Bigg Boss 11 : ಬಿಗ್ ಬಾಸ್ (Bigg Boss 11 ) ಮನೆಯ ಈ ವೀಕೆಂಡ್ ಪಂಚಾಯಿತಿಯನ್ನು ನಡೆಸೋದಕ್ಕೆ ಯೋಗರಾಜ್ ಭಟ್ (Yogaraj Bhat) ಅವರು ದೊಡ್ಮನೆಗೆ ಎಂಟ್ರಿಯನ್ನು ನೀಡಿದ್ದಾರೆ. ಮನೆಯ ಸದಸ್ಯರಿಗೆ ಕೀ ಕೊಡೋದಕ್ಕೆ ಭಟ್ರು ಮನೆ ಒಳಗೆ ಕಾಲಿಟ್ಟಿದ್ದಾರೆ ಅಂತಾನೇ ಹೇಳಲಾಗಿದೆ. ಈ ವೀಕೆಂಡ್ ನಲ್ಲಿ ಕಿಚ್ಚ ಸುದೀಪ್ ಈ ವಾರ ಪಂಚಾಯಿತಿ ನಡೆಸೋಕೆ ಬರೋದಿಲ್ಲ.
ತಾಯಿ ನಿಧನದ ದುಃಖದಲ್ಲಿರುವ ಕಿಚ್ಚ ಸುದೀಪ್ (Kichcha Sudeep) ಅವರ ಬದಲಾಗಿ ವೀಕೆಂಡ್ ಪಂಚಾಯ್ತಿ ನಡೆಸುವ ಕೆಲಸವನ್ನ ಯೋಗರಾಜ್ ಭಟ್ ಹೆಗಲ ಮೇಲೆ ಹೊರೆಸಿದ್ದಾರೆ ಬಿಗ್ ಬಾಸ್. ಯೋಗರಾಜ ಭಟ್ರು ದೊಡ್ಮನೆಗೆ ಉತ್ತರ ಕರ್ನಾಟಕದವರ ಹಾಗೆ ಡ್ರೆಸ್ ತೊಟ್ಟು ಬಂದಿದ್ದಾರೆ.
ವಾಹಿನಿ ಶೇರ್ ಮಾಡಿರೋ ಪ್ರೊಮೊದಲ್ಲಿ ನೋಡಿದಾಗ ಭಟ್ರು ಮನೆಯಲ್ಲಿ ಸಿಂಗರ್ ಹನುಮಂತನ (Singer Hanumantha) ಮೂಲಕವೇ ಎಲ್ಲರಿಗೂ ಸರಿಯಾಗಿಯೇ ಕ್ಲಾಸ್ ಮಾಡಿದ ಹಾಗೆ ಕಾಣ್ತಿದೆ.ಈ ವೀಕೆಂಡ್ ನ ಪಂಚಾಯ್ತಿ ಖಂಡಿತ ಬಹಳ ವಿಶೇಷವಾಗಿರುತ್ತೆ ಎನ್ನುವ ನಿರೀಕ್ಷೆ ಇದೆ.
ಈ ವಾರ ದೊಡ್ಮನೆಯಲ್ಲಿ ಸಾಕಷ್ಟು ಸರ್ಪ್ರೈಸ್ ಗಳು ನಡೆದಿವೆ. ಹನುಮಂತನ ಎಂಟ್ರಿ, ಮನೆಗೆ ಇಬ್ಬರು ಕ್ಯಾಪ್ಟನ್ ಗಳು ಹಾಗೂ ರಾಧಾ ಹಿರೇಗೌಡರ್ ಅವರ ಎಂಟ್ರಿ, ಜನ ಸಾಮಾನ್ಯರ ಜನತಾ ದರ್ಶನ ಹೀಗೆ ಸಾಲು ಸಾಲು ಸರ್ಪ್ರೈಸ್ ಗಳು ಎಲ್ಲರ ಗಮನವನ್ನು ಸೆಳೆದಿವೆ.
