Ram Gopal Varma : ರಾಮ್ ಗೋಪಾಲ್ ವರ್ಮಾ ಒಂದು ಕಾಲದಲ್ಲಿ ಟಾಲಿವುಡ್ ನಲ್ಲಿ (Tollywood) ಸೂಪರ್ ಹಿಟ್ ಸಿನಿಮಾಗಳನ್ನು ನಿರ್ದೇಶನ ಮಾಡಿದ ನಿರ್ದೇಶಕ. ಆದರೆ ಇತ್ತೀಚಿನ ವರ್ಷಗಳಲ್ಲಿ ಇವರು ಸಿನಿಮಾಗಳಿಗಿಂತ ವಿವಾದಗಳಿಂದಲೇ ಹೆಚ್ಚು ಸುದ್ದಿಯಾಗುತ್ತಿದ್ದಾರೆ ಎನ್ನುವುದು ನಿಜ. ರಾಮ್ ಗೋಪಾಲ್ ವರ್ಮಾ (Ram Gopal Varma) ನೀಡುವ ಹೇಳಿಕೆಗಳಿಂದಲೇ ಅವರು ವಿವಾದಗಳನ್ನು ಮೈಮೇಲೆ ಎಳೆದುಕೊಳ್ಳುತ್ತಾರೆ. ಇದೀಗ ಅವರ ಮೇಲೆ ಪೋಲಿಸ್ ಠಾಣೆಯಲ್ಲಿ ದೂರು ದಾಖಲಾಗಿದೆ.
ರಾಮ್ ಗೋಪಾಲ್ ವರ್ಮಾ ಮೇಲೆ ಟಿಡಿಪಿ ಮಂಡಲದ ಪ್ರಧಾನ ಕಾರ್ಯದರ್ಶಿ ರಾಮಲಿಂಗಂ ಅವರು ನೀಡಿದ ದೂರಿನ ಮೇರೆಗೆ ಪ್ರಕರಣವನ್ನು ದಾಖಲು ಮಾಡಲಾಗಿದೆ. ಸಿನಿಮಾವೊಂದರ ಪ್ರಚಾರದ ಭಾಗವಾಗಿ ರಾಮ್ ಗೋಪಾಲ್ ವರ್ಮಾ ಟಿಡಿಪಿ ಮುಖ್ಯಸ್ಥ ಚಂದ್ರ ಬಾಬು ನಾಯ್ಡು (Chandra Babu Naidu) ಮತ್ತು ನಾರಾ ಬ್ರಹ್ಮಣಿ ಬಗ್ಗೆ ಅನುಚಿತವಾಗಿ ಪೋಸ್ಟ್ ಗಳನ್ನು ಹಾಕಿದ್ದಾರೆ ಎನ್ನಲಾಗಿದೆ.
ವೈ ಎಸ್‌ ಪಿ ಸರ್ಕಾರಕ್ಕೆ ವೈಎಸ್ ಜಗನ್ಮೋಹನ್ ರೆಡ್ಡಿಗೆ ಬೆಂಬಲ ನೀಡಲು ಈ ಹಿಂದೆಯೂ ರಾಮ್ ಗೋಪಾಲ್ ವರ್ಮಾ ಪದೇ ಪದೇ ಚಂದ್ರಬಾಬು ಅವರನ್ನು ಗುರಿಯಾಗಿಸಿಕೊಂಡು ಪೋಸ್ಟ್ ಗಳನ್ನು ಮಾಡಿದ್ದಾರೆ. ಅದೇ ವೇಳೆ ಆರ್ ಜಿ ವಿ ತಮ್ಮ ಸಿನಿಮಾದಲ್ಲೂ ಸಹಾ ಚಂದ್ರಬಾಬು ಕುರಿತಾಗಿ ನೆಗೆಟಿವ್ ಆಗಿ ತೋರಿಸಿ, ವ್ಯಕ್ತಿತ್ವ ನಿಂದನೆ ಮಾಡಿದ್ದರು ಎಂದು ಟಿಡಿಪಿ ಮಂಡಲದ ಪ್ರಧಾನ ಕಾರ್ಯದರ್ಶಿ ಆರೋಪ ಮಾಡಿದ್ದಾರೆ.
ಆರ್ ಜಿ ವಿ ತಮ್ಮ ಸೋಷಿಯಲ್ ಮೀಡಿಯಾ ಖಾತೆಯ ಮೂಲಕ ಚಂದ್ರಬಾಬು ಅವರ ಬಗ್ಗೆ ಆಕ್ಷೇಪಾರ್ಹ ಕಾಮೆಂಟ್‌ ಗಳನ್ನು ಮಾಡಿದ್ದಾರೆ. ಇದೇ ವೇಳೆ ಚಂದ್ರಬಾಬು, ಪವನ್, ಲೋಕೇಶ್ ಅವರ ಮೇಲೆ ಅನುಚಿತವಾಗಿ ಪೋಸ್ಟ್ ಮಾಡಿದ ವೈಸಿಪಿ ಕಾರ್ಯಕರ್ತರನ್ನು ಸಹಾ ಈಗಲೇ ಬಂಧಿಸಬೇಕೆಂದು ಒತ್ತಾಯವನ್ನು ಮಾಡಲಾಗಿದೆ.
Amruthadhaare ಎಲ್ಲೆ ಮೀರಿದ ಅಪ್ಪಿಯ ಅಹಂಕಾರ, ತಂಗಿಯ ಕಪಾಳಕ್ಕೆ ಬಾರಿಸಿದ ಭೂಮಿಕಾ; ಇನ್ನೆರಡು ಕೊಡು ಎಂದ ನೆಟ್ಟಿಗರು
