Bigg Boss Kannada : ಬಿಗ್ ಬಾಸ್ (Bigg Boss Kannada) ಮನೆಯಲ್ಲಿ ಈ ವಾರ ನೀಡಿದ ಟಾಸ್ಕ್ ಗಳಲ್ಲಿ ತಂಡಗಳ ಫಲಿತಾಂಶದ ಅನ್ವಯ ಟಾಸ್ಕ್ ನಲ್ಲಿ ಗೆದ್ದ ಉಗ್ರಂ ಮಂಜು, ಗೋಲ್ಡ್ ಸುರೇಶ್ ಮತ್ತು ಭವ್ಯ ಗೌಡ ಕ್ಯಾಪ್ಟನ್ಸಿ ಕಂಟೆಂಡರ್ ಕಾರ್ಡನ್ನು ಪಡೆದು ನೇರವಾಗಿ ಕ್ಯಾಪ್ಟನ್ ರೇಸ್ ಗೆ ಇಳಿದಿದ್ದಾರೆ. ಬಿಗ್ ಬಾಸ್ (BBK 11) ಮನೆಯ ಕ್ಯಾಪ್ಟನ್ ಹನುಮಂತನಿಗೆ ನೀಡಿದ ವಿಶೇಷ ಅಧಿಕಾರದ ಅನ್ವಯ ಸೋತ ಮೂರು ತಂಡಗಳಲ್ಲಿ ಒಬ್ಬೊಬ್ಬರನ್ನು ಹನುಮಂತ (Hanumantha) ಕ್ಯಾಪ್ಟನ್ ರೇಸ್ ನಿಂದ ಹೊರಗಡೆ ಹಾಕಿದ್ದಾರೆ. ಐಶ್ವರ್ಯ, ಗೌತಮಿ ಹಾಗೂ ಚೈತ್ರ ಕುಂದಾಪುರ ಹನುಮಂತನಿಂದ ಹೆಸರಿಸಲ್ಪಟ್ಟು ಕ್ಯಾಪ್ಟನ್ ರೇಸ್ ನಿಂದ ಹೊರಗೆ ಬಂದಿದ್ದಾರೆ
ಈಗ ಉಳಿದಿರುವ ಸ್ಪರ್ಧಿಗಳಲ್ಲಿ ಇಬ್ಬರನ್ನು ಕ್ಯಾಪ್ಟನ್ಸಿ ಟಾಸ್ಕ್ ನಿಂದ ಹೊರಗೆ ಇಡಬೇಕಾದ ಚಟುವಟಿಕೆಯನ್ನು ನೀಡಲಾಗಿದೆ. ಈ ಸಂದರ್ಭದಲ್ಲಿ ಸ್ಪರ್ಧಿಗಳು ಹೆಚ್ಚು ಟಾರ್ಗೆಟ್ ಮಾಡಿದ್ದು ಧನರಾಜ್ ಆಚಾರ್ (Dhanraj Achar) ಅವರನ್ನು. ಧನರಾಜ್ ಅವರು ಮೋಕ್ಷಿತಾ ಪೈ (Mokshitha Pai) ಮತ್ತು ಅನುಷಾ ರೈ (Anusha Rai) ಅವರ ಫೋಟೋಗಳನ್ನು ಹಾಕುವ ಮೂಲಕ ಅವರಿಗೆ ಕ್ಯಾಪ್ಟನ್ ಆಗೋಕೆ ಅರ್ಹತೆ ಇಲ್ಲ ಎಂದು ಹೇಳಿದ್ದಾರೆ.
ಇದರಿಂದ ಸಿಟ್ಟಿಗೆದ್ದ ಮೋಕ್ಷಿತಾ ಮತ್ತು ಅನುಷಾ ಧನರಾಜ್ ಮೇಲೆ ಕೂಗಾಡಿದ್ದಾರೆ. ವಾಹಿನಿ ಈ ಹೊಸ ಪ್ರೇಮೋವನ್ನು ಹಂಚಿಕೊಂಡಿದೆ. ಮಾತಿನ ಚಕಮಕಿ ನಡೆದಿದೆ. ಅನುಷಾ ಧನರಾಜ್ ಗೆ ಸಿಟ್ಟಿನ ಪ್ರತಿಕ್ರಿಯೆ ನೀಡುತ್ತಾ, ನಿಮಗಿಂತ ಜಾಸ್ತಿ ಅರ್ಹತೆ ನನಗಿದೆ ಅಂತ ತಿರುಗೇಟನ್ನ ಕೊಟ್ಟರೆ ಮೋಕ್ಷಿತಾ ಅವರು, ನೆಟ್ಟಗೆ ಒಂದು ಡಿಸಿಶನ್ ತೊಗೋಳಕ್ಕೆ ಬರಲ್ಲ, ಏನಾದ್ರೂ ಸೆನ್ಸ್ ಇದ್ಯಾ ತಲೆಯಲ್ಲಿ, ನಿಮ್ಮಂತವರು ಕ್ಯಾಪ್ಟನ್ ಅಂತ ತಿರುಗೇಟು ಕೊಟ್ಟಿದ್ದಾರೆ.
ಮಾತಾಡಕ್ಕೆ ಧೈರ್ಯನೇ ಇಲ್ಲದ ವ್ಯಕ್ತಿ ಅಂತ ಅನುಷಾ ಹೇಳಿದಾಗ, ಭಯಪಡೋ ಧನರಾಜ್ ಈಗ ಇಲ್ಲವೇ ಇಲ್ಲ ಅಂತ ಹೇಳಿದ್ದಾರೆ ಧನರಾಜ್. ಆದರೆ ಇಷ್ಟೆಲ್ಲಾ ಆದ್ಮೇಲೆ ಹನುಮಂತ ಹಾಗೂ ಭವ್ಯ ಗೌಡ ಮುಂದೆ ನಾನು ಇನ್ನೂ ಸ್ಟ್ರಾಂಗ್ ಆಗಬೇಕು ಅಂತ ಹೇಳಿಕೊಂಡು ಧನರಾಜ್ ಕಣ್ಣೀರನ್ನು ಸುರಿಸಿದ್ದಾರೆ. ಇದನ್ನ ನೋಡಿದ ಪ್ರೇಕ್ಷಕರು ಭಯಪಡೋ ವ್ಯಕ್ತಿ ನಾನಲ್ಲ ಅಂದಮೇಲೆ ಕಣ್ಣೀರು ಹಾಕೋದಾದ್ರು ಯಾಕೆ ಅಂತ ಸೋಶಿಯಲ್ ಮೀಡಿಯಾಗಳಲ್ಲಿ ಪ್ರಶ್ನೆ ಮಾಡ್ತಿದ್ದಾರೆ.
