಂಡಲ್ವುಡ್ ನಟಿ, ಚೆಲುವಿನ ಚಿತ್ತಾರ ಬೆಡಗಿ ಅಮೂಲ್ಯ (Amulya) ಅವರಿಗೆ ಪ್ರತ್ಯೇಕ ಪರಿಚಯದ ಅಗತ್ಯವಂತೂ ಖಂಡಿತ ಇಲ್ಲವೇ ಇಲ್ಲ. ಸಿನಿಮಾಗಳ ಮೂಲಕ ಅಪಾರವಾದ ಅಭಿಮಾನಿಗಳನ್ನು ಹೊಂದಿರುವ ನಟಿಯು ಬಹಳಷ್ಟು ಜನರ ಅಚ್ಚು ಮೆಚ್ಚಿನ ನಟಿಯಾಗಿ ಇಂದಿಗೂ ಅವರ ಮನಸ್ಸಿನಲ್ಲಿ ಸ್ಥಾನ ಪಡೆದಿದ್ದಾರೆ.
![](https://news9kannada.com/wp-content/uploads/2024/04/20240408_193737-1024x736.webp)
ಅಮೂಲ್ಯ ಅವರು ಕನ್ನಡದ ಯುವ ಸ್ಟಾರ್ ನಟರ ಜೊತೆಗೆ ಸೂಪರ್ ಹಿಟ್ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಸ್ಯಾಂಡಲ್ವುಡ್ ನಲ್ಲಿ ತಮ್ಮದೇ ಆದ ಛಾಪನ್ನು ಮೂಡಿಸಿರುವ ನಟಿಯಾಗಿದ್ದಾರೆ. ಅಮೂಲ್ಯ ಅವರು ತಮ್ಮ ಅಂದ ಮತ್ತು ಅಭಿನಯದ ಮೂಲಕ ಮೋಡಿ ಮಾಡಿದ್ದರು.
![](https://news9kannada.com/wp-content/uploads/2024/04/20240408_193754-1024x736.webp)
ಸಿನಿಮಾ ರಂಗದಲ್ಲಿ ಬೇಡಿಕೆ ಇರುವಾಗಲೇ ನಟಿ ಜಗದೀಶ್ ಅವರ ಜೊತೆಗೆ ಸಪ್ತಪದಿ ತುಳಿದು ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟರು. ಅನಂತರ ನಟಿ ಸಿನಿಮಾಗಳಲ್ಲಿ ನಟಿಸಲಿಲ್ಲ. ಇಬ್ಬರು ಅವಳಿ ಮಕ್ಕಳ ತಾಯಾಗಿ ಖುಷಿಯಿಂದ ಜೀವನ ನಡೆಸುತ್ತಿದ್ದಾರೆ.
![](https://news9kannada.com/wp-content/uploads/2024/04/20240408_193805-1024x736.webp)
ಸೋಶಿಯಲ್ ಮೀಡಿಯಾಗಳಲ್ಲಿ ಸಕ್ರಿಯವಾಗಿರುವ ನಟಿಯು ಆಗಾಗ ವಿಶೇಷ ದಿನಗಳ, ವಿಶೇಷ ಆಚರಣೆಗಳ ಫೋಟೋಗಳನ್ನು ಶೇರ್ ಮಾಡುತ್ತಾ ತಮ್ಮ ಅಭಿಮಾನಿಗಳ ಜೊತೆಗೆ ಸಂಪರ್ಕದಲ್ಲಿ ಇರುತ್ತಾರೆ, ಅವರಿಗೆ ಖುಷಿಯನ್ನು ನೀಡುತ್ತಾರೆ.
![](https://news9kannada.com/wp-content/uploads/2024/04/be109be3561f4a74bd5165ce7d1b6e94-1024x819.webp)
ಅಮೂಲ್ಯ ಅವರು ಈಗ ತಮ್ಮ ಅವಳಿ ಮಕ್ಕಳ ಜನ್ಮದಿನವನ್ನು ಬಹಳ ಸಂಭ್ರಮದಿಂದ ಅದ್ದೂರಿಯಾಗಿ ಆಚರಿಸಿದ್ದು ಈ ಸುಂದರ ಕ್ಷಣಗಳ ಫೋಟೋಗಳನ್ನು ಅವರು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
![](https://news9kannada.com/wp-content/uploads/2024/04/39719d1d2c7c4f49a9589f3e0de2a223-1024x819.webp)
ಅಮೂಲ್ಯ ಮತ್ತು ಜಗದೀಶ್ ದಂಪತಿಯು ತಮ್ಮ ಮುದ್ದು ಮಕ್ಕಳಾದ ಅಥರ್ವ್ ಮತ್ತು ಆದವ್ ಜನ್ಮದಿನವನ್ನು ಬಹಳ ಖುಷಿಯಿಂದ ಸಂಭ್ರಮಿಸಿದ್ದಾರೆ. ಇಬ್ಬರು ಮಕ್ಕಳೊಟ್ಟಿಗೆ ಕೇಕ್ ಕತ್ತರಿಸಿ ಜನ್ಮದಿನವನ್ನು ಆಚರಿಸಿದ್ದಾರೆ.
![](https://news9kannada.com/wp-content/uploads/2024/04/f5d467ab9ed14f12bb0099de2506e00f-1024x819.webp)
ಅಮೂಲ್ಯ ಅವರು ತಮ್ಮ ಪೋಸ್ಟ್ ನಲ್ಲಿ
ನೀವಿಬ್ಬರೂ ನಾನು ಪ್ರಾರ್ಥಿಸಿ ಪಡೆದಿರುವ ಮಕ್ಕಳು .. ನೀವಿಬ್ಬರೂ ನನ್ನೊಂದಿಗೆ ಕಾಳಜಿ ವಹಿಸಿದ್ದೀರಿ, ಮುಗುಳ್ನಕ್ಕಿರುವಿರಿ ಮತ್ತು ಅತ್ತಿರುವಿರಿ. ನೀವು ವಿಷಯಗಳನ್ನು ಸರಿಯಾದ ರೀತಿಯಲ್ಲಿ ಕಲಿಯುವಂತೆ ಮಾಡುವ ಪ್ರಕ್ರಿಯೆಯಲ್ಲಿ ನಾನು ಕೆಲವೊಮ್ಮೆ ಕಟ್ಟುನಿಟ್ಟಾಗಿರುತ್ತೇನೆ ..
![](https://news9kannada.com/wp-content/uploads/2024/04/475a84606b3845efaad846c938ecb1b1-1024x819.webp)
ನಾನು ಮುದ್ದಿಸುವುದಿಲ್ಲ, ನೀವು ಭೌತಿಕ ವಿಷಯಗಳೊಂದಿಗೆ, ನಿಮ್ಮ ಮೇಲಿನ ನನ್ನ ಪ್ರೀತಿಯನ್ನು ನಾನು ತೋರಿಸುವ ಏಕೈಕ ಮಾರ್ಗವೆಂದರೆ ನಿಮಗಾಗಿ 24/7 ಸಮಯವನ್ನು ನೀಡುವುದು .. ನೀವು ಒಳ್ಳೆಯ ಮನುಷ್ಯರಾಗಿ, ಒಂದು ದಿನ ನನ್ನನ್ನು ಹೆಮ್ಮೆಪಡುವಂತೆ ಮಾಡುವಿರಿ ಎಂದು ಭಾವಿಸುತ್ತೇವೆ .. ನಿಮ್ಮಿಬ್ಬರನ್ನೂ ಸದಾ ಪ್ರೀತಿಸುತ್ತೇನೆ ಎಂದು ಬರೆದುಕೊಂಡಿದ್ದಾರೆ.