Kichcha Sudeep: ಕನ್ನಡ ಬಿಗ್ ಬಾಸ್ (Bigg Boss Kannada) ಅಂದ್ರೆ ನೆನಪಾಗೋ ಮೊದಲ ವ್ಯಕ್ತಿ ಕಿಚ್ಚ ಸುದೀಪ್ ಅವರು. ಕಳೆದ ಹತ್ತು ಯಶಸ್ವಿ ಸೀಸನ್ ಗಳನ್ನು ನಿರೂಪಣೆ ಮಾಡಿರುವ ಅವರು ಈಗ ಹೊಸ ಸೀಸನ್ ಅನ್ನು ಸಹಾ ನಿರೂಪಣೆ ಮಾಡಿದ್ದಾರೆ. ಸೀಸನ್ ಆರಂಭಕ್ಕೂ ಮೊದಲು ಸುದೀಪ್ (Kichcha Sudeep) ಅವರು ಈ ಸೀಸನ್ ನಡೆಸಿಕೊಡಲ್ಲ ಎನ್ನುವ ಸುದ್ದಿಗಳು ಹರಿದಾಡಿ ಅನಂತರ ಅದು ಕೇವಲ ವದಂತಿ ಎನ್ನುವಂತೆ ಆಗಿತ್ತು.
ಆದರೆ ಈಗ ಹನ್ನೊಂದನೇ ಸೀಸನ್ ಅನ್ನು ನಡೆಸಿಕೊಡುವಾಗಲೇ ಸ್ವತಃ ಕಿಚ್ಚ ಸುದೀಪ್ ಅವರೇ ತಾವು ಇನ್ಮುಂದೆ ಬಿಗ್ ಬಾಸ್ ನಿರೂಪಣೆ ಮಾಡುವುದಿಲ್ಲ ಎನ್ನುವುದನ್ನು ಅಧಿಕೃತವಾಗಿ ಟ್ವಿಟರ್ ನಲ್ಲಿ ಘೋಷಣೆ ಮಾಡುವ ಮೂಲಕ ಎಲ್ಲರಿಗೂ ದೊಡ್ಡ ಶಾಕ್ ಅನ್ನೇ ನೀಡಿದ್ದಾರೆ. ಕಿಚ್ಚ ಸುದೀಪ್ ಅವರ ಪೋಸ್ಟ್ ನಲ್ಲಿ ಏನಿದೆ ತಿಳಿಯೋಣ ಬನ್ನಿ.
ಬಿಗ್ ಬಾಸ್ ಕನ್ನಡ 11 (Bigg Boss Kannada 11) ಕಾರ್ಯಕ್ರಮಕ್ಕೆ ಅತ್ಯುತ್ತಮ ಪ್ರತಿಕ್ರಿಯೆ ನೀಡಿದ್ದಕ್ಕೆ ನಿಮಗೆಲ್ಲರಿಗೂ ಧನ್ಯವಾಗಳು. ಶೋ ಗೆ ಸಿಕ್ಕಿರುವ ಟಿ ಆರ್ ಪಿ ನೋಡಿದರೆ ನನ್ನ ಬಗ್ಗೆ ಮತ್ತು ಈ ಶೋ ಬಗ್ಗೆ ನೀವು ತೋರಿಸಿರುವಂತಹ ಪ್ರೀತಿ ಏನೆಂಬುದು ಗೊತ್ತಾಗುತ್ತದೆ. ಈ 10 ಪ್ಲಸ್ 1 ವರ್ಷ ನಿಮ್ಮೊಂದಿಗೆ ಪಯಣ ಮಾಡಿದ್ದು ಚೆನ್ನಾಗಿತ್ತು. ನಾನೀಗ ಬೇರೆ ಕಡೆಗೆ ಗಮನ ಹರಿಸುವ ಸಮಯ ಬಂದಿದೆ.
ನಿರೂಪಕನಾಗಿ ಇದು ನನ್ನ ಕೊನೆಯ ಬಿಗ್ ಬಾಸ್. ಇಷ್ಟು ವರ್ಷಗಳ ಕಾಲ ಬಿಗ್ ಬಾಸ್ ಕಾರ್ಯಕ್ರಮವನ್ನು ನೋಡಿರುವ ನೀವು ಮತ್ತು ಕಲರ್ಸ್ ನವರು ನನ್ನ ನಿರ್ಧಾರವನ್ನು ಗೌರವಿಸುತ್ತೀರಿ ಎಂದು ನಂಬಿದ್ದೇನೆ. ಈ ನಿರ್ಧಾರ ಅತ್ಯುತ್ತಮವಾಗುವಂತೆ ಮಾಡೋಣ. ನಿಮ್ಮೆಲ್ಲರನ್ನೂ ನಿಮ್ಮನ್ನು ಮನರಂಜಿಸುತ್ತೇನೆ ಎಂದು ಸುದೀಪ್ ಅವರು ಶಾಕ್ ನೀಡಿದ್ದಾರೆ.
Bigg Boss ಮನೆಗೆ ಪೋಲಿಸ್ ದಿಢೀರ್ ಎಂಟ್ರಿ, ಕನ್ನಡ ಬಿಗ್ ಬಾಸ್ ಮನೇಲಿ ಅಂತದ್ದೇನಾಗಿದೆ
