Tanisha Kuppanda: ಬಿಗ್ ಬಾಸ್ ಕನ್ನಡ 10 ರ ಸ್ಪರ್ಧಿ, ಜನಪ್ರಿಯ ನಟಿ ತನೀಷಾ ಕುಪ್ಪಂಡ (Tanisha Kuppanda) ಅವರ ಒಡೆತನದ ಕುಪ್ಪಂಡಾಸ್ ಆಭರಣ ಮಳಿಗೆಯ ಉದ್ಘಾಟನೆ ಬೆಂಗಳೂರಿನಲ್ಲಿ ಬಹಳ ಅದ್ದೂರಿಯಾಗಿ ನಡೆದಿದೆ. ಈ ಕಾರ್ಯಕ್ರಮದಲ್ಲಿ ಬಿಗ್ ಬಾಸ್ ಹತ್ತರ ಸ್ಪರ್ಧಿಗಳು ಭಾಗಿಯಾಗಿದ್ದರು. ಆ ಫೋಟೋಗಳೀಗೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
![](https://news9kannada.com/wp-content/uploads/2024/03/Picsart_24-03-30_10-19-21-799-1024x1024.webp)
ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟ ನಂತರ ತನ್ನ ಮಾತು, ನಡೆ, ದಿಟ್ಟತನಗಳಿಂದಾಗಿ ಬಿಗ್ ಬಾಸ್ ಮನೆಯಲ್ಲಿ ಬೆಂಕಿ ಎಂದು ಹೆಸರನ್ನ ಪಡೆದುಕೊಂಡ ತನೀಷಾ ಅವರು ಬೆಂಗಳೂರು ಮಹಾನಗರದಲ್ಲಿ ಅಪ್ಪುಸ್ ಕಿಚನ್ ಹೆಸರಿನ ರೆಸ್ಟೋರೆಂಟ್ ಹೊಂದಿದ್ದಾರೆ.
![](https://news9kannada.com/wp-content/uploads/2024/03/Picsart_24-03-30_10-18-53-750-1024x1024.webp)
ಈಗ ರೆಸ್ಟೋರೆಂಟ್ ಉದ್ಯಮದಿಂದ ನಟಿ ಆಭರಣ ಉದ್ಯಮದ ಕಡೆಗೆ ಹೊಸ ಹೆಜ್ಜೆಯನ್ನು ಇಟ್ಟಿದ್ದು, ತಮ್ಮ ಕುಪ್ಪಂಡಾಸ್ ನ ಒಂದು ಬ್ರ್ಯಾಂಡ್ ಮಾಡಲು ಕುಪ್ಪಂಡಾಸ್ ಹೆಸರಿನ ಆಭರಣ ಮಳಿಗೆಯನ್ನು ಅವರು ತೆರೆದಿದ್ದು, ಸೆಲೆಬ್ರಿಟಿಗಳು ಶುಭ ಹಾರೈಸಿದ್ದಾರೆ.
![](https://news9kannada.com/wp-content/uploads/2024/03/Picsart_24-03-30_10-12-50-751-1024x1024.webp)
ಬೆಳ್ಳಿ ಆಭರಣಗಳ ಉದ್ಯಮಕ್ಕೆ ಅಡಿಯಿಟ್ಟಿರುವ ತನೀಷಾ ಕುಪ್ಪಂಡ ಅವರು ತಮ್ಮದೇ ಬ್ರ್ಯಾಂಡ್ ಅನ್ನು ಕುಪ್ಪಂಡಾಸ್ ಹೆಸರಿನಲ್ಲಿ ಆರಂಭ ಮಾಡಿದ್ದಾರೆ. ಬೆಂಗಳೂರಿನ ವಿಜಯನಗರದಲ್ಲಿ ನೂತನ ಆಭರಣ ಮಳಿಗೆಯನ್ನು ತೆರೆದಿದ್ದಾರೆ ತನೀಷಾ ಅವರು.
![](https://news9kannada.com/wp-content/uploads/2024/03/Picsart_24-03-30_10-14-27-355-jpg.webp)
ಮಾರ್ಚ್ 29 ಶುಕ್ರವಾರದಂದು ತನೀಷಾ ಅವರ ಕುಪ್ಪಂಡಾಸ್ ಆಭರಣ ಮಳಿಗೆಯನ್ನು ಬಹಳ ಅದ್ದೂರಿಗೆ ಉದ್ಘಾಟನೆ ಮಾಡಲಾಗಿದೆ. ಈ ವೇಳೆ ತನೀಷಾ ಅವರ ಆಪ್ತರು ಮತ್ತು ಬಿಗ್ ಬಾಸ್ ಸ್ಪರ್ಧಿಗಳು ಹಾಜರಿದ್ದು ತನೀಷಾ ಅವರ ಹೊಸ ಪ್ರಯತ್ನಕ್ಕೆ ಶುಭ ಹಾರೈಸಿದ್ದಾರೆ.
![](https://news9kannada.com/wp-content/uploads/2024/03/Picsart_24-03-30_10-14-55-882-jpg.webp)
ಆಭರಣ ಮಳಿಗೆಯ ಉದ್ಘಾಟನಾ ಸಮಾರಂಭದಲ್ಲಿ ‘ಗೀತಾ’ ಧಾರಾವಾಹಿ ಖ್ಯಾತಿಯ ಭವ್ಯಾ ಗೌಡ, ಬಿಗ್ ಬಾಸ್ 10 ರ ಸ್ಪರ್ಧಿಗಳಾದ ವಿನಯ್ ಗೌಡ, ನಮ್ರತಾ ಗೌಡ, ನೀತು ವನಜಾಕ್ಷಿ, ಕಾರ್ತಿಕ್ ಮಹೇಶ್, ಪವಿ ಪೂವಪ್ಪ, ರಕ್ಷಕ್ ಬುಲೆಟ್ ಮುಂತಾದವರು ಪಾಲ್ಗೊಂಡಿದ್ದರು.
![](https://news9kannada.com/wp-content/uploads/2024/03/Picsart_24-03-30_10-13-39-185.png)
ಬಿಗ್ ಬಾಸ್ ಮನೆಯಿಂದ ಹೊರ ಬಂದ ಮೇಲೆ ತನೀಷಾ ಅವರ ಜನಪ್ರಿಯತೆ ದುಪ್ಪಟ್ಟಾಗಿದೆ. ತನೀಷಾ ಅವರು ತಮ್ಮ ರೆಸ್ಟೋರೆಂಟ್ ಮತ್ತು ಈಗ ಆಭರಣ ಉದ್ಯಮದಲ್ಲಿ ಬ್ಯುಸಿಯಾಗಿದ್ದು, ಮತ್ತೆ ನಟನೆಯಲ್ಲಿ ಯಾವಾಗ ಕಾಣಿಸಿಕೊಳ್ಳುತ್ತಾರೆ ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ.
![](https://news9kannada.com/wp-content/uploads/2024/03/Picsart_24-03-30_10-14-03-554-jpg.webp)
ತನೀಷಾ ಕುಪ್ಪಂಡ ಅವರ ಆಭರಣ ಮಳಿಗೆಯ ಉದ್ಘಾಟನೆ ಸಾಕಷ್ಟು ಅದ್ದೂರಿಯಾಗಿ ನಡೆದಿದ್ದು, ಈ ವೇಳೆ ತೆಗೆದಂತಹ ಹಲವು ಫೋಟೋಗಳನ್ನು ತನೀಷಾ ಅವರು ತಮ್ಮ ಸೋಶಿಯಲ್ ಮೀಡಿಯಾ ಖಾತೆಯ ಸ್ಟೋರಿಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.
![](https://news9kannada.com/wp-content/uploads/2024/03/Picsart_24-03-30_10-29-21-491-1024x1024.webp)
ತನೀಷಾ ಅವರು ಶೇರ್ ಮಾಡಿದ ಫೋಟೋಗಳನ್ನು ನೋಡಿದ ಅವರ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಬಹಳಷ್ಟು ಜನರು ನಟಿಗೆ ತಮ್ಮ ಹೊಸ ಉದ್ಯಮದಲ್ಲಿ ಗೆಲುವು ಸಿಗಲೆಂದು ಶುಭವನ್ನು ಹಾರೈಸುವ ಮೂಲಕ ಖುಷಿ ಹಂಚಕೊಂಡಿದ್ದಾರೆ.