Bigg Boss Kannada : ಬಿಗ್ ಬಾಸ್ ಕನ್ನಡ (Bigg Boss Kannada) ಸೀಸನ್ ಹನ್ನೊಂದರ ಈ ವೀಕೆಂಡ್ ನ ಸೂಪರ್ ಸಂಡೇ ವಿತ್ ಬಾದ್ಷಾ ಸುದೀಪ್ (Sudeep) ಅವರ ಎಪಿಸೋಡ್ ನಲ್ಲಿ ಬಿಗ್ ಬಾಸ್ (BBK 11) ಮನೆಯಲ್ಲಿರುವ ಸ್ಪರ್ಧಿಗಳ ಮನಸ್ಸಿನ ಮಾತುಗಳು ಗಾದೆಗಳ ಮೂಲಕ ಹೊರಗೆ ಬಂದಿದೆ. ಈ ಮಾತುಗಳು ಅಚ್ಚರಿಯ ಜೊತೆಗೆ ಶಾಕಿಂಗ್ ಸಹಾ ಆಗಿದೆ. ಮನೆ ಮಂದಿಯ ಮುಂದೆ ಗಾದೆಗಳನ್ನು ಬರೆದ ಬೋರ್ಡ್ ಗಳನ್ನು ಇಡಲಾಗಿದ್ದು, ಯಾರಿಗೆ ಯಾವ ಗಾದೆ ಹೊಂದಿಕೆಯಾಗುತ್ತೆ ಅನ್ನೋದನ್ನ ಮನೆ ಮಂದಿ ತಿಳಿಸಬೇಕು ಅಂತ ಸುದೀಪ್ ಅವರು ಹೇಳಿದ್ರು.
ನಿನ್ನೆ ಉಗ್ರಂ ಮಂಜುಗೆ (Ugram Manju) ಕಿಚ್ಚನ ಚಪ್ಪಾಳೆ ಸಿಕ್ಕಿತ್ತು. ಆದರೆ ಇಂದು ಗೌತಮಿ ಮತ್ತು ಉಗ್ರಂ ಮಂಜು ಅವರನ್ನು ಸಹಾ ಸರಿಯಾಗಿಯೇ ಜಾಡಿಸಿದ್ದಾರೆ. ಮನೆ ಮಂದಿಯ ಮುಂದೆ ಉಗ್ರಂ ಮಂಜು ಅವರು ಗೌತಮಿ (Gauthami) ಆಡಿಸೋ ಬೊಂಬೆನಾ? ಅನ್ನುವಂತಹ ಒಂದು ಪ್ರಶ್ನೆ ಬಂದಿದೆ. ಆಗ ಗೋಲ್ಡ್ ಸುರೇಶ್ ಅವರು, ಗೌತಮಿ ಅವರು ಹಿಂಗೆ ಮಾಡಬೇಡ, ಹಾಗೆ ಮಾಡು ಅಂದ್ರೆ ಮಂಜಣ್ಣ ಅದನ್ನ ಕೇಳ್ತಾರೆ, ಓಕೆ ಅಂತಾರೆ ಎಂದಿದ್ದಾರೆ.
ಅದೇ ವಿಚಾರಕ್ಕೆ ಮೋಕ್ಷಿತಾ (Mokshitha) ತಮ್ಮ ಪ್ರತಿಕ್ರಿಯೆಯಲ್ಲಿ, ಮಂಜಣ್ಣನಿಗೆ ತಲೆಯಲ್ಲಿ ಬೇರೆಯೇ ಇರತ್ತೆ. ಆದರೆ ಗೌತಮಿ ಅವರು ಹೇಳಿದಾಗ ಅವರು ಅದನ್ನು ಒಪ್ಪಿಕೊಳ್ತಾರೆ ಅಂತ ಹೇಳಿದ್ದಾರೆ. ನಂತರ ಕಿಚ್ಚ ಸುದೀಪ್ ಅವರು ಈ ಮನೆಯಲ್ಲಿ ಯಾರನ್ನ ಮೆಚ್ಚಿಸಬೇಕು ಅಂತ ಕೇಳಿದಾಗ ಮನೆಯಲ್ಲಿ ಎಲ್ಲರೂ ಯಾರನ್ನೂ ಇಲ್ಲ ಎನ್ನುವಾಗಲೇ ಮಂಜು ಅವರು ಗೌತಮಿ ಅವರ ಹೆಸರನ್ನು ಹೇಳಿದ್ದಾರೆ.
ಮಂಜು ಗೌತಮಿ ಹೆಸರನ್ನ ಹೇಳಿದ ಕೂಡಲೇ ಕಿಚ್ಚ ಗರಂ ಆಗಿದ್ದಾರೆ. ನೀವು ಮೆಚ್ಚಿ ಗೌತಮಿನಾ ಅಂತ ಹೇಳಿದ್ದಾರೆ. ಅಲ್ಲ, ಅದೆಲ್ಲ ಬೇಡ, ನೀವು ಮೆಚ್ಚಿಸಿ ಎಂದು ಗರಂ ಆಗಿಯೇ ಹೇಳಿದ್ದಾರೆ ಕಿಚ್ಚ. ಇದಾದ ನಂತರ ಗೌತಮಿ ಮತ್ತು ಉಗ್ರಂ ಮಂಜು ಮಾತನಾಡಿದ್ದಾರೆ. ಈ ವೇಳೆ ಗೌತಮಿ ಕಣ್ಣೀರು ಹಾಕಿ ಉಗ್ರಂ ಮಂಜು ಬಳಿ ಗೌತಮಿನ ಮೆಚ್ಚಿಸೋ ಪ್ರಯತ್ನ ಮಾಡಬೇಡಿ ಅಂತ ಹೇಳಿರುವುದು ಪ್ರೊಮೊದಲ್ಲಿ ಕಂಡಿದೆ.
BBK 11 : ಬಿಗ್ ಬಾಸ್ ಮನೆಯಿಂದ ಶಾಕಿಂಗ್ ಎಲಿಮಿನೇಷನ್ ಆಯ್ತಾ? ಹೊರ ಬಂದೇ ಬಿಟ್ರಾ ಆ ನಟ
