Bigg Boss Kannada : ಕಿರುತೆರೆಯ ಅತ್ಯಂತ ಜನಪ್ರಿಯ ರಿಯಾಲಿಟಿ ಶೋ ಬಿಗ್ ಬಾಸ್ ನ (Bigg Boss Kannada) ಹನ್ನೊಂದನೇ ಸೀಸನ್ ಅರ್ಧ ಮುಗಿದಾಗಿದೆ. 50 ದಿನಗಳನ್ನು ಪೂರೈಸಿರುವ ಬಿಗ್ ಬಾಸ್ (BBK 11) ಮನೆಯಲ್ಲಿ ಎರಡು ವೈಲ್ಡ್ ಕಾರ್ಡ್ ಎಂಟ್ರಿ ನಂತರ ಮನೆ ವಾತಾವರಣದಲ್ಲೂ ಸಹಾ ಸಾಕಷ್ಟು ಬದಲಾವಣೆಗಳಾಗಿದೆ. ಮತ್ತೊಂದು ವೀಕೆಂಡ್ ಹತ್ತಿರವಾಗಿದ್ದು ಈ ವಾರ ಮನೆಯಿಂದ ಹೊರ ಹೋಗೋದಕ್ಕೆ ಒಟ್ಟು ಏಳು ಮಂದಿ ನಾಮಿನೇಟ್ ಆಗಿದ್ದಾರೆ.
ಈ ವಾರ ಮನೆಯಿಂದ ಹೊರಹೋಗಲು ನಾಮಿನೇಟ್ ಆದವರು ಚೈತ್ರಾ ಕುಂದಾಪುರ, ಉಗ್ರಂ ಮಂಜು, ತ್ರಿವಿಕ್ರಮ್, ಮೋಕ್ಷಿತಾ, ಗೌತಮಿ, ಧರ್ಮ ಮತ್ತು ಕ್ಯಾಪ್ಟನ್ ಭವ್ಯ ಅವರಿಂದ ನೇರವಾಗಿ ನಾಮಿನೇಟ್ ಆದವರು ಹನುಮಂತ. ಇಷ್ಟು ಜನರಲ್ಲಿ ಈ ವಾರ ಯಾರ ಆಟಕ್ಕೆ ಬ್ರೇಕ್ ಬೀಳಲಿದೆ ಎನ್ನುವ ಕುತೂಹಲ ಎಲ್ಲರಲ್ಲೂ ಮೂಡಿದೆ.
ನಾಮಿನೇಟ್ ಪ್ರಕ್ರಿಯೆ ಮುಗಿದ ಮೇಲೆ ದೊಡ್ಮನೆಯಿಂದ ಈ ವಾರ ಹೊರಗೆ ಬರೋದು ಯಾರು ಅನ್ನೋ ಒಂದು ಚರ್ಚೆ ಶುರುವಾಗಿದ್ದು, ಸೋಶಿಯಲ್ ಮೀಡಿಯಾಗಳಲ್ಲಿ ನೆಟ್ಟಿಗರು ತಮ್ಮ ಪ್ರಕಾರ ಎಲಿಮಿನೇಟ್ ಆಗೋದ್ಯಾರು ಎಂದು ಕಾಮೆಂಟ್ ಗಳನ್ನು ಮಾಡುತ್ತಿದ್ದಾರೆ. ವಾಹಿನಿ ಶೇರ್ ಮಾಡಿರೋ ಹೊಸ ಪ್ರೊಮೊ ನೋಡಿದಾಗ ಉಗ್ರಂ ಮಂಜು ಕ್ಯಾಪ್ಟನ್ಸಿ ಟಾಸ್ಕ್ ಗೆ ಎಂಟ್ರಿ ಕೊಟ್ಟ ಹಾಗೆ ಕಾಣ್ತಿದೆ.
ಅವರು ಕ್ಯಾಪ್ಟನ್ ಆದ್ರೆ ನಾಮಿನೇಷನ್ ನಿಂದ ಸೇವ್ ಆಗ್ತಾರೆ. ಅನೇಕರು ಧರ್ಮ ಮತ್ತು ಮೋಕ್ಷಿತಾ ಹೆಸರನ್ನು ಎಲಿಮಿನೇಷನ್ ಗೆ ಹೇಳ್ತಿದ್ದರೆ ಇನ್ನೂ ಕೆಲವರು ಚೈತ್ರ ಅವರ ಹೆಸರನ್ನ ತೆಗೆದುಕೊಳ್ತಿದ್ದಾರೆ. ಹನುಮಂತ ಎಲಿಮಿನೇಟ್ ಆಗಲ್ಲ ಅನ್ನೋದು ವೀಕ್ಷಕರ ಗಟ್ಟಿ ನಂಬಿಕೆ ಅನ್ನೋದ್ರಲ್ಲಿ ಡೌಟಿಲ್ಲ. ಒಟ್ಟಾರೆ ಯಾರು ಈ ವಾರ ಮನೆಗೆ ಹೋಗ್ತಾರೆ ಅನ್ನೋದಕ್ಕೆ ಭಾನುವಾರದ ವರೆಗೆ ಕಾಯಬೇಕಾಗಿದೆ.
Viral Video : ಚಲಿಸುತ್ತಿದ್ದ ಬಸ್ ನಲ್ಲೇ ಲೈಂಗಿಕ ಕ್ರಿಯೆ ಶುರುವಚ್ಚಿಕೊಂಡ ಜೋಡಿ; ವೈರಲ್ ಆಯ್ತು ವೀಡಿಯೋ
