Thalapathy 69: ಬಾಲಿವುಡ್ ಮತ್ತು ಟಾಲಿವುಡ್ ನಲ್ಲಿ ಹೆಸರು ಮಾಡಿರುವ ನಟಿ ಪೂಜಾ ಹೆಗ್ಡೆಗೆ (Pooja Hegde) ಇತ್ತೀಚಿನ ದಿನಗಳಲ್ಲಿ ಸಿನಿಮಾಗಳ ವಿಚಾರದಲ್ಲಿ ದೊಡ್ಡ ಯಶಸ್ಸು ಸಿಗದೇ ಹೋದರು ಅವಕಾಶಗಳಿಗೆ ಮಾತ್ರ ಕೊರತೆ ಇಲ್ಲ ಎನ್ನುವ ಹಾಗಿದೆ. ಈಗ ನಟಿ ತಮಿಳು ಸಿನಿಮಾ ರಂಗದಲ್ಲಿ ಭರ್ಜರಿ ಆಫರ್ ಅನ್ನು ಪಡೆದುಕೊಂಡಿದ್ದಾರೆ.
ಪೂಜಾ ಹೆಗ್ಡೆ ಮತ್ತೊಮ್ಮೆ ತಮಿಳಿನ ಸ್ಟಾರ್ ನಟ ದಳಪತಿ ವಿಜಯ್ (Thalapathy Vijay) ಸಿನಿಮಾದಲ್ಲಿ ನಾಯಕಿಯಾಗುತ್ತಿದ್ದಾರೆ. ಹೌದು ಈ ಹಿಂದೆ ದಳಪತಿ ವಿಜಯ್ ಅವರ ಸೋಲಿನ ಹಾದಿ ಹಿಡಿದ ಬೀಸ್ಟ್ ಸಿನಿಮಾದಲ್ಲೂ ಸಹಾ ಪೂಜಾ ಹೆಗ್ಡೆ ನಾಯಕಿಯಾಗಿದ್ದರು.
ಈಗ ಹೊಸ ಸಿನಿಮಾದಲ್ಲಿ ಪೂಜಾ ನಾಯಕಿ ಅನ್ನೋ ಸುದ್ದಿಯನ್ನ ಕೆವಿಎನ್ ನಿರ್ಮಾಣ ಸಂಸ್ಥೆ ಅಧಿಕೃತವಾಗಿ ತಿಳಿಸಿದೆ. ದಳಪತಿ ವಿಜಯ್ ನಟಿಸುವ ಕೊನೆಯ ಸಿನಿಮಾ ‘ದಳಪತಿ 69’ (Thalapathy 69) ಆಗಿದ್ದು, ಸಹಜವಾಗಿಯೇ ಈ ಸಿನಿಮಾದಲ್ಲಿ ನಾಯಕಿ ಯಾರಾಗ್ತಾರೆ ಎನ್ನುವ ಕುತೂ‌ಹಲ ಮೂಡಿತ್ತು.
ಅದಕ್ಕೆ ಈಗ ಉತ್ತರ ಸಿಕ್ಕಿದೆ. ಮತ್ತೊಂದ್ಸಲ ಈಗ ಆ ಅದ್ಭುತ ಅವಕಾಶ ಪೂಜಾ ಹೆಗ್ಡೆ ಪಾಲಾಗಿದ್ದು ನಟಿಯ ಅಭಿಮಾನಿಗಳು ಥ್ರಿಲ್ ಆಗಿದ್ದಾರೆ. ಪೂಜಾ ವಿಜಯ್ ಜೊತೆ ನಟಿಸಿದ ಬೀಸ್ಟ್ ಸಿನಿಮಾ ಸೋಲಿನ ನಂತರ ಅವರಿಗೆ ಮತ್ತೊಮ್ಮೆ ನಟನ ಜೊತೆ ಅವಕಾಶ ಸಿಕ್ಕಿರುವುದು ನಟಿಯ ಅದೃಷ್ಟ ಎನ್ನುತ್ತಿದ್ದಾರೆ ನೆಟ್ಟಿಗರು.
Bigg Boss Kannada 11 ಎಲ್ರೂ ಸಾಯ್ಲಿ ವಿಷ ಹಾಕ್ಬಿಡಿ, ದೊಡ್ಮನೆ ಯಲ್ಲಿ ಲಾಯರ್ ಜಗದೀಶ್ ಅವ್ರಿಂದ ಇದೆಂತಾ ಮಾತು
