Bigg Boss : ಬಿಗ್ ಬಾಸ್ (Bigg Boss) ಮನೆಯಲ್ಲಿ ಹೊಸದೊಂದು ಟಾಸ್ಕ್ ಅನ್ನ ನೀಡಲಾಗಿದೆ. ಈ ಟಾಸ್ಕ್ ಆದ್ರೂ ಸುಂದರವಾಗಿ, ಮನರಂಜನೆಯಿಂದ ಕೂಡಿರುತ್ತೆ ಎಂದು ನಿರೀಕ್ಷೆ ಮಾಡಿದ್ದ ಪ್ರೇಕ್ಷಕರಿಗೆ ಮತ್ತೊಮ್ಮೆ ಅಸಮಾಧಾನವೇ ಎದುರಾಗಿದೆ. ಏಕೆಂದರೆ ಈ ಆಟ ಕೂಡಾ ಮನೆಯಲ್ಲಿ ದೊಡ್ಡ ಜಗಳಕ್ಕೆ ಕಾರಣವಾಗಿದ್ದು, ಭವ್ಯ ಗೌಡ (Bhavya Gowda) ಮತ್ತು ಉಗ್ರಂ ಮಂಜು (Ugram Manju) ನಡುವೆ ದೊಡ್ಡ ವಾಗ್ವಾದಕ್ಕೆ ಇದು ಕಾರಣವಾಗಿದೆ.
ಬಿಗ್ ಬಾಸ್ ಚಿತ್ರ ಚಿತ್ರಾನ್ನ ಅನ್ನೋ ಟಾಸ್ಕ್ ಒಂದನ್ನ ನೀಡಿದ್ದು, ಇದಕ್ಕಾಗಿ ಗೌತಮಿ ಮತ್ತು ಭವ್ಯ ಅವರ ನಾಯಕತ್ವದಲ್ಲಿ ತಂಡಗಳನ್ನು ರಚಿಸಲಾಗಿದೆ. ಈ ವೇಳೆ ಮಂಜು ಅವರು ಉಸ್ತುವಾರಿ ವಹಿಸಿದ್ದು ಅವರು ತಮ್ಮದೇ ಆದ ಕಾರಣಗಳನ್ನು ನೀಡಿ ಗೌತಮಿ ಅವರ ತಂಡ ಗೆದ್ದಿದೆ ಎಂದು ಘೋಷಣೆ ಮಾಡಿದ್ದಾರೆ. ಆದರೆ ಇದು ಗಲಾಟೆಗೆ ಕಾರಣವಾಗಿದೆ.
ಈ ವೇಳೆ ಭವ್ಯ ಗೌಡ ಅವರು ಉಗ್ರಂ ಮಂಜು ಅವರ ಗುಣ ಸರಿಯಿಲ್ಲ ಎಂದಿದ್ದಾರೆ. ಅದಕ್ಕೆ ಮಂಜು ಕೋಪದಿಂದ ಗುಣದ ಬಗ್ಗೆ ಮಾತನಾಡಬೇಡ ಅಂತ ಹೇಳಿದ್ದಾರೆ. ಬೇರೆ ಅವ್ರ ಆ್ಯಕ್ಟಿಂಗ್ ಬಗ್ಗೆ ಜಡ್ಜ್ ಮಾಡ್ತಾ ಇದ್ರಲ್ವ ಐದು ರೂಪಾಯಿ ಅಂತ ತಗೊಳ್ಳಿ ಹತ್ತು ರೂಪಾಯಿ ಹಾಕ್ತೀನಿ ನಿಮ್ಮದು ಅಂತ ಭವ್ಯ ಗೌಡ್ ಮಂಜು ಮೇಲೆ ಸಿಟ್ಟಾಗಿದ್ದಾರೆ.
ಮಂಜು ನಿನಗೆ ಆ ಅರ್ಹತೇನೇ ಇಲ್ಲ ಎಂದಿದ್ದು ಭವ್ಯ ಇನ್ನಷ್ಟು ಫೈರ್ ಆಗಿ ಬೇರೆ ಅವರ ಯೋಗ್ಯತೆ ಬಗ್ಗೆ ಮಾತಾಡ್ತಿರೋ ನಿಮ್ಮ ಯೋಗ್ಯತೆ ಏನು ಅಂತ ಕೂಡಾ ಮಂಜು ಅವರನ್ನು ಪ್ರಶ್ನೆ ಮಾಡಿದ್ದಾರೆ. ಮಂಜು ಮತ್ತು ಭವ್ಯ ನಡುವೆ ನಡೆದ ತೀವ್ರ ವಾಗ್ಯುದ್ಧ ವಾಹಿನಿ ಶೇರ್ ಮಾಡಿರೋ ಪ್ರೊಮೊದಲ್ಲಿ ಕಂಡಿದೆ. ಇದು ಯಾವ ಮಟ್ಟಕ್ಕೆ ಹೋಯ್ತು ಅನ್ನೋದನ್ನ ಇಂದಿನ ಎಪಿಸೋಡ್ ನಲ್ಲಿ ನೋಡಬೇಕಾಗಿದೆ.
