Pushpa 2 : ಪುಷ್ಪ 2 (Pushpa 2)ಸಿನಿಮಾದ ಟ್ರೇಲರ್ ನೋಡಿ ಮಾಸ್ ಸಿನಿಮಾ ಅಭಿಮಾನಿಗಳು ಸಿಕ್ಕಾಪಟ್ಟೆ ಖುಷಿಯಾಗಿದ್ದಾರೆ. ಟ್ರೇಲರ್ ಈಗಾಗಲೇ ಸೋಶಿಯಲ್ ಮೀಡಿಯಾಗಳಲ್ಲಿ ಧೂಳೆಬ್ಬಿಸಿ ವೈರಲ್ ಆಗುತ್ತಿದೆ. ಟ್ರೇಲರ್ ನಲ್ಲಿ (Pushpa 2 Trailer ) ತೋರಿಸಲಾಗಿರುವ ವಿಷಯಗಳು ಕುತೂಹಲವನ್ನು ಕೆರಳಿಸುವ ಜೊತೆಗೆ ಒಂದಷ್ಟು ರಹಸ್ಯಗಳನ್ನು ಕೂಡಾ ಒಳಗೊಂಡಿದೆ. ಇದನ್ನ ನೋಡಿದ ಅಭಿಮಾನಿಗಳು ಮತ್ತು ಸಿನಿ ಪ್ರೇಮಿಗಳು ಸಿನಿಮಾದ ಕಥೆಯನ್ನು ಊಹೆ ಮಾಡುವ ಪ್ರಯತ್ನವನ್ನು ಮಾಡುತ್ತಿದ್ದಾರೆ.
ಟ್ರೇಲರ್ ನಲ್ಲಿ ಚಿತೆಯೊಂದು ಉರಿಯುವ ದೃಶ್ಯ ಎಲ್ಲರ ಗಮನವನ್ನು ವಿಶೇಷವಾಗಿ ಸೆಳೆಯುತ್ತಿದೆ. ಈ ದೃಶ್ಯವನ್ನು ನೋಡಿದ ಮೇಲೆ ಅನೇಕರು ಚಿತೆಯ ಮೇಲೆ ಉರಿಯುತ್ತಿರುವುದು ಯಾವ ದೇಹ ಎನ್ನುವ ಪ್ರಶ್ನೆ ಮಾಡಿದ್ದಾರೆ ಮತ್ತು ಒಂದಷ್ಟು ಚರ್ಚೆಗಳನ್ನು ಸಹಾ ಮಾಡುತ್ತಿದ್ದಾರೆ. ಬಹಳಷ್ಟು ಜನ ಈ ಸಿನಿಮಾದ ಕೊನೆಗೆ ಪುಷ್ಪರಾಜ್ ಪಾತ್ರಕ್ಕೆ ಗುಡ್ ಬೈ ಹೇಳ್ತಾರಾ ಎನ್ನುತ್ತಿದ್ದಾರೆ.
ಈ ವಿಚಾರವಾಗಿ ಸಿನಿ ಪ್ರೇಮಿಗಳಲ್ಲಿ ಎರಡು ಅಭಿಪ್ರಾಯಗಳು ಹೊರ ಬಂದಿದೆ. ಒಂದು ವರ್ಗವು ಬಹುಶಃ ಸಿನಿಮಾದಲ್ಲಿ ನಾಯಕ ಅಲ್ಲು ಅರ್ಜುನ್ (Allu Arjun) ಪಾತ್ರವನ್ನು ಸಾಯಿಸಬಹುದು ಎಂದರೆ ಇನ್ನೊಂದು ವರ್ಗ ಹಾಗಲ್ಲ ಪಾತ್ರ ಸತ್ತಿದೆ ಎನ್ನುವುದನ್ನು ವಿಲನ್ ಗಳಿಗೆ ನಂಬಿಸುವುದಕ್ಕೆ ನಕಲಿ ಸಾವಿನ ಸನ್ನಿವೇಶವನ್ನು ಸೃಷ್ಟಿಸುವ ಕಥೆ ಇರಬೇಕೆಂದು ಹೇಳುತ್ತಿದ್ದಾರೆ.
ಮತ್ತೊಂದು ಕಡೆ ನಾಯಕಿ ಶ್ರೀವಲ್ಲಿ (Srivalli) ಪಾತ್ರ ಸಾಯಬಹುದು ಎಂದರೆ ಇನ್ನೊಂದು ಕಡೆ ಬಹುಶಃ ನಾಯಕ ಪುಷ್ಪ ರಾಜ್ ತಾಯಿ ಸಾಯಬಹುದು ಎನ್ನುವ ಅಭಿಪ್ರಾಯಗಳು ಸಹಾ ಕೇಳಿ ಬರುತ್ತಿದೆ. ಒಟ್ಟಿನಲ್ಲಿ ಈ ಎಲ್ಲಾ ಅನುಮಾನಗಳು ಮತ್ತು ಪ್ರಶ್ನೆಗಳಿಗೆ ಸ್ಪಷ್ಟ ಉತ್ತರಕ್ಕಾಗಿ ಡಿಸೆಂಬರ್ ಐದರ ವರೆಗೆ ನಿರೀಕ್ಷೆ ಮಾಡಲೇಬೇಕಾಗಿದೆ.
