Bigg Boss : ಬಿಗ್ ಬಾಸ್ (Bigg Boss) ಕನ್ನಡ ಸೀಸನ್ 11 ಕಾರ್ಯಕ್ರಮದ ನಾಲ್ಕನೇ ವಾರ ಆರಂಭವಾಗಿದೆ. ಈ ವಾರ ವೈಲ್ಡ್ ಕಾರ್ಡ್ ಎಂಟ್ರಿಯಾಗಿದ್ದು, ಗಾಯಕ ಹನುಮಂತ (Hanumanta) ಮನೆಯೊಳಗೆ ಬಂದಿದ್ದು, ಆತನಿಗೆ ಬಿಗ್ ಬಾಸ್ ಮನೆಯ ಕ್ಯಾಪ್ಟನ್ ಪಟ್ಟವನ್ನು ನೀಡಿದ್ದಾರೆ. ಈಗ ಮನೆಯಲ್ಲಿರುವ ಸ್ಪರ್ಧಿಗಳ ನಡುವೆ ಟಾಸ್ಕ್ ವೊಂದರ ವಿಚಾರವಾಗಿ ಹನುಮಂತನ ಮೇಲೆ ಅಸಮಾಧಾನ ಭುಗಿಲೆದ್ದಿದೆ.
ಬಿಗ್ ಬಾಸ್ ಮನೆಯ ಹೊಸ ಕ್ಯಾಪ್ಟನ್ ಆಗಿರುವ ಹನುಮಂತನಿಗೆ ಬಿಗ್ ಬಾಸ್ ಟಾಸ್ಕ್ ಒಂದನ್ನು ನೀಡಿದ್ದಾರೆ. ಮನೆಯ ಸ್ಪರ್ಧಿಗಳನ್ನು ನಂಬರ್ ಆಧಾರದಲ್ಲಿ ಅವರಿಗೆ ಸ್ಥಾನಗಳನ್ನು ನೀಡುವ ಟಾಸ್ಕ್ ಕೊಡಲಾಗಿದೆ. ಆದರೆ ಹನುಮಂತು ನೀಡಿರುವ ಸ್ಥಾನದ ಕುರಿತು ಸ್ಪರ್ಧಿಗಳ ನಡುವೆ ಅಸಮಾಧಾನದ ಅಲೆ ಎದ್ದಿದೆ.
ಚೈತ್ರಾ ಕುಂದಾಪುರ, ಭವ್ಯ ಗೌಡ, ಕೀರ್ತಿ ಧರ್ಮರಾಜ್, ತ್ರಿವಿಕ್ರಮ್ ಹೀಗೆ ಸಾಲು ಸಾಲಾಗಿ ಎಲ್ಲರೂ ಹನುಮಂತು ನೀಡಿದ ಸ್ಥಾನ ಗಳಿಂದಾಗಿ ಅಸಮಾಧಾನಗೊಂಡು ಸಿಟ್ಟಿಗೆದ್ದಿದ್ದಾರೆ. ತಮಗೆ ನೀಡಿದ ಸ್ಥಾನವನ್ನು ಯಾವ ಆಧಾರದಲ್ಲಿ ಕೊಟ್ಟೆ ಎಂದು ಪ್ರಶ್ನೆ ಮಾಡಿ ಆವೇಶವನ್ನು ಹೊರ ಹಾಕಿದ್ದಾರೆ.
ಮನೆಯವರ ಮಾತುಗಳನ್ನ ಕೇಳಿ ರೋಸಿ ಹೋದ ಹನುಮಂತ ಈ ರೀತಿ ಜಗಳ ಆಡ್ತೀರಾ ಅಂದ್ರೆ ನಾನು ಬರ್ತಾನೇ ಇರ್ಲಿಲ್ಲ. ನಾನು ಆಟದಲ್ಲಿ ಇಲ್ಲ, ಕ್ಯಾಪ್ಟನ್ ಕ್ಯಾನ್ಸಲ್ ಎಂದು ಹನುಮಂತ ಬಿಗ್ ಬಾಸ್ ಮುಂದೆ ಮನವಿಯನ್ನ ಮಾಡಿಕೊಂಡಿರುವುದು ಪ್ರೊಮೊದಲ್ಲಿ ಕಂಡಿದೆ.
