BBK 11 : ಬಿಗ್ ಬಾಸ್ ಕನ್ನಡ (Bigg Boss Kannada) ಸೀಸನ್ 11ರ 6ನೇ ವಾರ ಕೊನೆಯ ಹಂತಕ್ಕೆ ಬಂದು ಸೇರಿದೆ. ನಾಳೆ ಮತ್ತು ನಾಡಿದ್ದು ಕಿಚ್ಚನ ಪಂಚಾಯಿತಿಗಾಗಿ ಬಹಳಷ್ಟು ಜನ ಪ್ರೇಕ್ಷಕರು ಕುತೂಹಲದಿಂದ ಕಾಯುತ್ತಿದ್ದಾರೆ. ಈ ವಾರ ನಡೆದ ಟಾಸ್ಕ್ ಗಳ ವಿಚಾರವಾಗಿ ಮನೆಯಲ್ಲಿ ಯಾರಿಗೆಲ್ಲಾ ಕಿಚ್ಚ ಬುದ್ಧಿ ಮಾತನ್ನ ಹೇಳ್ತಾರೆ, ಯಾರಿಗೆ ಕ್ಲಾಸ್ ತಗೊಳ್ತಾರೆ ಅನ್ನೋದನ್ನ ನೋಡುವ ಕುತೂಹಲ ಬಿಗ್ ಬಾಸ್ (BBK 11) ಅಭಿಮಾನಿಗಳಲ್ಲಿ ಸಹಜವಾಗಿಯೇ ಮೂಡಿದೆ. ಆದರೆ ಈಗ ಇವೆಲ್ಲವುಗಳ ನಡುವೆ ಹೊಸದೊಂದು ಪ್ರಶ್ನೆ ಕಾಡಿದೆ.
ಏನದು ಪ್ರಶ್ನೆ ಎನ್ನುವುದಾದರೆ ಈ ವೀಕೆಂಡ್ ನಲ್ಲಿ ಎಲಿಮಿನೇಷನ್ ಇರೋದಿಲ್ವಾ ಅನ್ನೋದೇ ಆಗಿದೆ. ವಾರದ ಟಾಸ್ಕ್ ಗಳ ನಂತರ ಮನೆಯ ಮಂದಿಯಲ್ಲಿ ಒಂದಷ್ಟು ಜನ ಎಲಿಮಿನೇಷನ್ ಗಾಗಿ ನಾಮಿನೇಟ್ ಆಗಿದ್ದಾರೆ. ಆದರೆ ಬಿಗ್ ಬಾಸ್ ಶೋ ಪ್ರಸಾರವಾಗುವ ಸಮಯದಲ್ಲಿ ಓಟಿಂಗ್ ಲೈನ್ ಗಳು ತೆರೆದಿರುವುದಿಲ್ಲ ಎನ್ನುವ ಸೂಚನೆಯನ್ನು ನೀಡಲಾಗಿದ್ದು, ಇದನ್ನು ನೋಡಿ ಪ್ರೇಕ್ಷಕರು ಅಚ್ಚರಿ ಪಟ್ಟಿದ್ದಾರೆ.
ಓಟಿಂಗ್ ಲೈನ್ ಗಳು ತೆರೆದಿರುವುದಿಲ್ಲ ಎಂದ ಮೇಲೆ ಈ ವಾರ ಎಲಿಮಿನೇಷನ್ ನಡೆಯುವುದಿಲ್ಲವೇ? ಹಾಗಾದ್ರೆ ಈ ವಾರ ಮನೆಯಿಂದ ಯಾರು ಕೂಡಾ ಹೊರಗೆ ಬರುವುದಿಲ್ಲವೇ? ಎನ್ನುವ ಪ್ರಶ್ನೆಗಳು ಪ್ರೇಕ್ಷಕರನ್ನ ಕಾಡುತ್ತಿದೆ. ಸೋಶಿಯಲ್ ಮೀಡಿಯಾಗಳಲ್ಲಿ ಈಗಾಗಲೇ ಈ ವಾರ ಹೊರಗೆ ಬರೋದು ಯಾರು ಎನ್ನುವ ವಿಚಾರವಾಗಿ ನೆಟ್ಟಿಗರು ಚರ್ಚೆ ನಡೆಸಿದ್ದಾರೆ.
ನೆಟ್ಟಿಗರು ತಮಗೆ ಇಷ್ಟವಿಲ್ಲದ ಸ್ಪರ್ಧಿಗಳ ಹೆಸರನ್ನು ಸೂಚಿಸುತ್ತಾ ಅವರೇ ಎಲಿಮಿನೇಟ್ ಆಗೋದು ಎನ್ನುವ ಮಾತನ್ನು ಹೇಳುತ್ತಿದ್ದಾರೆ. ಹಾಗಾದ್ರೆ ನಾಮಿನೇಟ್ ಆಗಿರುವರಲ್ಲಿ ಯಾರೂ ಹೊರಗೆ ಬರೋದಿಲ್ವಾ? ಏನಾದ್ರು ಹೊಸ ಟ್ವಿಸ್ಟ್ ಕೊಡ್ತಾರಾ ಬಿಗ್ ಬಾಸ್? ಹೊರಗೆ ಬಂದ್ರೆ ಯಾರು ಬರ್ತಾರೆ ? ಈ ಎಲ್ಲಾ ಪ್ರಶ್ನೆಗಳಿಗೆ ವೀಕೆಂಡ್ ಎಪಿಸೋಡ್ ವರೆಗೆ ಕಾಯಲೇಬೇಕಾಗಿದ್ದು ಅನಿವಾರ್ಯವಾಗಿದೆ.
