Kapil Sharma Show : ಭಾರತೀಯ ಸಿನಿಮಾ ರಂಗವನ್ನು ಅಂತರರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ದು ಬಾಲಿವುಡ್ ಸಿನಿಮಾಗಳಿಗೆ ಟಕ್ಕರ್ ಕೊಟ್ಟ ನಿರ್ದೇಶಕ ರಾಜಮೌಳಿ (Rajamouli) ಕುರಿತಾಗಿ ಬಾಲಿವುಡ್ ಮಂದಿ ವ್ಯಂಗ್ಯ ಮಾಡಿದ್ದು, ವೈರಲ್ ವೀಡಿಯೋ ನೋಡಿ ಸೌತ್ ಸಿನಿಮಾ ಪ್ರೇಮಿಗಳು ಬಾಲಿವುಡ್ ಮಂದಿಯ ಮೇಲೆ ಸಿಟ್ಟಾಗಿದ್ದಾರೆ ಮತ್ತು ಆಕ್ರೋಶವನ್ನು ಹೊರ ಹಾಕುತ್ತಿದ್ದಾರೆ.
ಇತ್ತೀಚಿಗೆ ದೇವರ ಸಿ‌ನಿಮಾದ ಪ್ರಮೋಶನ್ ಗಾಗಿ ಜೂ. ಎನ್ ಟಿ ಆರ್ (Jr NTD), ಜಾನ್ವಿ (Janhvi Kapoor) ಮತ್ತು ಸೈಫ್ ಅಲಿ ಖಾನ್ ದಿ ಕಪಿಲ್ ಶರ್ಮಾ ಶೋಗೆ (Kapil Sharma Show) ಹೋಗಿದ್ದರು. ಈ ವೇಳೆ ಶೋನಲ್ಲಿ ಕಮಿಡಿಯನ್ ಸುನಿಲ್ ಗ್ರೋವರ್ (Sunil Grover) ಅವರು ರಾಜಮೌಳಿಯಂತೆ ಡ್ರೆಸ್ ಹಾಕ್ಕೊಂಡು ವೇದಿಕೆಗೆ ಬಂದು ತನ್ನನ್ನ ತಾನು ರಾಜಗೌಳಿ ಎಂದು ಪರಿಚಯಿಸಿಕೊಂಡಿದ್ದಾರೆ.
ರಾಜಮೌಳಿಯನ್ನ ಮಿಮಿಕ್ರಿ ಮಾಡುತ್ತಾ, ನಾನು ಕಮರ್ಷಿಯಲ್ ಸಿನಿಮಾ ಮಾಡ್ತಾ ಇದ್ದೀನಿ ಅಂತ ಸ್ಟೋರಿ ಲೈನ್ ಹೇಳಿ ನೆಕ್ಸ್ಟ್ VFX, VFX ಎಂದಿದ್ದಾರೆ. ಅಂದ್ರೆ ಇಡೀ ಸಿನಿಮಾ ವಿ ಎಫ್ ಎಕ್ಸ್ ನಿಂದಾನೇ ಮಾಡ್ತೀನಿ ಅನ್ನೋ ಹಾಗೆ ರಾಜಮೌಳಿಯನ್ನ ಮಿಮಿಕ್ರಿ ಮಾಡಿರೋದು ಅನೇಕರಿಗೆ ಅಸಮಾಧಾನವನ್ನು ಉಂಟು ಮಾಡಿದೆ.
ಬಾಲಿವುಡ್ ಸಿನಿಮಾ ಫ್ಯಾನ್ ಗಳು ರಾಜಮೌಳಿಯನ್ನು ವ್ಯಂಗ್ಯ ಮಾಡಿದ ವೀಡಿಯೋ ಶೇರ್ ಮಾಡಿಕೊಂಡು ಇದೇ ನಿಜ ಎಂದರೆ ಟಾಲಿವುಡ್ ಸಿನಿ ಪ್ರೇಮಿಗಳು ಬಾಲಿವುಡ್ ನವರಿಗೆ ಎಂದಿಗೂ ಬುದ್ಧಿ ಬರೋದಿಲ್ಲ ಎಂದು ಟೀಕೆಗಳನ್ನು ಮಾಡುತ್ತಿದ್ದಾರೆ. ಈ ಬಗ್ಗೆ ಟಾಲಿವುಡ್ ಮಂದಿ ಹೇಗೆ ಪ್ರತಿಕ್ರಿಯೆ ನೀಡ್ತಾರೆ ಅನ್ನೋದನ್ನ ಕಾದು ನೋಡಬೇಕಾಗಿದೆ.
