Bigg Boss Kannada : ಬಿಗ್ ಬಾಸ್ ಕನ್ನಡ 11 (Bigg Boss Kannada) ಆರನೇ ವಾರಕ್ಕೆ ಕಾಲಿಟ್ಟಿದೆ. ಈ ವಾರ ಮನೆಯಲ್ಲಿ ನಾಮಿನೇಟ್ ಆದವರು ಒಟ್ಟು ಏಳು ಜನ. ಭವ್ಯ, ಮೋಕ್ಷಿತ, ಚೈತ್ರ, ಧರ್ಮ ಕೀರ್ತಿರಾಜ್, ತ್ರಿವಿಕ್ರಂ, ಧನರಾಜ್ ಮತ್ತು ಗೋಲ್ಡ್ ಸುರೇಶ್ ಇವರು ನಾಮಿನೇಷನ್ ಲಿಸ್ಟ್ ನಲ್ಲಿ ಸ್ಥಾನ ಪಡೆದಿದ್ದರು. ನಿನ್ನೆ ಕಿಚ್ಚ ಸುದೀಪ್ ಅವರು ಮೋಕ್ಷಿತಾ ಮತ್ತು ತ್ರಿವಿಕ್ರಂ ಸೇಫ್ ಆಗಿದ್ದಾರೆ ಎಂದು ಹೇಳಿದರು. ಅದರ ಜೊತೆಗೆ ಒಂದಷ್ಟು ವಿಚಾರಗಳನ್ನು ಚರ್ಚೆ ಮಾಡಿದ್ದರು. ಕೆಲವರಿಗೆ ಕಿವಿ ಮಾತುಗಳನ್ನು ಸಹಾ ಹೇಳಿದ್ದರು.
ಅದೇ ವೇಳೆ ಕಿಚ್ಚ ಸುದೀಪ್ (Kichcha Sudeep) ಅವರು ಭವ್ಯ ಅವರು ಹೇಗೆ ಸ್ವಲ್ಪವೇ ಅಂತರದಲ್ಲಿ ತನ್ನ ಚಪ್ಪಾಳೆಯನ್ನ ಕಳೆದುಕೊಂಡ್ರು ಅನ್ನೋದನ್ನ ಕೂಡಾ ತಿಳಿಸಿದರು. ಇನ್ನು ಇವತ್ತಿನ ಎಪಿಸೋಡ್ ಗಳ ಪ್ರೊಮೊಗಳು ಬಿಡುಗಡೆಯಾಗಿದ್ದು, ಒಂದಷ್ಟು ವಿಶೇಷ ಅವಾರ್ಡ್ ಗಳನ್ನು ಮನೆ ಮಂದಿಗೆ ನೀಡಲಾಗಿದೆ. ಇವೆಲ್ಲವುಗಳ ನಡುವೆ ಈ ವಾರ ಎಲಿಮಿನೇಷನ್ ಇಲ್ಲ ಎಂದು ಹೇಳಲಾಗುತ್ತಿದೆ.
ಆದರೆ ಮುಂದಿನ ವಾರದಲ್ಲಿ ವಾರದ ಮಧ್ಯದಲ್ಲೇ ಯಾರಾದರೂ ಒಬ್ಬರು ಬಿಗ್ ಬಾಸ್ (BBK 11) ಮನೆಯಿಂದ ಹೊರಬರುವ ಸಾಧ್ಯತೆಗಳಿವೆ ಮತ್ತು ಹೊಸ ವೈಲ್ಡ್ ಕಾರ್ಡ್ ಎಂಟ್ರಿ ಕೂಡಾ ಆಗಬಹುದು ಎಂದು ಹೇಳಲಾಗುತ್ತಿದೆ. ಹಾಗಾದರೆ ದೊಡ್ಮನೆಯಿಂದ ಮಿಡ್ ವೀಕ್ ನಲ್ಲಿ ಯಾರು ಹೊರಗಡೆ ಬರ್ತಾರೆ ಅನ್ನೋದನ್ನ ಈಗಲೇ ಊಹೆ ಮಾಡೋದು ಖಂಡಿತ ಸಾಧ್ಯವಿಲ್ಲ ಎಂದೇ ಹೇಳಬಹುದು.
ಇನ್ನು ಹೊಸ ಪ್ರೋಮೋಗಳಲ್ಲಿ ಮನೆಯ ಫೇಕ್ ಸದಸ್ಯ ಅಂತ ಚೈತ್ರ ಕುಂದಾಪುರ (Chaithra Kundapura) ಅವರಿಗೆ, ಮನೆಯ ಊಸರವಳ್ಳಿ ಗೋಲ್ಡ್ ಸುರೇಶ್ ಗೆ (Gold Suresh) ಅವಾರ್ಡ್ ಗಳನ್ನು ನೀಡಲಾಗಿದೆ. ಅವಾರ್ಡ್ ಗಳನ್ನು ಪಡೆದವರು ಕೆಲವರು ಇದನ್ನ ಒಪ್ಪಿಕೊಂಡಿಲ್ಲ. ತಮಗೆ ನೀಡಲಾದ ಅವಾರ್ಡ್ ಬಗ್ಗೆ ಮಾತನಾಡಿ, ಅಸಮಾಧಾನವನ್ನು ಹಂಚಿಕೊಂಡಿದ್ದಾರೆ.
Sunita Williams: ಸುನೀತ ವಿಲಿಯಮ್ಸ್ ಆರೋಗ್ಯ, NASA ಕಳವಳ; ಒಣಗಿದ ಕಡ್ಡಿಯಂತಾದ ಸುನೀತ
