Bigg Boss 11 : ಬಿಗ್ ಬಾಸ್ ಮನೆಯ ಆಟದಲ್ಲಿ ಒಂದಷ್ಟು ನಿಯಮಗಳನ್ನು ಮನೆಯ ಪ್ರತಿಯೊಬ್ಬ ಸದಸ್ಯ ಕೂಡಾ ಪಾಲಿಸಲೇಬೇಕಾಗಿರುತ್ತದೆ. ಹಾಗೆ ಪಾಲಿಸದೇ ಹೋದಲ್ಲಿ ಅಂತಹವರಿಗೆ ಶಿಕ್ಷೆಯನ್ನು ಸಹಾ ವಿಧಿಸಲಾಗುತ್ತೆ. ಆದರೆ ಈಗ ಬಿಗ್ ಬಾಸ್ ಸೀಸನ್ 11 (Bigg Boss 11) ರಲ್ಲಿ ಮನೆ ಮಂದಿ ಮನೆಯ ಒಂದು ಬಹಳ ಮುಖ್ಯವಾದ ನಿಯಮವನ್ನು ಉಲ್ಲಂಘಿಸಿ ಬಿಗ್ ಬಾಸ್ ಕೋಪಕ್ಕೆ ಗುರಿಯಾಗಿದ್ದಾರೆ.
ಬಿಗ್ ಬಾಸ್ ಮನೆಯಲ್ಲಿ ಟಾಸ್ಕ್ ಗಾಗಿ (ಬಿಗ್ ಬಾಸ್ ಟಾಸ್ಕ್) ತಯಾರಿಯನ್ನು ನಡೆಸುವುದಕ್ಕಾಗಿ ಪರದೆಯನ್ನು ಇಳಿ ಬಿಡಲಾಗಿತ್ತು. ಆದರೆ ಕೆಲವು ಸ್ಪರ್ಧಿಗಳು ಆ ಪರದೆಯ ಹಿಂದೆ ಹೋಗಿ ಟಾಸ್ಕ್ ತಯಾರಿಯನ್ನು ಕದ್ದು ಮುಚ್ಚಿ ನೋಡಿಕೊಂಡು ಒಳಗೆ ಬಂದಿದ್ದಾರೆ.
ಹಾಗೆ ನೋಡಿ ಬಂದ ಮಾನಸ (Manasa) ಅವರು ಶಿಶಿರ್‌ (Shishir) ಬಳಿ, ಬೆಲ್ಟ್‌ ಕಟ್ಟಿಕೊಂಡು ಓಡೋ ಥರ ಗೇಮ್ ಅದು ಎಂದಿದ್ದಾರೆ. ಈ ಚಟುವಟಿಕೆಯು ಬಿಗ್ ಬಾಸ್ ಗಮನಕ್ಕೆ ಬಂದಿದ್ದು, ಕೂಡಲೇ ಘೋಷಣೆ ಆಗಿದ್ದು, ಮನೆ ಮಂದಿಗೆ ಕಠಿಣ ಶಿಕ್ಷೆಯನ್ನು ಸಹಾ ನೀಡಿದ್ದಾರೆ ಬಿಗ್ ಬಾಸ್.
ಲೈನ್ಸ್‌ ಡೌನ್‌ ಆಗಿದ್ದಾಗ, ಅದರಿಂದ ಆಚೆಗೆ ಯಾರೂ ಇಣುಕಿ ನೋಡಬಾರದು ಎನ್ನುವುದು ಈ ಮನೆಯ ತುಂಬ ಮುಖ್ಯವಾದ ನಿಯಮ. ಈಗಷ್ಟೇ ಈ ನಿಯಮವನ್ನು ಉಲ್ಲಂಘಿಸಿದ್ದಾರೆ. ಈ ಕ್ಷಣದಿಂದ ಮನೆಯ ಎಲ್ಲಾ ಸದಸ್ಯರನ್ನು ಬಿಗ್ ಬಾಸ್ ನಾಮಿನೇಟ್‌ ಮಾಡುತ್ತಿದ್ದಾರೆ ಎಂದು ಬಿಗ್ ಬಾಸ್ ಮನೆ ಮಂದಿಗೆ ತಿಳಿಸಿದ್ದಾರೆ.
Bigg Boss 11 ಯಮುನಾ ಹೊರಗೆ ಬರ್ತಿದ್ದ ಹಾಗೆ ವೈಲ್ಡ್ ಕಾರ್ಡ್ ಸ್ಪರ್ಧಿ ಎಂಟ್ರಿ? ಶುರುವಾಯ್ತು ಹೊಸ ಚರ್ಚೆ
