Janhvi Kapoor : ಬಾಲಿವುಡ್ ನಟಿ, ಹಿರಿಯ ನಟಿ ದಿವಂಗತ ಶ್ರೀದೇವಿ ಪುತ್ರಿ ಜಾನ್ವಿ ಕಪೂರ್ (Janhvi Kapoor) ದೇವರ ಸಿನಿಮಾ ಮೂಲಕ ಟಾಲಿವುಡ್ ಗೆ ಎಂಟ್ರಿ ಕೊಡುತ್ತಿದ್ದಾರೆ ಎಂದು ಅವರ ಅಭಿಮಾ‌ನಿಗಳು ಸಾಕಷ್ಟು ಖುಷಿಯಾಗಿದ್ದರು. ಜೂ. ಎನ್ ಟಿ ಆರ್ ಜೊತೆಗೆ ನಾಯಕಿ ಎನ್ನುವ ಕಾರಣಕ್ಕೆ ನಿರೀಕ್ಷೆಗಳು ದುಪ್ಪಟ್ಟಾಗಿದ್ದವು. ಆದರೆ ಈಗ ಎಲ್ಲರ ನಿರೀಕ್ಷೆಗಳು ಸುಳ್ಳಾಗಿದೆ. ಜಾನ್ವಿ ಬಗ್ಗೆ ಫ್ಯಾನ್ಸ್ ಬೇಸರಗೊಂಡಿದ್ದಾರೆ.
ಹಾಡುಗಳು ಬಿಡುಗಡೆ ಆದಾಗ ಅದರಲ್ಲಿ ಎನ್ ಟಿ ಆರ್ (Jr NTR) ಮತ್ತು ಜಾನ್ವಿ ಕೆಮಿಸ್ಟ್ರಿ ಅಭಿಮಾನಿಗಳ ಮೇಲೆ ಮೋಡಿ ಮಾಡಿತ್ತು. ಇದನ್ನ ನೋಡಿದ ಫ್ಯಾನ್ಸ್ ಸಿನಿಮಾದಲ್ಲಿ ಈ ಜೋಡಿ ಕಮಾಲ್ ಮಾಡುತ್ತೆ ಅಂತ ಕಾಯ್ತಾ ಇದ್ರು. ಆದರೆ ಅವರ ಕಾಯುವಿಕೆಗೆ ಈಗ ಬೇಸರದ ಉತ್ತರ ಸಿಕ್ಕಿದೆ. ಇಷ್ಟಕ್ಕೂ ಅಭಿಮಾನಿಗಳ ಇಂತಹ ಬೇಸರಕ್ಕೆ ಕಾರಣವಾದ್ರು ಏನು ?
ಇಡೀ ಸಿನಿಮಾದಲ್ಲಿ ಜಾನ್ವಿ ಅವರ ಪಾತ್ರ ಮೂರು ಸೀನ್ ಗಳಿಗಿಂತ ಹೆಚ್ಚಾಗಿ ಕಂಡಿಲ್ಲ ಎನ್ನುವುದು ಅಭಿಮಾನಿಗಳ ಬೇಸರಕ್ಕೆ ಕಾರಣವಾಗಿದೆ. ಒಂದು ಹಾಡು, ಮೂರು ದೃಶ್ಯಗಳು ಬಿಟ್ಟರೆ ಬೇರೆ ಕಡೆ ಜಾನ್ವಿ ಕಾಣಿಸಿಕೊಂಡಿಲ್ಲ ಎನ್ನುವುದನ್ನ ನೋಡಿ ಫ್ಯಾನ್ಸ್ ಅಚ್ಚರಿಯನ್ನು ವ್ಯಕ್ತಪಡಿಸಿದ್ದಾರೆ.
ದೇವರ (Devara) ಸಿನಿಮಾ ಜಾನ್ವಿ ನಟನೆಯ ಮೊದಲ ಸಿನಿಮಾ ಆಗಿದ್ದರಿಂದ ಅಭಿಮಾನಿಗಳಿಗೆ ಸಾಕಷ್ಟು ನಿರೀಕ್ಷೆಗಳು ಇದ್ದವು. ನಟಿಯ ಪಾತ್ರ ಸಹಾ ಸಿನಿಮಾದ ಕಥೆಯ ಒಂದು ಪ್ರಮುಖ ಭಾಗವಾಗಿರುತ್ತೆ ಎಂದು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದರು. ಈಗ ಅಭಿಮಾನಿಗಳ ಈ ನಿರೀಕ್ಷೆಗಳು ಸುಳ್ಳಾಗಿದೆ.
