Dharma Kirthiraj : ಸ್ಯಾಂಡಲ್ವುಡ್ ನ ಹಿರಿಯ ನಟ ಕೀರ್ತಿ ರಾಜ್ ಅವರ ಪುತ್ರ ಧರ್ಮ ಕೀರ್ತಿರಾಜ್ (Dharma Kirthiraj) ಅವರು ಬಿಗ್ ಬಾಸ್ ಕನ್ನಡ ಸೀಸನ್ 11 ರಲ್ಲಿ (Bigg Boss Kannada 11) ಸ್ಪರ್ಧಿಯಾಗಿ 50 ದಿನಗಳಿಗೂ ಅಧಿಕ ಕಾಲ ಬಿಗ್ ಬಾಸ್ ಮನೆಯಲ್ಲಿದ್ದು ಅನಂತರ ಎಲಿಮಿನೇಟ್ ಆಗಿ, ಕಳೆದ ವೀಕೆಂಡ್ ನಲ್ಲಷ್ಟೇ ಅವರು ಮನೆಯಿಂದ ಹೊರಗೆ ಬಂದಿದ್ದಾರೆ. ಧರ್ಮ ಅವರು ಎಲಿಮಿನೇಟ್ ಆಗಿರುವುದು ಅನೇಕರಿಗೆ ಬೇಸರವನ್ನು ಮೂಡಿಸಿದೆ.
ಸೀಸನ್ ಅರ್ಧ ಮುಗಿದ ನಂತರ ಎಲಿಮಿನೇಟ್ ಆಗಿರುವ ಧರ್ಮ ಕೀರ್ತಿರಾಜ್ ಅವರಿಗೆ ಸುಮಾರು ಎರಡು ಲಕ್ಷಕ್ಕಿಂತಲೂ ಅಧಿಕ ಮೌಲ್ಯದ ಬಹುಮಾನಗಳನ್ನು ಪಡೆದುಕೊಂಡಿದ್ದಾರೆ. ಇನ್ನು ಬಿಗ್ ಬಾಸ್ ಮನೆಗೆ ಬರುವ ಪ್ರತಿಯೊಬ್ಬ ಸ್ಪರ್ಧಿಗೂ ಸಹಾ ಇಂತಿಷ್ಟು ಅಂತ ಸಂಭಾವನೆಯನ್ನು ನಿಗಧಿ ಮಾಡಲಾಗಿರುತ್ತದೆ.
ಬಿಗ್ ಬಾಸ್ ಗೆ (BBK 11) ಬರುವ ಸ್ಪರ್ಧಿಗಳ ಜನಪ್ರಿಯತೆಯ ಆಧಾರದ ಮೇಲೆ ಅವರ ಸಂಭಾವನೆಯನ್ನು ನಿಗಧಿ ಪಡಿಸಲಾಗುತ್ತದೆ. ಧರ್ಮ ಅವರು ತಮ್ಮ ಸಂಭಾವನೆಯ ವಿಚಾರವನ್ನು ಮಾತನಾಡಿದ್ದು, ಅವರು ಸಂಭಾವನೆಯ ಕುರಿತಾದ ಮಾಹಿತಿಯನ್ನು ರಿವೀಲ್ ಮಾಡುವ ಹಾಗಿಲ್ಲ ಎನ್ನುವ ಮಾತನ್ನು ಹೇಳಿದ್ದಾರೆ.
ಹೌದು ನನಗೆ ದುಡ್ಡು ಮುಖ್ಯ, ಹಾಗೆಂದ ಮಾತ್ರಕ್ಕೆ ಎಲ್ಲವನ್ನೂ ಹಣದಿಂದ ಅಳೆಯುವುದಕ್ಕೆ ಸಾಧ್ಯವಿಲ್ಲ ಎನ್ನುವ ಮಾತನ್ನು ಸಹಾ ಹೇಳಿದ್ದಾರೆ. ನಾನು ಬಿಗ್ ಬಾಸ್ ಶೋಗಾಗಿ 55 ದಿನಗಳ ಕಾಲ ಸಿನಿಮಾ ಬಿಟ್ಟು ಹೋಗಿದ್ದೆ. ಹೋಗದೇ ಇದ್ದಿದ್ದರೆ ನಾನು ಒಂದು ಸಿನಿಮಾ ಮುಗಿಸಿರುತ್ತಿದೆ ಅಥವಾ ಒಟ್ಟೊಟ್ಟಿಗೆ ಎರಡೆರಡು ಸಿನಿಮಾ ಮಾಡಿರುತ್ತಿದೆ ಎನ್ನುವ ಮಾತುಗಳನ್ನು ಸಹಾ ಹೇಳಿದ್ದಾರೆ.
ನಮ್ಮದೇ ಬ್ಯಾನರ್ ನಲ್ಲಿ ಒಂದು ಸಿನಿಮಾ ಮಾಡಿ , ಸೂಪರ್ ಹಿಟ್ ಆಗಿ ನಾನು ದೊಡ್ಡ ಸ್ಟಾರ್ ಆದಾಗ ನನಗೆ ಎಷ್ಟು ಪ್ರೀತಿ ಸಿಗುತ್ತೋ ಅಷ್ಟು ಪ್ರೀತಿಯನ್ನು ಜನರು ಈ ಶೋನಲ್ಲಿ ಕೊಟ್ಟಿದ್ದು, ನನ್ನ ಸಿನಿಮಾ 50 ದಿನ ಓಡಿದಷ್ಟೇ ಖುಷಿಯಾಗಿದೆ ಎನ್ನುವ ಮಾತುಗಳನ್ನು ಧರ್ಮ ಅವರು ಹೇಳುವ ಮೂಲಕ ಬಿಗ್ ಬಾಸ್ ಬಗ್ಗೆ ಮೆಚ್ಚುಗೆಯ ಮಾತುಗಳನ್ನು ಆಡಿದ್ದಾರೆ.
BBK 11 : ಚೈತ್ರಾಗೆ ಚಾಲೆಂಜ್ ಹಾಕಿದ ರಜತ್; ಫೈರ್ ಬ್ರಾಂಡ್ ನ ಮನೆಯವ್ರ ಮುಂದೆ ನಗೆಪಾಟಲಿಗೆ ಗುರಿ ಮಾಡಿದ ರಜತ್
