Lakshmi Nivasa : ಕನ್ನಡ ಕಿರುತೆರೆಯ ಅತ್ಯಂತ ಜನಪ್ರಿಯ ಸೀರಿಯಲ್ ಮತ್ತು ಟಾಪ್ ಐದರಲ್ಲಿ ಸ್ಥಾನ ಪಡೆದಿರುವ ಲಕ್ಷ್ಮೀ ನಿವಾಸ (Lakshmi Nivasa) ಪ್ರತಿದಿನ ಒಂದು ಗಂಟೆ ಕಾಲ ಪ್ರಸಾರವಾಗುವ ವಿಶೇಷ ಸೀರಿಯಲ್ ಆಗಿದೆ. ಕಥೆಯಲ್ಲಿನ ಎಲ್ಲಾ ಪಾತ್ರಗಳಿಗೂ ತಮ್ಮದೇ ಆದ ವಿಶೇಷತೆ ಇರುವ ಈ ಕಥೆಯಲ್ಲಿ ಬೇರೆ ಸೀರಿಯಲ್ ಗಳ ರೀತಿಯಲ್ಲಿ ಲೇಡಿ ವಿಲನ್ ಗಳು, ಅವರ ಪ್ಲಾನ್ ಗಳು ಅನ್ನೋದು ಅಷ್ಟಾಗಿ ಇಲ್ಲ. ಬದಲಾಗಿ ಕುಟುಂಬಗಳು, ಆ ಕುಟುಂಬದಲ್ಲಿನ ವಿವಿಧ ಗುಣಗಳ ಪಾತ್ರಗಳ ಸುತ್ತಾ ಸುತ್ತುತ್ತಾ ಪ್ರೇಕ್ಷಕರ ವಿಶೇಷವಾದ ಮೆಚ್ಚುಗೆಯನ್ನು ಪಡೆದಿದೆ.
ಈಗ ಸೀರಿಯಲ್ ನ ಕಥೆಯಲ್ಲಿ ಜಯಂತ್ (Jayant) ಪಾತ್ರದ ಫ್ಲಾಶ್ ಬ್ಯಾಕ್ ಜಾಹ್ನವಿ (Jahnavi) ಮುಂದೆ ಬರ್ತಿದೆ. ಜಯಂತ್ ಯಾಕೆ ಸೈ ಕೋ ತರ ಆಡ್ತಾನೆ ಅನ್ನೋದ್ರ ಸತ್ಯ ಗೊತ್ತಾಗೋ ಸಮಯ ಬಂದಿದೆ.. ಜಾಹ್ನವಿ ಕೇಳಿದ ಪ್ರಶ್ನೆಗಳಿಗೆ ಫಾದರ್ ಕೊಟ್ಟ ಉತ್ತರ, ಜಯಂತ್ ಹೇಗೆ ತನ್ನ ತಾತನಿಂದ ಮಾನಸಿಕವಾಗಿ ನೊಂದಿದ್ದನು, ತಾತನಿಗೆ ಇದ್ದ ಮಾನಸಿಕ ಸಮಸ್ಯೆ ಅವನಲ್ಲೂ ಇದೆ ಅನ್ನೋದನ್ನ ತೋರಿಸಲಾಗಿದೆ. ಜಯಂತ್ ಹೇಳಿದ ವಿಚಾರಗಳು ಜಾಹ್ನವಿಗೆ ಶಾಕ್ ನೀಡಿದೆ.
ತಂದೆ ತಾಯಿಯನ್ನು ಕಳೆದುಕೊಂಡು, ತಾತನಿಂದ ನೋವು ಅನುಭವಿಸಿದ ನಂತರ ತಾತ ಕೂಡಾ ಜಯಂತ್ ನಿಂದ ದೂರವಾಗ್ತಾನೆ. ತಾತನ ಚಿತೆಗೆ ಬೆಂಕಿ ಹಚ್ಚಿದ ನಂತರ ಎಲ್ಲರೂ ಹೋದ ಮೇಲೆ ಜಯಂತ್ ವರ್ತನೆ ಗಾಬರಿ ಹುಟ್ಟಿಸುವ ಹಾಗಿದೆ. ಚಿತೆಯ ಬೂದಿಯನ್ನು ಎತ್ತಿಕೊಂಡು ಮುಖಕ್ಕೆ ಬಳಿದುಕೊಂಡು ಕುಣಿದಾಡಿದ್ದಾನೆ ಜಯಂತ್. ಈ ದೃಶ್ಯದ ಬಗ್ಗೆ ಸೋಶಿಯಲ್ ಮೀಡಿಯಾಗಳಲ್ಲಿ ಸಾಕಷ್ಟು ಪ್ರತಿಕ್ರಿಯೆಗಳು ಹರಿದು ಬಂದಿದೆ.
ಕಾಮೆಂಟ್ ಮಾಡಿದ ಅನೇಕರು ಜಯಂತ್ ಪಾತ್ರದಲ್ಲಿ ನಟ ದೀಪಕ್ ಸುಬ್ರಹ್ಮಣ್ಯ (Deepak Subrahmanya) ಅವರ ನಟನೆ ಅತ್ಯದ್ಭುತ ಎಂದು ಹಾಡಿ ಹೊಗಳುತ್ತಿದ್ದಾರೆ. ಸೈಕೋ ರೂಪದಲ್ಲಿ ನೋಡ್ತಿದ್ದ ಜಯಂತ್ ಪಾತ್ರದ ಇನ್ನೊಂದು ಮುಖ ಶಾಕಿಂಗ್ ಆಗಿದೆ. ಆ ಪಾತ್ರದಲ್ಲಿ ದೀಪಕ್ ಅವರ ಅಭಿನಯಕ್ಕೆ ಅವರೇ ಸಾಟಿ, ಅವರ ನಟನೆ ಬೆಂಕಿ ಅಂತೆಲ್ಲಾ ಮೆಚ್ಚುಗೆಗಳನ್ನು ನೀಡಿದ್ದಾರೆ ನೆಟ್ಟಿಗರು.
Ananya Panday : ಬಿಕಿನಿ ಧರಿಸಿ ಬೋಲ್ಡ್ ಆದ ಅನನ್ಯಾ; ಹಾಟ್ ಲುಕ್ ಗೆ ಫಿದಾ ಎಂದ ಶಾರೂಖ್ ಖಾನ್ ಪುತ್ರಿ
