Bigg Boss Kannada: ಹನುಮಂತ ಬಿಗ್ ಬಾಸ್ (Bigg Boss Kannada) ಮನೆಯಲ್ಲಿ ಅಕ್ಷರಶಃ ತನ್ನ ಆಟವನ್ನು ಆಡೋಕೆ ಶುರು ಮಾಡಿದ್ದಾನೆ. ದೊಡ್ಮನೆಗೆ ಹನುಮಂತ (Hanumantha) ಬಂದಾಗ ಎಂತಾ ಮುಗ್ಧ ಇವನು ಅಂತಿದ್ದೋರೆಲ್ಲಾ ಈಗ ಇವನು ಮುಗ್ಧ ಅಲ್ಲ ಅತಿ ಬುದ್ಧಿವಂತ ಅಂತಿದ್ದಾರೆ. ಅಲ್ದೇ ಹನುಮಂತನನ್ನ ಹೇಗೆ ಅರ್ಥ ಮಾಡಿಕೊಳ್ಳೋದು ಅಂತ ಕೆಲವರು ಅಂದ್ರೆ , ಮತ್ತೆ ಕೆಲವರು ಹನುಮಂತ ಬಿಗ್ ಬಾಸ್ ಮನೇಲಿ ಆಳ್ವಿಕೆ ಮಾಡ್ತಾ ಇದ್ದಾನೆ ಅಂತ ಕೂಡಾ ಕಾಮೆಂಟ್ ಗಳನ್ನ ಮಾಡ್ತಾ ಇದ್ದಾರೆ.
ಹನುಮಂತ ಬಿಗ್ ಬಾಸ್ (BBK 11) ಮನೇಲಿ ಆಡ್ತಿರೋ ಆಟದ ಹೊಸ ಪ್ರೊಮೊನ ವಾಹಿನಿ ಶೇರ್ ಮಾಡಿದ್ದು, ಹನುಮಂತನ ಆಟ ನೋಡಿ ಮನೆ ಮಂದಿ ಮಾತ್ರವೇ ಅಲ್ಲ ವೀಕ್ಷಕರು ಕೂಡಾ ದಂಗಾಗಿದ್ದಾರೆ. ನಿನ್ನೆ ಎಲ್ಲಾ ಕ್ಯಾಪ್ಟನ್ಸಿ ಬೋರಾಗಿದೆ ಅಂತ ಹೇಳ್ತಿದ್ದ ಹನುಮಂತ ಇವತ್ತು ಟಾಸ್ಕ್ ಅನ್ನ ಸಿಕ್ಕಾಪಟ್ಟೆ ಜೋಶ್ ನಿಂದ ಆಡ್ತಿರೋದು ಖಂಡಿತ ಶಾಕಿಂಗ್ ಎನಿಸಿದೆ.
ಜಾರ್ ನಲ್ಲಿ ನೀರನ್ನು ಹಿಡಿದು ನಡೆಯುವ ಟಾಸ್ಕ್ ನಲ್ಲಿ ಯಾವ ಸ್ಪರ್ಧಿಯ ಜಾರ್ ನಲ್ಲಿ ನೀರು ಇರೋದಿಲ್ವೋ ಆ ಸದಸ್ಯ ಔಟ್ ಅಂತ ಹೇಳಲಾಗಿದೆ. ಹನುಮಂತ ಈ ಟಾಸ್ಕ್ ನಲ್ಲಿ ಜಾರ್ ಹಿಡಿದು ನಡೆಯುತ್ತಿದ್ದವರನ್ನು ಗುದ್ದಿ ಅವರ ಜಾರ್ ಗಳು ಕೆಳಗೆ ಬೀಳುವಂತೆ, ನೀರು ಚೆಲ್ಲುವಂತೆ ಮಾಡಿದ್ದು, ಇದು ಮನೆ ಮಂದಿಗೆ ಸಿಟ್ಟನ್ನ ತರಿಸಿದೆ. ಕೆಲವರು ಹನುಮಂತನ ಮೇಲೆ ರೇಗಾಡಿದ್ದಾರೆ.
ಐಶ್ವರ್ಯ (Aishwarya) ಹನುಮಂತ ಎಲ್ಲರನ್ನ ಟಾರ್ಗೆಟ್ ಮಾಡ್ತಾ ಇದ್ದಾನೆ ಅಂದ್ರೆ ತ್ರಿವಿಕ್ರಮ್ ಹನುಮಂತನ ಆಟಕ್ಕೆ ಮೆಚ್ಚುಗೆ ಕೊಟ್ಟಿದ್ದಾರೆ. ಭವ್ಯ (Bhavya Gowda) ಸಿಕ್ಕಾಪಟ್ಟೆ ಸಿಟ್ಟಾಗಿದ್ದಾರೆ, ನಾನು ಒದ್ರೆ ಹೇಗಿರುತ್ತೆ ಅಂತ ಹನುಮಂತನಿಗೆ ಎಚ್ಚರಿಕೆ ಕೊಟ್ಟಿದ್ದಾರೆ. ಆದ್ರೆ ಹನುಮಂತ ಮಾತ್ರ ಧನರಾಜ್ ಹತ್ರ ನನ್ನ ಆಟ ನಾನು ಆಡ್ತಿದ್ದೀನಿ ಅಂತ ಹೇಳಿದ್ದಾರೆ. ಈ ಟಾಸ್ಕ್ ಗೆದ್ದು ಹನುಮಂತ ಮತ್ತೆ ಕ್ಯಾಪ್ಟನ್ ಆಗ್ತಾನಾ? ಕಾದು ನೋಡಬೇಕಾಗಿದೆ.
Samantha : ಕೆಲವೊಂದು ತಪ್ಪುಗಳನ್ನು ಮಾಡಿದ್ದೇನೆ, ಮಾತಿಂದಲೇ ಮತ್ತೊಮ್ಮೆ ಫ್ಯಾನ್ಸ್ ಮನಗೆದ್ದ ಸಮಂತಾ
