Bigg Boss Kannada : ಬಿಗ್ ಬಾಸ್ (Bigg Boss Kannada) ಮನೆಯಲ್ಲಿ ವಾರದ ಆರಂಭದಲ್ಲೇ ಬಿಗ್ ಬಾಸ್ ಮನೆ ಮಂದಿಗೆ ದೊಡ್ಡ ಅಚ್ಚರಿ ಯನ್ನು ನೀಡಿದ್ದಾರೆ. ಈ ಅಚ್ಚರಿ ಮನೆ ಮಂದಿಗೆ ಮಾತ್ರವೇ ಅಲ್ಲದೇ ವೀಕ್ಷಕರಿಗೂ ಕೂಡಾ ದೊಡ್ಡ ಶಾಕ್ ಅನ್ನು ನೀಡಿದೆ. ಅಲ್ಲದೇ ಮನೆ ಮಂದಿಯ ನಡುವೆ ಈ ಅಚ್ಚರಿ ದೊಡ್ಡ ಕಿಚ್ಚನ್ನ ಹೊತ್ತಿಸುವುದರಲ್ಲಿ ಖಂಡಿತ ಅನುಮಾನವಿಲ್ಲ ಎಂದೇ ಹೇಳಬಹುದಾಗಿದೆ. ಇಷ್ಟಕ್ಕೂ ಬಿಗ್ ಬಾಸ್ ಮನೆಯಲ್ಲಿ ಅಂತದ್ದೇನು ನಡೀತು? ಅನ್ನೋದಕ್ಕೆ ಉತ್ತರ ಇಲ್ಲಿದೆ.
ಬಿಗ್ ಬಾಸ್ ಮನೆ ಮಂದಿಗೆ ಅವರು ಅಲ್ಲಿ ಇಲ್ಲಿ ಕುಳಿತು ಬೇರೆ ಅವರ ಬಗ್ಗೆ ಆಡಿಕೊಂಡಂತಹ ಮಾತುಗಳ ವೀಡಿಯೋ ಕ್ಲಿಪ್ ಗಳನ್ನು ಮನೆ ಮಂದಿಗೆ ತೋರಿಸಿದ್ದಾರೆ. ಇದನ್ನ ನೋಡಿ ಬೇರೆ ಅವರ ಬಗ್ಗೆ ಅಲ್ಲಿ ಇಲ್ಲಿ ಮಾತನಾಡಿದ್ದವರು ಶಾಕ್ ಆಗೋದು ಒಂದು ಕಡೆ ಆದ್ರೆ ತಮ್ಮ ಬಗ್ಗೆ ಇತರರು ಆಡಿರುವ ಮಾತುಗಳನ್ನು ಕೇಳಿ ಉಳಿದವರು ಸಹಾ ಸಿಕ್ಕಾಪಟ್ಟೆ ಶಾಕ್ ಆಗಿದ್ದಾರೆ.
ವಾಹಿನಿ ಶೇರ್ ಮಾಡಿರೋ ಪ್ರೊಮೋದಲ್ಲಿ ಐಶ್ವರ್ಯ (Aishwarya) ಶಿಶಿರ್ (Shishir) ಬಳಿ ಹೇಳಿಕೊಂಡ ಮಾತುಗಳು, ತ್ರಿವಿಕ್ರಿಮ್ ಮೋಕ್ಷಿತಾ ಮತ್ತು ಗೌತಮಿ ಬಗ್ಗೆ ಆಡಿದ ಮಾತುಗಳು ಕಂಡಿದೆ. ಈ ವೀಡಿಯೋ ಕ್ಲಿಪ್ ಗಳನ್ನು ನೋಡಿದ ಮೇಲಂತೂ ಮೋಕ್ಷಿತಾ ಫೈರ್ ಆಗಿದ್ದಾರೆ. ತ್ರಿವಿಕ್ರಮ್ ನ ಗೋಮುಖ ವ್ಯಾಘ್ರ ಅಂತ ಕರೆದಿದ್ದಕ್ಕೆ ನನಗೆ ಯಾವುದೇ ಪಶ್ಚಾತ್ತಾಪ ಇಲ್ಲ ಅನ್ನೋ ಮಾತನ್ನ ಸಹಾ ಹೇಳಿದ್ದಾರೆ.
ಅಕ್ಕ ತಂಗಿ ಜೊತೆ ಬೆಳೆದಿದ್ರೆ ಈ ತರ ಎಲ್ಲಾ ಮಾತಾಡ್ತಾ ಇರಲಿಲ್ಲ ಎಂದು ಮೋಕ್ಷಿತಾ (Mokshitha) ಸಿಟ್ಟಾಗಿದ್ದಾರೆ. ಇನ್ನೊಂದು ಕಡೆ ತ್ರಿವಿಕ್ರಮ್ (Trivikram) ಇಷ್ಟು ದಿನ ಹಾಗೆ ಇರ್ಲಿಲ್ಲ ಇನ್ಮೇಲೆ ಹಾಗೆ ಇರ್ತೀನಿ ಅನ್ನೋ ಮಾತನ್ನ ಹೇಳಿದ್ದಾರೆ. ಒಟ್ಟಿನಲ್ಲಿ ಬಿಗ್ ಬಾಸ್ ಎಲ್ಲರ ವೀಡಿಯೋ ತೋರಿಸಿದರೋ ಅಥವಾ ಕೆಲವರ ಮಾತುಗಳನ್ನು ತೋರಿಸಿ ಕಿಚ್ಚು ಹೊತ್ತಿಸಿದರೋ ಇಂದಿನ ಎಪಿಸೋಡ್ ನಲ್ಲಿ ನೋಡಬೇಕಾಗಿದೆ.
