Bigg Boss Kannada : ಬಿಗ್ ಬಾಸ್ (Bigg Boss Kannada) ಮನೆ ಈ ವಾರ ಬಿಗ್ ಬಾಸ್ (BBK 11) ಸಾಮ್ರಾಜ್ಯವಾಗಿ ಬದಲಾಗಿದೆ. ಅದರಲ್ಲಿ ಉಗ್ರಂ ಮಂಜು (Ugram Manju) ರಾಜನಾಗಿ ಅಧಿಕಾರವನ್ನು, ಒಂದಷ್ಟು ವಿಶೇಷ ಅಧಿಕಾರಗಳನ್ನು ಪಡೆದು ಎಂಜಾಯ್ ಮಾಡ್ತಾ ಇರೋವಾಗ್ಲೇ ಈಗ ಬಿಗ್ ಬಾಸ್ ಒಂದು ಹೊಸ ಟ್ವಿಸ್ಟ್ ಅನ್ನ ಕೊಟ್ಟಿದ್ದಾರೆ. ಬಿಗ್ ಬಾಸ್ ಸಾಮ್ರಾಜ್ಯದ ರಾಜನ ಅಧಿಕಾರವನ್ನ ಕಸಿದುಕೊಳ್ಳೋದಕ್ಕೆ ಮೋಕ್ಷಿತಾ (Mokshitha) ಯುವರಾಣಿಯ ಎಂಟ್ರಿ ಆಗಿದ್ದು, ಇದರ ಪ್ರೊಮೊವನ್ನು ವಾಹಿನಿ ಹಂಚಿಕೊಂಡಿದೆ.
ರಾಜನ ತಂಗಿ ಯುವರಾಣಿಗೆ ರಾಜ್ಯದ ಪ್ರಜೆಗಳು ಬಹಳ ಸಂಭ್ರಮದಿಂದ ಸ್ವಾಗತ ನೀಡಿದ್ದಾರೆ. ಯುವರಾಣಿ ಬಂದಿರುವುದು ರಾಜನ ಅಧಿಕಾರವನ್ನು ಕಸಿದುಕೊಳ್ಳುವುದಕ್ಕೆ ಎಂದು ಬಿಗ್ ಬಾಸ್ ಸೂಚನೆಯನ್ನು ನೀಡಿದ್ದಾರೆ. ಅಂದರೆ ಯುವರಾಣಿಯಾದ ಮೋಕ್ಷಿತಾ ಈಗ ಮಂಜಣ್ಣನ ಅಧಿಕಾರಗಳಿಗೆ ಬ್ರೇಕ್ ಹಾಕಲು ಬಂದಿರುವ ಹಾಗೆ ಕಂಡಿದೆ. ಯುವರಾಣಿಯ ಆಗಮನ ರಾಜನಿಗೆ ಕೋಪವನ್ನು ತರಿಸಿದೆ.
ಯುವರಾಣಿ ಕ್ಯಾಪ್ಟನ್ ಕೋಣೆ ಪ್ರವೇಶ ಮಾಡಲು ಪ್ರಯತ್ನ ಮಾಡಿದ್ದು, ಮಂಜು ತಮ್ಮ ಸೇವಕರಿಗೆ ಆಜ್ಞೆ ನೀಡಿ ಅದನ್ನ ತಡೆದಿದ್ದಾರೆ. ನಂತರ ಮೋಕ್ಷಿತಾ ಹೊರಗೆ ಬಂದು ರಾಜನ ಆಸನದಲ್ಲಿ ಕೂತಿದ್ದು, ಅದು ಕೂಡಾ ತನ್ನದೆಂದು, ಅದರ ಮೇಲಿಂದ ಮೇಲೇಳುವಂತೆ ರಾಜ ಆಜ್ಞೆ ನೀಡಿದ್ದು, ಮೋಕ್ಷಿತಾ ಅದನ್ನ ದಿಕ್ಕರಿಸಿದ್ದಾರೆ. ಈ ವೇಳೆ ರಾಜ ಮಂಜು ಅವರ ಆಕ್ರೋಶ ತಾರಕಕ್ಕೆ ಏರಿದೆ.
ಯುವರಾಣಿಯನ್ನು ಸಿಂಹಾಸನದಿಂದ ಕೆಳಗೆ ಇಳಿಸುವ ಪ್ರಯತ್ನದಲ್ಲಿ ಹೋರಾಟವೇ ನಡೆದಿದೆ. ಆ ಸ್ಥಾನ ನನ್ನದು ಅಂತ ರೊಚ್ಚಿಗೆದ್ದ ರಾಜ ಮಂಜು ಹನುಮಂತನನ್ನ ಮೇಲೆತ್ತಿ ಕುಕ್ಕಿದ್ದಾರೆ. ಯುವರಾಣಿಯ ಆಗಮನದ ನಂತರ ಇನ್ನೂ ಏನೇನೆಲ್ಲಾ ನಡೀತು, ರಾಜನ ವಿರುದ್ಧ ಯಾರೆಲ್ಲಾ ದಂಗೆ ಎದ್ದು ಯುವರಾಣಿಗೆ ಬೆಂಬಲವಾದ್ರು ಅನ್ನೋದನ್ನ ಇವತ್ತಿನ ಎಪಿಸೋಡ್ ನಲ್ಲಿ ನೋಡಬಹುದಾಗಿದೆ.
