Bigg Boss : ಬಿಗ್ ಬಾಸ್ (Bigg Boss) ಮನೆಯ ಈ ವಾರದ ಕ್ಯಾಪ್ಟನ್ ಆಗಿ ಟಾಸ್ಕನಾಗಿದ್ದು ಆಯ್ಕೆಯಾಗಿದ್ದಾರೆ ಹನುಮಂತ. ಕ್ಯಾಪ್ಟನ್ ಆದ ಕೂಡಲೇ ಹನುಮಂತನಿಗೆ (Hanumantha) ಬಿಗ್ ಬಾಸ್ ಹೊಸದೊಂದು ಟಾಸ್ಕನ್ನು ನೀಡಿದ್ದಾರೆ. ಮನೆಯ ಸದಸ್ಯರಲ್ಲಿ ಮೂವರನ್ನು ನಾಮಿನೇಟ್ ಮಾಡಲು ಬಿಗ್ ಬಾಸ್ ಸೂಚಿಸಿದ್ದು, ಹನುಮಂತ ಮೂವರ ಹೆಸರನ್ನು ತೆಗೆದುಕೊಂಡಿದ್ದು ತನ್ನ ಕಾರಣಗಳನ್ನು ಕೊಟ್ಟು ನಾಮಿನೇಟ್ ಮಾಡಿದ್ದಾರೆ.
ಹನುಮಂತ ಮಾಡಿದ ನಾಮಿನೇಷನ್ ಮನೆಯಲ್ಲೊಂದು ಅಸಮಾಧಾನಕ್ಕೆ ಕಾರಣವಾಗಿದೆ. ಮೂವರು ಸಿಟ್ಟಾಗಿದ್ದಾರೆ. ಹನುಮಂತ ಮಾನಸ, ಗೋಲ್ಡ್ ಸುರೇಶ್ (Gold Suresh) ಮತ್ತು ಭವ್ಯ ಗೌಡ ಅವರ ಹೆಸರನ್ನು ನಾಮಿನೇಷನ್ ಗೆ ಆಯ್ಕೆ ಮಾಡಿದ್ದಾರೆ. ಆದರೆ ನಾಮಿನೇಷನ್ ಗೆ ಅವರು ನೀಡಿದ ಕಾರಣಕ್ಕೆ ನಾಮಿನೇಟ್ ಆದ ಮೂವರು ಅಸಮಾಧಾನಗೊಂಡಿದ್ದಾರೆ.
ಹನುಮಂತ ಮೊದಲಿಗೆ ಗೋಲ್ಢ್ ಸುರೇಶ್ ಹೆಸರನ್ನು ಹೇಳಿ ಆತ ಅಲ್ಲಲ್ಲಿ ಕೋಳಿಯಂತೆ ಮಲಗಿಕೊಂಡೆ ಇರ್ತಾನೆ ಎಂದು ಹೇಳಿದ್ದಾರೆ. ಭವ್ಯ ಗೌಡ (Bhavya Gowda) ಅವರು ಯಾವುದರಲ್ಲೂ ಹೆಚ್ಚು ಭಾಗವಹಿಸಿಲ್ಲ ಎನ್ನುವ ಕಾರಣವನ್ನು ಕೊಟ್ಟು, ಮಾನಸ ಅವರು ಒಂತರಾ ಬಾಂಬ್ ಇದ್ದಂತೆ ಸೌಂಡ್ ಮಾಡುವಾಗ ಟುಸಕ್ ಅನ್ನುತ್ತೆ ಅನ್ನೋ ಕಾರಣವನ್ನು ಕೊಟ್ಟು ನಾಮಿನೇಷನ್ ಮಾಡಿದ್ದಾರೆ.
ಹನುಮಂತ ಕೊಟ್ಟ ಕಾರಣದಿಂದ ಅಸಮಾಧಾನಗೊಂಡ ಭವ್ಯ ಗೌಡ ನೀವು ಕೊಟ್ಟಿರುವ ಕಾರಣ ಚೆನ್ನಾಗಿಲ್ಲ ಎಂದು ಹೇಳಿದ್ದಾರೆ. ಮಾನಸ (Manasa) ಕಣ್ಣೀರನ್ನು ಹಾಕಿ ನಿನ್ನಂಥ ಗೇಮ್ ಪ್ಲಾನರ್ ಮನೆಯಲ್ಲಿ ಯಾರೂ ಇಲ್ಲ ಅಂತ ಹನುಮಂತನ ಮೇಲೆ ಕೋಪವನ್ನು ವ್ಯಕ್ತಪಡಿಸಿದ್ದಾರೆ. ಚೈತ್ರ ಕುಂದಾಪುರ ಮತ್ತು ಗೋಲ್ಡ್ ಸುರೇಶ್ ಮಾತನಾಡಿಕೊಂಡು ಹನುಮಂತ ಅಂದುಕೊಂಡ ಹಾಗೆ ಇಲ್ಲ ಅಂತ ಹೇಳಿದ್ದಾರೆ
