Bigg Boss Kannada : ಕಳೆದ ವಾರ ಬಿಗ್ ಬಾಸ್ (Bigg Boss Kannada) ಮನೆಗೆ ವೈಲ್ಡ್ ಕಾರ್ಡ್ ಆಗಿ ಎಂಟ್ರಿಯನ್ನು ಕೊಟ್ಟ ರಜತ್ (Rajath) ಮೊದಲ ವಾರದಲ್ಲೇ ಸಿಕ್ಕಾಪಟ್ಟೆ ಮಾತನಾಡಿದ್ದರು. ಅವರು ಆಡಿದ ಕೆಲವೊಂದು ಪದಗಳಿಗೆ ಬೀಪ್ ಕೂಡಾ ಹಾಕಲಾಗಿತ್ತು. ಅಂದ್ರೆ ಅವರು ತೀರಾ ಕೆಟ್ಟ ಪದಗಳನ್ನ ಬಳಸಿದ್ರು ಅನ್ನೋದು ಅಲ್ಲೇ ಖಾತರಿ ಕೂಡಾ ಆಗೋಯ್ತು. ಇದನ್ನ ನೋಡಿದ ಪ್ರೇಕ್ಷಕರು ಸಿಟ್ಟಾಗಿದ್ರು, ವೀಕೆಂಡ್ ನಲ್ಲಿ ಕಿಚ್ಚ ಇದರ ಬಗ್ಗೆ ಮಾತನಾಡಲೇಬೇಕಂತ ಬಯಸಿದ್ರು. ಈಗ ಜನ ಅಂದುಕೊಂಡಿದ್ದೇ ಆಗಿದೆ. ಕಿಚ್ಚ ರಜತ್ ಗೆ ಖಡಕ್ ಕ್ಲಾಸ್ ಅನ್ನ ತಗೊಂಡಿದ್ದಾರೆ.
ವಾಹಿನಿ ಶೇರ್ ಮಾಡಿರೋ ಹೊಸ ಪ್ರೊಮೊದಲ್ಲಿ ಕಿಚ್ಚ ಸುದೀಪ್ (Kichcha Sudeep) ಅವರು ನಿಮ್ಮಲ್ಲಿ ಎಲ್ಲರಿಗೂ ತೂಕಗಳಿವೆ. ನನಗೆ ಕೋಪ ಬಂದಾಗ ಬಾ ಯಲ್ಲ ಇಂತದ್ದೇ ಬರೋದು ಅಂತೀರಾ. ಈಗ ಆ ಮಾತುಗಳನ್ನ ನನ್ನ ಮುಂದೆ ರಿಪೀಟ್ ಮಾಡಿ ಎಂದಿದ್ದಾರೆ ಸುದೀಪ್ ಸರ್. ಅಲ್ಲದೇ ಈಗ ಯಾಕೆ ಅದನ್ನ ಹೇಳೊಕೆ ಆಗ್ತಿಲ್ಲ ಅಂತ ರಜತ್ ಅವ್ರನ್ನ ಪ್ರಶ್ನೆ ಮಾಡಿದ್ದಾರೆ.
ಆಗ ರಜತ್ ಅವರು ತಮ್ಮ ಸಮಜಾಯಿಷಿ ನೀಡೋ ಪ್ರಯತ್ನ ಮಾಡಿದ್ದಾರೆ. ಕೊನೆಗೆ ಇನ್ನೊಂದು ಸಲ ಆ ತಪ್ಪು ರಿಪೀಟ್ ಆಗಲ್ಲ ಅನ್ನೋ ಮಾತನ್ನ ಹೇಳಿದ್ದಾರೆ. ಆಗ ಸುದೀಪ್ ಅವ್ರು ನಗ್ತಾ ಮುಂದೆ ತಪ್ಪು ಆದ್ರೆ ಹೊರಗಡೆ ಹೋಗೋಕೆ ಒಂದು ಬಾಗಿಲು ಇದೆ ಅಂತ ರಜತ್ ಗೆ ಕೂಲಾಗಿಯೇ ಎಚ್ಚರಿಕೆಯನ್ನು ನೀಡಿದ್ದಾರೆ. ಇದು ರಜತ್ ಗೆ ಕೊಟ್ಟಿರೋ ಕೊನೆಯ ಎಚ್ಚರಿಕೆ ಎನ್ನುವುದು ಅರ್ಥವಾಗ್ತಿದೆ.
ರಜತ್ ಬಿಗ್ ಬಾಸ್ ನಲ್ಲಿ (BBK 11) ಟಾಸ್ಕ್ ವೇಳೆ ಆಡಿದ ಮಾತುಗಳಿಂದ ನೊಂದ ಗೋಲ್ಡ್ ಸುರೇಶ್ ಅವರು ತಾನು ಮನೆಯಲ್ಲಿ ಇರಲ್ಲ. ಹೊರಗೆ ಹೋಗ್ತೀನಿ ಅಂತ ಹಠ ಹಿಡಿದಿದ್ದರು. ಅನಂತರ ಮನೆ ಮಂದಿ ಅವರನ್ನ ಸಮಾಧಾನ ಮಾಡಿದ್ದರು. ಶೋಭಾ ಅವರು ರಜತ್ ಗೆ ಸುರೇಶ್ ಹತ್ರ ಕ್ಷಮೆ ಕೇಳಿ ಅಂದ್ರೆ ಆಗ್ಲೂ ರಜತ್ ನನ್ನ ಮನಸ್ಸಲ್ಲಿ ಕೇಳ್ಕೊಂಡಿದ್ದೇನೆ ಅನ್ನೋ ಮಾತನ್ನ ಹೇಳಿದ್ರು.
Sanjana Burli : ಸೀರಿಯಲ್ ಬಿಟ್ಟ ಕೂಡಲೇ ಬೋಲ್ಡ್ ಆದ ಡಿಸಿ ಸ್ನೇಹ; ಸಂಜನಾ ಹೊಸ ಲುಕ್ ಗೆ ಫ್ಯಾನ್ಸ್ ಫಿದಾ
