Bollywood : ಇದೇ ವರ್ಷದ ಮಾರ್ಚ್ ತಿಂಗಳಲ್ಲಿ ತೆರೆಗೆ ಬಂದು ಯಶಸ್ಸನ್ನು ಪಡೆದುಕೊಂಡು ಬಾಲಿವುಡ್ (Bollywood) ಸಿನಿಮಾ ಲಾಪತಾ ಲೇಡೀಸ್ (Laapataa Ladies) 2025 ರ ಆಸ್ಕರ್ ಗೆ ಭಾರತದಿಂದ ಅಧಿಕೃತ ಎಂಟ್ರಿಯನ್ನು ನೀಡುತ್ತಿದೆ. ಈ ವರ್ಷ ಯಶಸ್ಸನ್ನು ಪಡೆದುಕೊಂಡು ಸ್ಟಾರ್ ಗಳ ಸಿನಿಮಾಗಳನ್ನು ಹಿಂದಿಕ್ಕಿ ಈ ಸಿನಿಮಾ ಆಸ್ಕರ್ ರೇಸ್ ಗೆ ಎಂಟ್ರಿ ಕೊಡುವ ಮೂಲಕ ಚಿತ್ರತಂಡಕ್ಕೆ ಖುಷಿಯನ್ನು ನೀಡಿದೆ. ಈ ಸಿನಿಮಾ ಬರೋಬ್ಬರಿ ಹನ್ನೆರಡು ಬಾಲಿವುಡ್ (Bollywood), ಆರು ತಮಿಳು ಮತ್ತು ನಾಲ್ಕು ಮಲೆಯಾಳಂ ಸಿನಿಮಾಗಳನ್ನು ಹಿಂದೆ ಹಾಕಿ ಆಸ್ಕರ್ ಅಂಗಳಕ್ಕೆ ಕಾಲಿರಿಸಿದೆ.
97 ನೇ ಆಸ್ಕರ್ ಪ್ರಶಸ್ತಿ ಸಮಾರಂಭವು 2025 ರ (Oscar 2025) ಮಾರ್ಚ್ ನಲ್ಲಿ ನಡೆಯಲಿದೆ. ಹೀಗಾಗಿ ಲಾಪತಾ ಲೇಡೀಸ್ ಸಿನಿಮಾ ತಂಡವು ಸಿನಿಮಾದ ಪ್ರಚಾರಕ್ಕೆ ಸಿದ್ಧತೆಗಳನ್ನು ನಡೆಸಿದೆ. ಇದೇ ವೇಳೆ ವಿದೇಶಗಳಲ್ಲಿ ಸಿನಿಮಾದ ಪ್ರಚಾರವನ್ನು ಸುಲಭವಾಗಿ ಮಾಡಲು ಸಿನಿಮಾದ ಟೈಟಲ್ ನಲ್ಲಿ ಬದಲಾವಣೆಯನ್ನು ಸಹಾ ಮಾಡಲಾಗಿದೆ ಎನ್ನುವುದು ಗಮನಾರ್ಹ ವಿಚಾರವಾಗಿದೆ.
ಈಗಾಗಲೇ ಸಾಕಷ್ಟು ಪ್ರಶಸ್ತಿಗಳನ್ನು ಪಡೆದುಕೊಂಡಿರುವ ಈ ಸಿನಿಮಾ ಜನರ ಅಪಾರ ಮೆಚ್ಚುಗೆಗಳನ್ನು ಸಹಾ ಪಡೆದುಕೊಂಡಿದೆ. ಈಗ ಚಿತ್ರ ತಂಡದ ಗಮನ ಆಸ್ಕರ್ ಅನ್ನು ಗೆಲ್ಲುವ ಕಡೆಗೆ ಇದೆ. ಇದೇ ಕಾರಣದಿಂದ ಆಸ್ಕರ್ ಗಾಗಿ ಸಿನಿಮಾ ಪ್ರಚಾರವನ್ನು ಜೋರಾಗಿಯೇ ಮಾಡೋದಕ್ಕೆ ಚಿತ್ರತಂಡ ಎಲ್ಲಾ ರೀತಿಯಲ್ಲಿ ಸಿದ್ಧತೆಗಳನ್ನು ನಡೆಸುತ್ತಿದೆ.
ಸಿನಿಮಾದ ಟೈಟಲ್ ನಲ್ಲಿ ಇರುವ ಲಾಪತಾ ಎನ್ನುವುದು ಹಿಂದಿ ಭಾಷೆಯ ಪದವಾಗಿದ್ದು, ಈಗ ವಿದೇಶಗಳಲ್ಲಿ ಸಿನಿಮಾ ಪ್ರಚಾರಕ್ಕೆ ಸುಲಭವಾಗಬೇಕೆಂಬ ಉದ್ದೇಶದಿಂದ ಚಿತ್ರತಂಡ ಲಾಪತಾ ಎನ್ನುವ ಹಿಂದಿ ಪದವನ್ನು ತೆಗೆದು ಲಾಸ್ಟ್ ಎನ್ನುವ ಇಂಗ್ಲಿಷ್ ಪದ ಬಳಸಿದ್ದು, ಈಗ ಸಿನಿಮಾದ ಹೆಸರು ಲಾಪತಾ ಲೇಡೀಸ್ ಬದಲಾಗಿ ಲಾಸ್ಟ್ ಲೇಡೀಸ್ ಎಂದು ಬದಲಾಗಿದೆ.
BBK 11 : Sorry ಕೇಳಿದ್ರು ಧರ್ಮಗೆ ಸೊಪ್ಪು ಹಾಕದ ಅನುಷಾ! ಧರ್ಮ ಮೇಲೆ ರೊಚ್ಚಿಗೆದ್ದ ಅನುಷಾ
