South Actor : ದಕ್ಷಿಣ ಸಿನಿಮಾ ರಂಗದಲ್ಲಿ ಸೂಪರ್ ಸ್ಟಾರ್ ಗಳೆನಿಸಿಕೊಂಡಿರುವ ನಟರ (South Actor) ಸಿನಿಮಾಗಳು ಘೋಷಣೆ ಆದರೆ ಸಾಕು ಹೊಸದೊಂದು ಸಂಚಲನ ಸೃಷ್ಟಿಸುತ್ತದೆ. ಆದರೆ ಅದಕ್ಕಿಂತ ಹೆಚ್ಚು ಸುದ್ದಿಯಾಗುವುದು ಈ ನಟರ ಸಂಭಾವನೆ ಎಂದರೆ ಸುಳ್ಳಲ್ಲ. ತಮಿಳು ನಟ ದಳಪತಿ ವಿಜಯ್ ಇತ್ತೀಚಿಗೆ ಅತಿ ಹೆಚ್ಚು ಸಂಭಾವನೆ ಪಡೆಯುವ ನಟನಾಗಿ ಹೊರಹೊಮ್ಮಿದ್ದರು.
ಇತ್ತೀಚಿನ ದಿನಗಳಲ್ಲಿ ಬಹುತೇಕ ಸೌತ್ ಸ್ಟಾರ್ ನಟರ ಸಂಭಾವನೆ ನೂರು, ಇನ್ನೂರು ಕೋಟಿಗಳನ್ನು ದಾಟುತ್ತಿದೆ. ನಟ ರಜನೀಕಾಂತ್ (Rajanikanth) ಕೂಲಿ ಸಿನಿಮಾಕ್ಕೆ 200 ಕೋಟಿ ಪಡೆದ ಅತಿ ಹೆಚ್ಚು ಸಂಭಾವನೆ ಪಡೆದ ನಟನಾಗಿದ್ದರು. ಆದರೆ ವಿಜಯ್ ಗೋಟ್ ಸಿನಿಮಾಕ್ಕೆ 250 ಕೋಟಿ ಪಡೆದು ರಜನೀಕಾಂತ್ ದಾಖಲೆ ಮುರಿದಿದ್ದರು.
ಅದಾದ ನಂತರ ವಿಜಯ್ (Thalapathy Vijay) ತಮ್ಮ ಕೊನೆಯ ಸಿನಿಮಾಕ್ಕೆ 275 ಕೋಟಿ ಸಂಭಾವನೆ ಪಡೆಯುವ ಮೂಲಕ ತಮ್ಮದೇ ದಾಖಲೆಯನ್ನು ತಾನೇ ಮುರಿದು ಮತ್ತೊಮ್ಮೆ ಅತಿ ಹೆಚ್ಚು ಸಂಭಾವನೆ ಪಡೆದ ನಾಯಕ ನಟ ಎನ್ನುವ ಹೆಗ್ಗಳಿಕೆಯನ್ನು ಪಡೆದಿದ್ದರು. ಆದರೆ ಈಗ ದಳಪತಿಯ ಈ ದಾಖಲೆಯನ್ನು ಮತ್ತೊಬ್ಬ ನಟ ಮುರಿದಿದ್ದಾರೆ. ಹಾಗಾದರೆ ಯಾರು ಈ ನಟ ತಿಳಿಯೋಣ ಬನ್ನಿ.
ನಟ ವಿಜಯ್ ಅವರ ದಾಖಲೆಯನ್ನು ಮುರಿದಿದ್ದು ಟಾಲಿವುಡ್ ನ ಐಕಾನ್ ಸ್ಟಾರ್ ಖ್ಯಾತಿಯ ಅಲ್ಲು ಅರ್ಜುನ್ (Allu Arjun) ಅವರೇ ಆಗಿದ್ದಾರೆ. ಹೌದು, ನಟ ಅಲ್ಲು ಅರ್ಜುನ್ ತಮ್ಮ ಪುಷ್ಪ 2 ಸಿನಿಮಾಕ್ಕಾಗಿ ಬರೋಬ್ಬರಿ 300 ಕೋಟಿಗಳ ಸಂಭಾವನೆಯನ್ನು ಪಡೆಯುತ್ತಿದ್ದಾರೆ. ಈ ಮೂಲಕ ಅಲ್ಲು ಅರ್ಜುನ್ ದೇಶದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದಿರುವ ನಟ ಅವರಾಗುತ್ತಿದ್ದಾರೆ.
Sangeetha Sringeri ಡಂಗ್ರಿ ಸೂಟ್, ಲಾಂಗ್ ಬೂಟ್; ಹೊಸ ಲುಕ್ ನಲ್ಲಿ ಚಾರ್ಲಿ ಬ್ಯೂಟಿ ಸಂಗೀತಾ ಶೃಂಗೇರಿ
