Bigg Boss Kannada : ಬಿಗ್ ಬಾಸ್ (Bigg Boss Kannada) ಮನೆಯಲ್ಲಿ ಚೈತ್ರ ಕುಂದಾಪುರ (Chaithra Kundapur) ತಮ್ಮ ಮಾತಿನಿಂದಲೇ ಜನಪ್ರಿಯತೆ ಪಡೆದುಕೊಂಡಿದ್ದಾರೆ. ಆದರೆ ಇದೇ ವೇಳೆ ಚೈತ್ರ ಫಿಸಿಕಲ್ ಟಾಸ್ಕ್ ಗಳಲ್ಲಿ ಅಷ್ಟೇನೂ ಇಲ್ಲ ಎನ್ನುವ ಮಾತನ್ನ ಮನೆ ಮಂದಿ ಈಗಾಗಲೇ ಸಾಕಷ್ಟು ಸಲ ಹೇಳಿದ್ದಾರೆ. ಚೈತ್ರಾಗೆ ಬಹಳಷ್ಟು ಟಾಸ್ಕ್ ಗಳಲ್ಲಿ ಉಸ್ತುವಾರಿ ಜವಾಬ್ದಾರಿಯನ್ನೇ ಮನೆ ಮಂದಿ ನೀಡ್ತಾರೆ ಅನ್ನೋದು ಕೂಡಾ ನಿಜವಾದ ಮಾತಾಗಿದೆ.
ಆದರೆ ಈಗ ಚೈತ್ರ ಈ ವಿಚಾರಕ್ಕೆ ಕಣ್ಣೀರನ್ನ ಹಾಕಿದ್ದಾರೆ. ಈ ವಾರದ ಟಾಸ್ಕ್ ಗಳಲ್ಲಿ ಗೌತಮಿ ಅವರ ಟೀಮ್ ಸೋತು ಸುಣ್ಣವಾಗಿರೋ ಹಾಗಿದೆ. ಇನ್ನೊಂದು ಕಡೆ ಹನುಮಂತನ ಟೀಮ್ ಗೆದ್ದು ಬೀಗಿರೋ ಹಾಗೆ ಕಾಣ್ತಾ ಇದೆ. ವಾಹಿನಿ ಶೇರ್ ಮಾಡಿದ ಪ್ರೊಮೊದಲ್ಲಿ ಇದು ಸ್ಪಷ್ಟವಾಗಿ ಕಂಡಿದೆ.
ಇದೇ ವೇಳೆ ಚೈತ್ರ ಅವರು ನನಗೆ ಆಡೋಕೆ ಬಿಡಲ್ಲ ಬರೀ ಉಸ್ತುವಾರಿ ಕೊಡ್ತಾರೆ ಅಂತ ಅತ್ತು ಗೋಳಾಡಿರೋದು ಕಂಡಿದೆ. ಗೌತಮಿ (Gouthami) ಚೈತ್ರಾಗೆ ನೀವು ಆಡ್ತೀನಿ ಅಂದಾಗ ನಾನು ನಿಮ್ಮನ್ನ ಕೂರ್ಸಲ್ಲ ಅಂತ ಹೇಳಿರೋದು ಸಹಾ ಪ್ರೊಮೊದಲ್ಲಿ ಕಂಡಿದೆ.
ಇನ್ನು ಗೌತಮಿ ಅವರು ತಮ್ಮ ತಂಡದಿಂದ ಕ್ಯಾಪ್ಟನ್ಸಿ ಓಟದಿಂದ ಹೊರಗಿಡೋ ಸ್ಪರ್ಧಿಗಳ ವಿಚಾರದಲ್ಲಿ ಚೈತ್ರ ಅವರ ಹೆಸರನ್ನು ಕೊನೆಯಲ್ಲಿ ತಗೊಂಡಿದ್ದಾರೆ. ಆದ್ರೂ ಸಹಾ ಚೈತ್ರ ಅವರ ಕಣ್ಣೀರು ಹಾಕ್ತಿರೋದು ಯಾಕೆ ಅನ್ನೋದನ್ನ ಇವತ್ತಿನ ಎಪಿಸೋಡ್ ನಲ್ಲೇ ನೋಡಬೇಕಾಗಿದೆ.
Bigg Boss: ಟೇಕಾಫ್ ಆಗಿದೆ, ಕೆಳಗಿಳಿಯಲ್ಲ; ಮಂಜುಗೆ ಮತ್ತೊಂದು ಎಚ್ಚರಿಕೆ ಕೊಟ್ಟ ಗೌತಮಿ