Thalapathy Vijay: ತಮಿಳಿನ ಸ್ಟಾರ್ ನಟ ದಳಪತಿ ವಿಜಯ್ (Thalapathy Vijay) ನಟನೆಯ ಗ್ರೇಟೆಸ್ಟ್ ಆಫ್ ಆಲ್ ಟೈಮ್(GOAT) ಚಿತ್ರ ಬಿಡುಗಡೆ ಆಗಿ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಇನ್ನು ಇದಾದ ನಂತರ ಈ ನಟ ನಟಿಸಲಿರುವ ಅವರ ವೃತ್ತಿ ಜೀವನದ ಕೊನೆಯ ಸಿನಿಮಾಕ್ಕಾಗಿ ನಟ ಸಿದ್ಧವಾಗುತ್ತಿದ್ದು, ನಟನ ಕೊನೆಯ ಸಿನಿಮಾ ಎನ್ನುವ ಕಾರಣಕ್ಕೆ ಭಾರೀ ನಿರೀಕ್ಷೆಗಳನ್ನು ಇದು ಹುಟ್ಟು ಹಾಕಿದೆ.
ಈಗ ಈ ಸಿನಿಮಾದ ಕುರಿತಾಗಿ ಆಸಕ್ತಿಕರ ಮಾಹಿತಿಯೊಂದು ಹೊರ ಬಂದಿದೆ. ದಳಪತಿ ವಿಜಯ್ ಅವರ ಹೊಸ ಸಿನಿಮಾವನ್ನು ನಿರ್ಮಾಣ ಮಾಡಲು ಕನ್ನಡದ ಖ್ಯಾತ ನಿರ್ಮಾಣ ಸಂಸ್ಥೆಯೊಂದು ಮುಂದಾಗಿದೆ ಎನ್ನಲಾಗಿದೆ. ಹಾಗಾದರೆ ಯಾವುದು ಈ ನಿರ್ಮಾಣ ಸಂಸ್ಥೆ ಎನ್ನುವ ಕುತೂಗಲ ನಿಮಗಿದ್ರೆ ಅದಕ್ಕೆ ಉತ್ತರ ಇಲ್ಲಿದೆ.
ರಾಕಿಂಗ್ ಸ್ಟಾರ್ ಯಶ್ ಅವರ ಟಾಕ್ಸಿಕ್ (Toxic Movie) ಸಿನಿಮಾಕ್ಕೆ ಬಂಡವಾಳ ಹೂಡಿರುವ ಕೆವಿಎನ್ ಪ್ರೊಡಕ್ಷನ್ ನ (KVN production) ವೆಂಕಟ್ ಅವರು ಈಗ ದಳಪತಿ ವಿಜಯ್ ಅವರ ಸಿನಿಮಾಕ್ಕೂ ಸಹಾ ಹೂಡಿಕೆ ಮಾಡಲಿದ್ದಾರೆ ಎನ್ನಲಾಗಿದೆ. ಈ ಸಿನಿಮಾದ ಕುರಿತಾಗಿ ಇಂದು ಸಂಜೆ ಹೊಸ ಅಪ್ಡೇಟ್ ಅನ್ನು ನೀಡುವುದಾಗಿ ನಿರ್ಮಾಣ ಸಂಸ್ಥೆ ತಿಳಿಸಿದೆ.
ದಳಪತಿ ವಿಜಯ್ ನಟಿಸಿರುವ ಸಿನಿಮಾಗಳ ದೃಶ್ಯಗಳನ್ನು ಸೇರಿಸಿ ಒಂದು ಟೀಸರ್ ಮಾಡಲಾಗಿದ್ದು, ಇದರಲ್ಲಿ. ‘ನಮ್ಮ ಮೊದಲ ತಮಿಳು ಸಿನಿಮಾ’ ಎಂದು ಕೆವಿಎನ್ ನಿರ್ಮಾಣ ಸಂಸ್ಥೆ ತಿಳಿಸಿದೆ. ಅಲ್ಲದೇ ಸಂಜೆ ವೇಳೆಗೆ ಸಿನಿಮಾದ ಟೈಟಲ್, ಈ ಚಿತ್ರಕ್ಕೆ ನಿರ್ದೇಶಕ ಯಾರು ಎನ್ನುವ ಮಾಹಿತಿಗಳು ದೊರೆಯುವ ಸಾಧ್ಯತೆಗಳಿವೆ.
Pooja Hegde: ಬೇಡಿಕೆ ಕುಗ್ಗಿದ ಬೆನ್ನಲ್ಲೇ ಅಂತಾ ಪಾತ್ರಕ್ಕೂ ಓಕೆ ಹೇಳಿದ ನಟಿ ಪೂಜಾ ಹೆಗ್ಡೆ, ಶಾಕ್ ನಲ್ಲಿ ಫ್ಯಾನ್ಸ್
