Health Tips : ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಒಂದು ಅಥವಾ ಎರಡು ಖರ್ಜೂರವನ್ನು ತಿನ್ನುವುದರಿಂದ ಅನೇಕ ಪ್ರಯೋಜನಗಳಿವೆ. ಸಿಹಿಯಾಗಿದ್ದೂ ಸಕ್ಕರೆಯ ಮಟ್ಟಗಳನ್ನು ಹೆಚ್ಚಿಸದ ಖರ್ಜೂರವನ್ನು ಹಲವಾರು ಖಾದ್ಯಗಳಲ್ಲಿ ಸಿಹಿಕಾರಕವಾಗಿ ಬಳಸಲಾಗುತ್ತದೆ. ಉತ್ತಮಗೊಂಡ ಜೀರ್ಣಕ್ರಿಯೆ ಹಾಗೂ ಇನ್ನೂ ಹಲವಾರು ಆರೋಗ್ಯಕರ ಪ್ರಯೋಜನಗಳನ್ನು ಖರ್ಜೂರದ ಸೇವನೆಯಿಂದ ಪಡೆಯಬಹುದು.
ಖರ್ಜೂರದ ಹಣ್ಣುಗಳನ್ನು ನಿಯಮಿತವಾಗಿ ಸೇವಿಸುವುದರಿಂದ ನಿಮ್ಮ ಮೂಳೆ ಬಲಗೊಳ್ಳುತ್ತದೆ.
ತ್ವರಿತ ಶಕ್ತಿಯನ್ನು ಪಡೆಯಲು ದೀರ್ಘ ಉಪವಾಸದ ನಂತರ ಅಥವಾ ಬೆಳಿಗ್ಗೆ ಮೊದಲ ಆಹಾರವಾಗಿ ಖರ್ಜೂರವನ್ನು ಸೇವಿಸುವುದು ಅತ್ಯುತ್ತಮ.
ಖಾಲಿ ಹೊಟ್ಟೆಯಲ್ಲಿ ಖರ್ಜೂರದ ಹಣ್ಣುಗಳನ್ನು ತಿನ್ನುವ ಮೂಲಕ ತಕ್ಷಣಕ್ಕೆ ಶಕ್ತಿಯನ್ನು ಪಡೆಯಲು ಸಹಾಯ ಮಾಡುತ್ತದೆ. ತಿಂದ ಕೊಂಚ ಹೊತ್ತಿನ ಬಳಿಕವೇ ಶಕ್ತಿ ಹೆಚ್ಚುವುದನ್ನು ನೀವು ಗಮನಿಸಬಹುದು. ಆದರೆ ಮಿತಿಯನ್ನು ಮೀರಿದ ಸೇವನೆಯಿಂದ ನಿಮ್ಮ ರಕ್ತದಲ್ಲಿನ ಸಕ್ಕರೆ ಮಟ್ಟದಲ್ಲಿ ಹೆಚ್ಚಳ ಕಾಣಿಸಬಹುದು.
ಖಾಲಿ ಹೊಟ್ಟೆಯಲ್ಲಿ ಬೆಳಿಗ್ಗೆ ಖರ್ಜೂರದ ಹಣ್ಣುಗಳನ್ನು ತಿನ್ನುವುದು ಮಲಬದ್ಧತೆಯ ಸಮಸ್ಯೆ ನಿವಾರಣೆ ಮಾಡುತ್ತದೆ. ಖರ್ಜೂರವನ್ನು ನಿಯಮಿತವಾಗಿ ಸೇವಿಸಿದಾಗ ನಿಮ್ಮ ಒಟ್ಟಾರೆ ಜೀರ್ಣವ್ಯವಸ್ಥೆಯ ಆರೋಗ್ಯವನ್ನು ಸುಧಾರಿಸುತ್ತದೆ.
ಖರ್ಜೂರದ ಹಣ್ಣುಗಳನ್ನು ನೇರವಾಗಿಯೂ ಅಥವಾ ಸಲಾಡ್ ರೂಪದಲ್ಲಿ ಪ್ರತಿದಿನ ಸೇವಿಸಿ ಮತ್ತು ನೀವು ಖಂಡಿತವಾಗಿಯೂ ಕೆಲವು ಉತ್ತಮ ಫಲಿತಾಂಶಗಳನ್ನು ಪಡೆಯುತ್ತೀರಿ.
