Bigg Boss Kannada: ದಿನಗಳು ಕಳೆದ ಹಾಗೆ ಬಿಗ್ ಬಾಸ್ (BBK 11) ಮನೆಯಲ್ಲಿ ಸ್ಪರ್ಧಿಗಳ ಸಂಖ್ಯೆ ಕಡಿಮೆ ಆಗ್ತಿದೆ. ಈ ಬಾರಿ ವೈಲ್ಡ್ ಕಾರ್ಡ್ ಮೂಲಕ ಹನುಮಂತು (Hanumantha) ಬಿಗ್ ಬಾಸ್ ಮನೆಗೆ (Bigg Boss Kannada) ಎಂಟ್ರಿ ಕೊಟ್ಟಾಗಿದೆ. ಬಿಗ್ ಬಾಸ್ ಮನೆಯಲ್ಲಿ ಹನುಮಂತ ತಮ್ಮ ಅಮಾಯಕತನ ಹಾಗೂ ಮುಗ್ದತೆಯನ್ನು ಆಟಕ್ಕೆ ಅಸ್ತ್ರವನ್ನಾಗಿ ಬಳಸಿಕೊಂಡನಾ ಎನ್ನುವ ವಿಚಾರ ಬಿಗ್ ಬಾಸ್ ಮನೆಯಲ್ಲಿ ಚರ್ಚೆಗೆ ಕಾರಣವಾಗುತ್ತಿದೆ. ಈಗ ವಾರದ ಕಥೆ ಕಿಚ್ಚನ ಜೊತೆಯಲ್ಲಿ ಕೂಡಾ ಇದೇ ವಿಚಾರವಾಗಿ ಒಂದು ಚರ್ಚೆ ನಡೆದಿದೆ.
ಹನುಮಂತ ಮುಗ್ದನಾ ಅನ್ನೋ ಪ್ರಶ್ನೆಗೆ ಮನೆಯಲ್ಲಿ ಹಲವರು ತಮ್ಮದೇ ಆದ ಉತ್ತರವನ್ನು ನೀಡಿದ್ದಾರೆ. ಮೋಕ್ಷಿತಾ (Mokshitha Pai), ತ್ರಿವಿಕ್ರಮ ಮತ್ತು ಚೈತ್ರಾ ಕುಂದಾಪುರ (Chaithra Kundapura) ಹಾಗೂ ಇತರರು ಹನುಮಂತು ಬಗ್ಗೆ ಮಾತನಾಡಿದ್ದಾರೆ. ಮೋಕ್ಷಿತಾ ಹನುಮಂತು ಇನ್ನೊಸೆಂಟ್ ತರ ಕಾಣ್ತಾರೆ ಆದರೆ ಅವರು ಇನ್ನೊಸೆಂಟ್ ಅಲ್ಲ ಅಂತ ಹೇಳಿದ್ದಾರೆ. ತ್ರಿವಿಕ್ರಮ್ ಕೂಡಾ ಹನುಮಂತ ಮುಗ್ಧ ಅಲ್ಲ ಅನ್ನೋ ಮಾತನ್ನು ಹೇಳಿದ್ದಾರೆ.
ಚೈತ್ರ ಕುಂದಾಪುರ ಅವರು ಹೊರಗೆ ತೋರಿಸಿಕೊಳ್ಳುವಷ್ಟು ಹನುಮಂತ ಮುಗ್ಧ ಅಲ್ಲ ಅಂತ ಮಾತನಾಡಿದ್ದಾರೆ. ಹನುಮಂತುಗೆ ಮೈಂಡ್ ಗೇಮ್ ಆಡೋದು ಹೇಗೆ ಅಂತ ಗೊತ್ತು ಅನ್ನೋ ಮಾತನ್ನು ಸಹಾ ಮೋಕ್ಷಿತಾ ಹೇಳಿದ್ದಾರೆ. ಮನೆಯಲ್ಲಿರೋರು ತನ್ನ ಬಗ್ಗೆ ಹೇಳಿದ ಮಾತುಗಳನ್ನು ಕೇಳಿ ಹನುಮಂತ ಶಾಕ್ ಆಗಿದ್ದಾರೆ. ಬಳಿಕ ಕಿಚ್ಚನ ಮುಂದೆ ಹನುಮಂತು ಧೈರ್ಯವಾಗಿ ಮಾತನಾಡಿದ್ದಾರೆ.
ಹನುಮಂತು ತನ್ನ ಬಗ್ಗೆ ಮಾತಾಡಿದವರಿಗೆ ಉತ್ತರ ಕೊಡ್ತಾ ಇಲ್ಲಿಗೆ ಬಂದೋರೆಲ್ಲ ಇನ್ನೊಸೆಂಟ್, ಎಲ್ಲರೂ ನಮಗೇನು ಗೊತ್ತಿಲ್ಲ ಎನ್ನುವಂತೆ ನಾಟಕ ಮಾಡುತ್ತಿದ್ದಾರೆ. ಎಲ್ಲರೂ ಒಂದೇ ,ಅದೇ ರೀತಿ ನಾನು ಕೂಡಾ ಅಂತ ಹನುಮಂತ ಸರಿಯಾಗಿ ತಿರುಗೇಟು ಕೊಟ್ಟಿದ್ದಾನೆ. ಹನುಮಂತನ ಮಾತು ಖಂಡಿತ ಮನೆಮಂದಿಗೂ ಶಾಕ್ ನೀಡಿದೆ ಅನ್ನೋದ್ರಲ್ಲಿ ಅನುಮಾನ ಇಲ್ಲ ಅಂತಾನೆ ಹೇಳಬಹುದು.
BBK 11: ತಮ್ಮ ತಮ್ಮಲ್ಲೇ ಉತ್ತಮ ಕೊಟ್ಕೊಂಡ ಗ್ಯಾಂಗ್; ಗ್ರೂಪಿಸಂ ಆಟ ಶುರುವಾಯ್ತಾ? ನೆಟ್ಟಿಗರ ಪ್ರಶ್ನೆ
