Bigg Boss Kannada : ಬಿಗ್ ಬಾಸ್ ಮನೆಯಲ್ಲಿ (Bigg Boss Kannada) ವೈಲ್ಡ್ ಕಾರ್ಡ್ ಎಂಟ್ರಿ ಆಗಿದೆ ಮತ್ತು ಈ ವಾರದ ಟಾಸ್ಕ್ ಗಳು ಆರಂಭವಾಗಿದೆ. ಆದರೆ ಟಾಸ್ಮ್ ನಡೆಯುವ ವೇಳೆಯಲ್ಲಿ ಆದಂತಹ ಗಲಾಟೆಯಿಂದ ಮನನೊಂದು ಗೋಲ್ಡ್ ಸುರೇಶ್ (Gold Suresh) ಅವರು ಬಿಗ್ ಬಾಸ್ ಮನೆಯಿಂದ ತನ್ನನ್ನ ಹೊರಗೆ ಕಳಿಸುವಂತೆ ಬಿಗ್ ಬಾಸ್ ಗೆ (BBK 11) ಮನವಿಯನ್ನು ಮಾಡಿಕೊಂಡಿದ್ದರೆ. ವಾಹಿನಿ ಶೇರ್ ಮಾಡಿರುವ ಇವತ್ತಿನ ಎಪಿಸೋಡ್ ನ ಪ್ರೊಮೊ ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿ ಸಿಕ್ಕಾಪಟ್ಟೆ ಚರ್ಚೆಗೆ ಕಾರಣವಾಗಿದೆ ಮತ್ತು ಅನೇಕರು ಕಾಮೆಂಟ್ ಗಳನ್ನು ಮಾಡುತ್ತಿದ್ದಾರೆ.
ಇಷ್ಟಕ್ಕೂ ನಡೆದ ಘಟನೆ ಏನು ಎನ್ನುವುದಾದರೆ, ಟಾಸ್ಕ್ ನ ವೇಳೆಯಲ್ಲಿ ಯಾವುದೋ ವಿಚಾರಕ್ಕೆ ಗೋಲ್ಡ್ ಸುರೇಶ್ ಮತ್ತು ರಜತ್ (Rajath) ನಡುವೆ ಮಾತಿನ ಚಕಮಕಿ ನಡೆದಿದ್ದು, ರಜತ್ ತಮ್ಮ ನಾಲಗೆ ಹರಿ ಬಿಟ್ಟಿದ್ದಾರೆ. ಸುರೇಶ್ ಅವರನ್ನು ಗುಗ್ಗು ನನ್ಮಗನೇ, ವೇಸ್ಟ್ ನನ್ಮಗ, ಸೆಡೆ , ಬಳೆ ತೊಟ್ಕೋ ಎಂದೆಲ್ಲಾ ನಿಂದನೆ ಮಾಡಿದ್ದಾರೆ. ಇದರಿಂದ ಬೇಸತ್ತ ಸುರೇಶ್ ಕ್ಯಾಮೆರಾ ಮುಂದೆ ಇದನ್ನ ಪ್ರಶ್ನೆ ಮಾಡಿದ್ದಾರೆ ಮತ್ತು ಹೊರಗೆ ಕಳಿಸಿ ಎಂದು ಮನವಿ ಮಾಡಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಇಷ್ಟು ವಾರಗಳ ಟಾಸ್ಕ್ ಗಳಲ್ಲಿ ಗಲಾಟೆಗಳು ನಡೆದಿತ್ತು ಆದರೆ ಈ ರೀತಿ ನಿಂದನೀಯ ಪದಗಳನ್ನು ಯಾರೂ ಮಾತನಾಡಿಕೊಂಡಿರಲಿಲ್ಲ. ಆದರೆ ರಜತ್ ಸುರೇಶ್ ಅವರಿಗೆ ಮರ್ಯಾದೆ ನೀಡದೇ ಆಡಿರುವ ಮಾತುಗಳಿಗೆ ಈಗ ವೀಕ್ಷಕರು ಮತ್ತು ನೆಟ್ಟಿಗರು ಕೂಡಾ ಕಾಮೆಂಟ್ ಗಳನ್ನು ಮಾಡಿ ಟೀಕೆ ಮಾಡುತ್ತಿದ್ದಾರೆ.
ಕಾಮೆಂಟ್ ಮಾಡಿದವರು ರಜತ್ ದು ಅತಿಯಾಯ್ತು. ಬೇರೆ ಅವರಿಗೆ ಮಾರ್ಯದೆ ಕೊಡೋಕೆ ಬರಲ್ವಾ? ಜಗದೀಶ್ ಅವಾಚ್ಯ ಶಬ್ಧ ಮಾತಾಡಿದ್ರು ಅಂತ ಅವರನ್ನು ಹೊರಗಡೆ ಕಳಿಸಿದ್ರಿ, ಈಗ ರಜತ್ ನ ಕೂಡಾ ಹೊರಗೆ ಹಾಕಿ. ಅರ್ಧ ತಿಕ್ಲು ಇವನೇ ರಜತ್ ಎಂದೆಲ್ಲಾ ಹೇಳುತ್ತಿದ್ದಾರೆ. ರಜತ್ ಆಡೋ ಮಾತುಗಳು ತುಂಬಾ ಓವರ್ ಎಂದೆಲ್ಲಾ ನೆಟ್ಟಿಗರು ಅಸಹನೆ ಹೊರ ಹಾಕುತ್ತಿದ್ದಾರೆ.
