SeethaRama : ಕಿರುತೆರೆಯ ಸೀತಾರಾಮ (SeethaRama) ಸೀರಿಯಲ್ ನ ಕಥೆಯಲ್ಲಿ ಬರಲಿರುವ ಹೊಸ ಟ್ವಿಸ್ಟ್ ಬಗ್ಗೆ ವಾಹಿನಿ ಕೆಲವು ದಿನಗಳ ಹಿಂದೆ ಒಂದು ಪ್ರೊಮೊವನ್ನ ಶೇರ್ ಮಾಡಿಕೊಂಡಿತ್ತು. ಅದರಲ್ಲಿ ಸಿಹಿ ಅಪಘಾತಕ್ಕೆ ಈಡಾಗಿ ಪ್ರಾಣ ಕಳೆದುಕೊಂಡ ಮೇಲೆ ಅವಳ ಆತ್ಮ ಬರುವುದನ್ನ ತೋರಿಸಲಾಗಿತ್ತು. ಈಗ ಆ ತಿರುವಿಗೆ ಮತ್ತೊಂದಿಷ್ಟು ಪೂರಕವಾದ ಕಥಾ ಹಂದರವನ್ನು ತೋರಿಸುವ ಹೊಸ ಪ್ರೊಮೊವನ್ನು ವಾಹಿನಿ ಹಂಚಿಕೊಂಡಿದ್ದು, ಇದಕ್ಕೆ ಪ್ರೇಕ್ಷಕರ ಕಡೆಯಿಂದ ಒಂದಷ್ಟು ನೆಗೆಟಿವ್ ಕಾಮೆಂಟ್ ಗಳು ಹರಿದು ಬರುತ್ತಿದೆ.
ಆತ್ಮ ರೂಪದಲ್ಲಿ ಸಿಹಿ (Sihi) ಮನೆಗೆ ಬಂದಿದ್ದಾಳೆ, ತನ್ನ ಚಿತ್ರಕ್ಕೆ ಹಾರ ಯಾಕೆ ಹಾಕಿದ್ದಾರೆ, ತಾನೇಕೆ ಯಾರ ಕಣ್ಣಿಗೂ ಕಾಣ್ತಿಲ್ಲ ಯಾಕೆ ಅಂತ ಚಿಂತೆ ಮಾಡಿದ್ದಾಳೆ. ಅದೇ ವೇಳೆ ಸಿಹಿಯನ್ನ ಕಳ್ಕೊಂಡು ಹುಚ್ಚಿ ತರ ಆಡ್ತಾ ಇರೋ ತನ್ನ ಅಮ್ಮ ಸೀತಾಳನ್ನ ನೋಡಿದ್ದಾಳೆ ಸಿಹಿ. ಭಾರ್ಗವಿ ಮಾವನ ಹತ್ತಿರ ರಾಮನಿಗೆ ಎರಡನೇ ಮದುವೆ ಮಾಡುವ ವಿಚಾರವನ್ನು ಮಾತಾಡ್ತಾ ಇರೋದು ಸಹಾ ಸಿಹಿ ನೋಡಿದ್ದಾಳೆ.
ಸೀತಮ್ಮ ಸರಿ ಹೋಗಬೇಕಾದರೆ ತಾನೇ ಬರಬೇಕು ಆದ್ರೆ ಹೇಗೆ ಅಂತ ದಾರೀಲಿ ನಡ್ಕೊಂಡು ಬರುವಾಗ ದಾರೀಲಿ ಸರ್ಕಸ್ ಮಾಡ್ತಿದ್ದ ಸುಬ್ಬಿ (Subbi) ಕಣ್ಣಿಗೆ ತಾನು ಕಾಣಿಸ್ತಾ ಇದ್ದೀನಿ, ಅವಳಿಗೆ ತನ್ನ ಧ್ವನಿ ಕೂಡಾ ಕೇಳಿಸ್ತಾ ಇದೆ ಅನ್ನೋದು ಸಿಹಿಗೆ ಗೊತ್ತಾಗಿ ಖುಷಿ ಆಗಿದ್ದಾಳೆ. ಪ್ರೊಮೊ ದಲ್ಲಿ ತೋರಿಸಿರೋದನ್ನ ನೋಡಿದ್ರೆ ಇನ್ನು ಸಿಹಿ ಸಮಸ್ಯೆಗೆ ಸುಬ್ಬಿನೇ ಉತ್ತರ ಕೊಡಬೇಕು ಅನ್ನೋ ರೀತಿ ಇದೆ.
ಈ ಪ್ರೊಮೊ ನೋಡಿದ ನೆಟ್ಟಿಗರು, ಚೆನ್ನಾಗಿದ್ದ ಸೀರಿಯಲ್ ನ ಈ ಮಟ್ಟಕ್ಕೆ ಹಾಳು ಮಾಡಿದ್ರಲ್ಲ, ಇದರ ಬದಲು ಅರ್ಧದಲ್ಲೇ ಮುಗಿಸಿದ್ರು ಚೆನ್ನಾಗಿ ಇರ್ತಿತ್ತು, ಡೈರಕ್ಟರ್ ಬೇಬಿ ಶ್ಯಾಮಿಲಿ ಕಥೆ ನೋಡಿ ಬರ್ದಿದ್ದಾರೆ ಅನ್ಸುತ್ತೆ, ರಾಯರ ಕುದುರೆ ಕತ್ತೆ, ಏನೋ ಇದು ಹುಚ್ಚರ ಸಂತೆ, ಪುಟ್ಟಕ್ಕನ ಮಕ್ಕಳು ಹಾಳಾಯ್ತು ಈಗ ಸೀತಾರಾಮನ ? ನೋಡೋರು ಹುಚ್ಚರಾಗಬೇಕಷ್ಟೇ ಎಂದೆಲ್ಲಾ ಅಸಮಾಧಾನವನ್ನು ಹೊರ ಹಾಕ್ತಿದ್ದಾರೆ.
Lakshmi Baramma : ಬಂದವಳು ಕೀರ್ತಿ ಅಲ್ವಾ? ಹೊಸ ಟ್ವಿಸ್ಟ್ ನೋಡಿ ಕನ್ಪ್ಯೂಸ್ ಆಗಿ ತಲೆ ಕೆರ್ಕೊಂಡ ವೀಕ್ಷಕರು
