Bigg Boss Kannada : ಬಿಗ್ ಬಾಸ್ ಮನೆಯಲ್ಲಿ (Bigg Boss Kannada) ಯಾರೊಂದಿಗೂ ಅನಾವಶ್ಯಕ ವಾಗಿ ಜಗಳ ಮಾಡದೆ, ಅನಾವಶ್ಯಕವಾಗಿ ಮಾತಿಗೆ ಮಾತು ಬೆಳೆಸದೆ, ಮತ್ತೊಬ್ಬರ ಬಗ್ಗೆ ಅವರ ಬೆನ್ನ ಹಿಂದೆ ಟೀಕೆ ಮಾಡದೇ ತನ್ನ ಆಟವನ್ನು ತಾನು ಆಡುತ್ತಾ ಈಗಾಗಲೇ ಜನರ ಮೆಚ್ಚುಗೆಯನ್ನು ಪಡೆದುಕೊಂಡಿದ್ದಾರೆ ಹನುಮಂತ (Hanumantha). ವೀಕೆಂಡ್ ಎಪಿಸೋಡ್ ಗಳಲ್ಲಿ ಕಿಚ್ಚ ಸುದೀಪ್ (Kichcha Sudeep) ಅವರು ಕೂಡಾ ಹನುಮಂತನ ಆಟಕ್ಕೆ ಮೆಚ್ಚುಗೆ ನೀಡಿದ್ದಾರೆ. ಈ ಸೀಸನ್ ನ ಮೊದಲ ಕಿಚ್ಚನ ಚಪ್ಪಾಳೆಯೂ ಹನುಮಂತನಿಗೆ ಸಿಕ್ಕಿರುವುದು ವಿಶೇಷವಾಗಿದೆ.
ಪ್ರತಿ ವೀಕೆಂಡ್ ನಲ್ಲಿ ಶರ್ಟ್ ಮತ್ತು ಲುಂಗಿಯಲ್ಲಿ ಕಾಣಿಸಿಕೊಳ್ಳುವ ಹನುಮಂತ, ದಿನ ಸ್ನಾನ ಮಾಡಿದ್ರೆ ಬಟ್ಟೆ ಒಗೀಬೇಕು, ತಂದಿರೋದೇ ಕಡಿಮೆ ಬಟ್ಟೆ ಅಂತ ಹೇಳಿದ್ದ. ಅದಕ್ಕೆ ಕಳೆದ ವಾರ ಕಿಚ್ಚ ಸುದೀಪ್ ಅವರು ತಮ್ಮ ಡಿಸೈನರ್ ಕಡೆಯಿಂದ ಹನುಮಂತನಿಗೆ ಬಟ್ಟೆಗಳನ್ನು ಕಳಿಸೋದಾಗಿ ಹೇಳಿದ್ರು. ಕಿಚ್ಚ ಸುದೀಪ್ ಅವರು ಹೇಳಿದ ಮಾತಿನಂತೆ ಹನುಮಂತನಿಗೆ ತಮ್ಮ ಹೊಸ ಹೊಸ ಬಟ್ಟೆಗಳನ್ನು, ಪ್ರೀತಿಯ ಪತ್ರವನ್ನು ಸಹಾ ಕಳಿಸಿದ್ದು ಹನುಮಂತ ಖುಷಿಯಾಗಿದ್ದಾನೆ.
ಬಿಗ್ ಬಾಸ್ (BBK 11) ಮನೆಯಲ್ಲಿರುವ ಹನುಮಂತನಿಗೆ ವಿಶೇಷ ಉಡುಗೊರೆ ಎನ್ನುವಂತೆ ಹೊಸ ಡ್ರೆಸ್ ಗಳು ಹನುಮಂತನ ಕೈ ಸೇರಿದ್ದು, ಅದರ ಜೊತೆಗೆ ಕಿಚ್ಚ ತಮ್ಮ ಕಡೆಯಿಂದ ಒಂದು ಪತ್ರವನ್ನು ಕೂಡಾ ಕಳಿಸಿದ್ದು, ಚೈತ್ರಾ ಕುಂದಾಪುರ ಅವರು ಎಲ್ಲರ ಮುಂದೆ ಪತ್ರವನ್ನು ಓದಿದ್ದಾರೆ. ಹನುಮಂತನಿಗೆ ಬಟ್ಟೆಗಳ ಜೊತೆ ಬಣ್ಣ ಬಣ್ಣದ ಚಡ್ಡಿಗಳನ್ನು ಕಳಿಸಿರುವುದು ಮತ್ತೊಂದು ವಿಶೇಷವಾಗಿದ್ದು, ಹನುಮಂತ ಸುರೇಶ್ ಮಾವ ನೋಡು ಮೂರು ಸಾವಿರದ ಚಡ್ಡಿ ಅಂತ ಹೇಳಿದ್ದಾರೆ.
ಕಿಚ್ಚ ಸುದೀಪ್ ಅವರು ಕಳಿಸಿರುವ ಈ ಉಡುಗೊರೆ ನೋಡಿ ಹನುಮಂತ ತುಂಬಾ ಖುಷಿಪಟ್ಟಿದ್ದು, ಧನ್ಯವಾದಗಳು ಹೇಳಿದ್ದಾನೆ. ಮನೆ ಮಂದಿ ಕೂಡಾ ಕಿಚ್ಚ ಸುದೀಪ್ ಅವರು ಹನುಮಂತನಿಗೆ ಬಟ್ಟೆಗಳನ್ನ ಕಳಿಸಿರುವುದನ್ನು ನೋಡಿ ಬಹಳ ಖುಷಿಯಾಗಿದ್ದಾರೆ. ನಾಳೆ ವೀಕೆಂಡ್ ಎಪಿಸೋಡ್ ನಲ್ಲಿ ಹನುಮಂತ ಸುದೀಪ್ ಅವರು ಕಳಿಸಿರುವ ಬಟ್ಟೆಗಳನ್ನು ತೊಟ್ಟು ಯಾವ ರೀತಿ ಕಾಣಿಸ್ತಾನೆ ಅನ್ನೋದನ್ನ ಕಾದು ನೋಡಬೇಕಾಗಿದೆ.
Actress Kasturi : ನನ್ನ ದನಿ ಉಗ್ರ ಚಂಡಮಾರುತವಾಗಿದೆ ; ಜೈಲಿನಿಂದ ಹೊರ ಬಂದ ಕಸ್ತೂರಿ ಕೆಂಡಾಮಂಡಲ
