Vijaya Devarakonda: ಟಾಲಿವುಡ್ ನಲ್ಲಿ (Tollywood) ಯುವ ಸ್ಟಾರ್ ನಟರಲ್ಲಿ ನಟ ವಿಜಯ ದೇವರಕೊಂಡ (Vijaya Devarakonda) ಸಹಾ ಒಬ್ಬರಾಗಿದ್ದಾರೆ. ವಿಶೇಷ ಏನಂದ್ರೆ ಈಗ ಟಾಲಿವುಡ್ ನಲ್ಲಿ ಸ್ಟಾರ್ ನಟರಾಗಿ ಮೆರೆಯುತ್ತಿರುವ ಯುವ ನಟರಲ್ಲಿ ಬಹುತೇಕ ಎಲ್ಲರೂ ಸಹಾ ಸಿನಿಮಾ ಬ್ಯಾಕ್ ಗ್ರೌಂಡ್ ಪ್ರಬಲವಾಗಿರುವ ಮನೆತನಗಳಿಂದ ಬಂದಿರುವವರಾಗಿದ್ದು, ಅವರ ನಡುವೆ ಯಾವುದೇ ಸಿನಿಮಾ ಹಿನ್ನೆಲೆಯಿಲ್ಲದೇ ಟಾಲಿವುಡ್ ಗೆ ಎಂಟ್ರಿ ಕೊಟ್ಟು ಇಂದು ಸ್ಟಾರ್ ನಟನಾಗಿ ವಿಜಯ ದೇವರಕೊಂಡ ತನಗಾಗಿ ಒಂದು ಸ್ಥಾನವನ್ನು ಮತ್ತು ಅಭಿಮಾನಿಗಳ ಬಳಗವನ್ನು ನಟ ಪಡೆದುಕೊಂಡಿದ್ದಾರೆ.
![](https://news9kannada.com/wp-content/uploads/2024/04/images-2024-04-06T122554.902-jpeg.webp)
ಸಿನಿಮಾ ರಂಗದಲ್ಲಿ ಏಳು ಬೀಳುಗಳನ್ನು ಕಂಡು ಇಂದು ಸ್ಟಾರ್ ಆಗಿರುವ ವಿಜಯ ದೇವರಕೊಂಡ ತಮ್ಮ ಆಟಿಟ್ಯೂಡ್ ನಿಂದಾಗಿ ರೌಡಿ ಹೀರೋ ಅಂತ ಕರೆಸಿಕೊಂಡಿದ್ದಾರೆ. ಕೆಲವೊಮ್ಮೆ ನಟ ಆಡುವ ಮಾತುಗಳಿಂದಾಗಿ ಅವರನ್ನು ಟ್ರೋಲ್ ಮಾಡಲಾಗುತ್ತದೆ. ಲೈಗರ್ (Liger) ಸಿನಿಮಾ ಮೂಲಕ ಪ್ಯಾನ್ ಇಂಡಿಯಾ ಸ್ಟಾರ್ ಏನೂ ಆದ್ರೂ ಆ ಸಿನಿಮಾ ಹೀನಾಯ ಸೋಲನ್ನು ಕಂಡು, ಇದರ ಪರಿಣಾಮವಾಗಿ ನಟನ ಒಂದು ಸಿನಿಮಾ ನಿಂತು ಹೋಗಿದೆ.
![](https://news9kannada.com/wp-content/uploads/2024/04/images-2024-04-06T122642.383-jpeg.webp)
ಲೈಗರ್ ನಂತರ ಸಮಂತಾ (Samantha) ಜೊತೆಗೆ ನಟ ಖುಷಿ (Khushi) ಸಿನಿಮಾದಲ್ಲಿ ನಟಿಸಿದ್ದರು. ಈ ಸಿನಿಮಾ ಸಾಧಾರಣ ಗೆಲುವನ್ನು ಪಡೆಯಿತೇ ಹೊರತು ಸೂಪರ್ ಹಿಟ್ ಆಗಿಲ್ಲ. ಈಗ ನಟನ ಫ್ಯಾಮಿಲಿ ಸ್ಟಾರ್ (Family Star) ಸಿನಿಮಾ ನಿನ್ನೆಯಷ್ಟೇ ಬಿಡುಗಡೆ ಆಗಿದ್ದು, ಈ ಸಿನಿಮಾ ನಟನ ಕೈ ಹಿಡಿಯಲಿದೆಯಾ? ಅನ್ನೋದನ್ನ ಕಾದು ನೋಡಬೇಕಾಗಿದೆ. ಇವೆಲ್ಲವುಗಳ ನಡುವೆ ವಿಜಯ ದೇವರಕೊಂಡ ನೀಡಿದ ಹೇಳಿಕೆಯೊಂದು ಸುದ್ದಿಯಾಗಿ, ಚರ್ಚೆಗೆ ಕಾರಣವಾಗಿದೆ.
![](https://news9kannada.com/wp-content/uploads/2024/04/images-2024-04-06T122649.486.jpeg)
ನಟ ವಿಜಯ ದೇವರಕೊಂಡ ಕಾರ್ಯಕ್ರಮವೊಂದರಲ್ಲಿ ಮಾತನಾಡುತ್ತಾ ಹೊಸ ನಿರ್ದೇಶಕರುಗಳನ್ನು ನಾನೇ ಬ್ಲಾಕ್ ಮಾಡಿಕೊಂಡರೆ, ಸಿನಿಮಾ ಇಂಡಸ್ಟ್ರಿಯಲ್ಲಿ ಹೊಸ ಹಿರೋಗಳ ಜೊತೆಗೆ ಯಾರು ಸಿನಿಮಾವನ್ನು ಮಾಡ್ತಾರೆ? ಅದಕ್ಕೆ ನಾನು ಹೊಸ ನಿರ್ದೇಶಕರ ಜೊತೆಗೆ ಕೆಲಸವನ್ನು ಮಾಡುವುದಿಲ್ಲ ಎನ್ನುವ ಮಾತುಗಳನ್ನು ಹೇಳಿದ್ದು, ಈ ಮಾತುಗಳು ಎಲ್ಲರಿಗೂ ಅಚ್ಚರಿಯನ್ನು ಮೂಡಿಸಿದೆ.
![](https://news9kannada.com/wp-content/uploads/2024/04/images-2024-04-06T122616.496.jpeg)
ಈ ವಿಚಾರ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆದ ಮೇಲೆ ನೆಟ್ಟಿಗರಿಂದು ಇದಕ್ಕೆ ಮಿಶ್ರ ಪ್ರತಿಕ್ರಿಯೆಗಳು ಹರಿದು ಬರ್ತಿದೆ. ಒಂದಷ್ಟು ಜನ ನಿಮ್ಮ ಮಾತು ಸರಿಯಾಗಿಯೇ ಇದೆ ಅಂತ ಹೇಳಿದ್ರೆ ಇನ್ನೂ ಕೆಲವರು ಹಾಗಾದ್ರೆ ಇನ್ಮುಂದೆ ನಿಜವಾಗಿಯೂ ನೀವು ಹೊಸ ನಿರ್ದೇಶಕರ ಜೊತೆ ಕೆಲಸ ಮಾಡೋದಿಲ್ವಾ ಅಂತ ಪ್ರಶ್ನೆ ಮಾಡಿದ್ದಾರೆ. ಮತ್ತೆ ಕೆಲವರು ನೀವೇನು ಈಗಾಗಲೇ ಐವತ್ತು ಸಿನಿಮಾ ಮಾಡಿದ್ದೀರಾ? ಹೇಗೆ ಅಂತ ಕಾಲೆಳೆದಿದ್ದಾರೆ.