Pushpa 2 : ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ (Allu Arjun) ಅವರ ಪುಷ್ಪ (Pushpa) ಸಿನಿಮಾದ ಯಶಸ್ಸು ಒಂದು ಕಡೆಯಾದರೆ ಈ ಸಿನಿಮಾದಲ್ಲಿ ಸಮಂತಾ (Samantha) ಹೆಜ್ಜೆ ಹಾಕಿದ್ದ ಐಟಂ ಸಾಂಗ್ ನ ಗತ್ತು ಇನ್ನೊಂದು ಕಡೆ ಇಡೀ ದೇಶದಲ್ಲಿ ಸಂಚಲನ ಸೃಷ್ಟಿಸಿತ್ತು. ಊಂ ಅಂಟಾವಾ ಮಾವ ಹಾಡು ದೊಡ್ಡ ಬಿರುಗಾಳಿಯನ್ನು ಎಬ್ಬಿಸಿತ್ತು. ಸಿನಿಮಾದ ನಾಯಕಿ ರಶ್ಮಿಕಾಗಿಂತ (Rashmika) ಒಂದು ಹಾಡಿಗೆ ಹೆಜ್ಜೆ ಹಾಕಿ ಸಮಂತಾ ಸಿಕ್ಕಾಪಟ್ಟೆ ಕ್ರೇಜ್ ಅನ್ನು ಹುಟ್ಟು ಹಾಕಿದ್ದರು. ಪುಷ್ಪ ಸಿನಿಮಾದಲ್ಲಿ ಐಟಂ ಸಾಂಗ್ ಅಷ್ಟು ದೊಡ್ಡ ಸದ್ದು ಮಾಡಿದ್ದರಿಂದ ಸಹಜವಾಗಿಯೇ ಪುಷ್ಪ 2 ನ ಐಟಂ ಸಾಂಗ್ ಬಗ್ಗೆ ಕೂಡಾ ಸಾಕಷ್ಟು ವಿಷಯಗಳು ಸುದ್ದಿಯಾದವು.
ಪುಷ್ಪ 2 (Pushpa 2) ನಲ್ಲಿ ಅಲ್ಲು ಅರ್ಜುನ್ ಜೊತೆ ಯಾರು ಹೆಜ್ಜೆ ಹಾಕ್ತಾರೆ ಅನ್ನೋ ವಿಷಯವಾಗಿ ಸುದ್ದಿಗಳಾದಾಗ ಅದರಲ್ಲಿ ಸಮಂತಾ, ದಿಶಾ ಪಾಟ್ನಿ, ನೋರಾ ಫತೇಹಿ, ಶ್ರದ್ಧಾ ಕಪೂರ್, ಜಾಕ್ವೆಲಿನಾ ಫರ್ನಾಂಡೀಸ್ ಹೀಗೆ ಸಾಲು ಸಾಲು ನಟಿಯರ ಹೆಸರುಗಳ ಓಡಾಡಿದ್ದವು. ಆದರೆ ಈಗ ಕೊನೆಗೆ ಕಿಸ್ ಬೆಡಗಿ ಶ್ರೀಲೀಲಾ ಅಲ್ಲು ಅರ್ಜುನ್ ಜೊತೆ ಸೊಂಟ ಬಳಕಿಸುತ್ತಾರೆ ಎನ್ನಲಾಗಿದೆ.
ಶ್ರೀಲೀಲಾ (Sreeleela) ತೆಲುಗಿನಲ್ಲಿ ಸಾಲು ಸಾಲು ಸಿನಿಮಾಗಳನ್ನು ಮಾಡುತ್ತಾ ಭರ್ಜರಿ ಜನಪ್ರಿಯತೆಯನ್ನು ಪಡೆದುಕೊಂಡಿದ್ದಾರೆ. ನಟಿಯ ಸಿನಿಮಾಗಳು ಸೋತರು ಬೇಡಿಕೆ ಮಾತ್ರ ಕಡಿಮೆಯಾಗಿಲ್ಲ. ಈಗ ಪುಷ್ಟ 2 ಸಿನಿಮಾದಲ್ಲಿ ಐಟಂ ಹಾಡಿಗೆ ಹೆಜ್ಜೆ ಹಾಕಲಿರುವ ಶ್ರೀಲೀಲಾ ಈ ಹಾಡಿಗೆ ಹೆಜ್ಜೆ ಹಾಕಲು ಪಡೆಯುತ್ತಿರುವ ಸಂಭಾವನೆಯ ವಿಚಾರವೀಗ ಎಲ್ಲರ ಗಮನವನ್ನು ಸೆಳೆಯುತ್ತಿದೆ.
ಶ್ರೀಲೀಲಾ ಐಟಂ ಹಾಡಿಗೆ ಮೂರು ದಿನಗಳ ಕಾಲ್ ಶೀಟ್ ನೀಡಿದ್ದು ಬರೋಬ್ಬರಿ ಎರಡು ಕೋಟಿ ರೂಪಾಯಿಗಳ ಸಂಭಾವನೆ ಪಡೆಯುತ್ತಿದ್ದಾರೆ ಎಂದು ಸುದ್ದಿಯಾಗಿದೆ. ನಟಿ ಶ್ರದ್ಧಾ ಕಪೂರ್ ಅವರು ಸ್ತ್ರೀ 2 ನಂತರ ಸಂಭಾವನೆ ಏರಿಸಿಕೊಂಡಿದ್ದು, ಐಟಂ ಹಾಡಿಗೆ ಹೆಜ್ಜೆ ಹಾಕಲು ಬರೋಬ್ಬರಿ 5 ಕೋಟಿ ಕೇಳಿದ್ದರಿಂದ ಶ್ರದ್ಧಾ ಬದಲಾಗಿ ಚಿತ್ರತಂಡ ಶ್ರೀಲೀಲಾಗೆ ಮಣೆ ಹಾಕಿದೆ.
BBK 11 : ಆಟ ಗೆಲ್ಲೋಕೆ ಪಾಸಿಟಿವಿಟಿ ಅನ್ನೋದನ್ನ ಪಕ್ಕಕ್ಕಿಟ್ರಾ ಗೌತಮಿ? ಹನುಮಂತನ್ನ ಹೊಗಳಿ ಆಮೇಲೆ ಹೀಗಾ ಮಾಡೋದು
